9 avqust 1968-ci ildə Çeçen-İnquş Muxtar Sovet Sosialist Respublikasının Qroznı rayonunun Priqorodnoye kəndində, Sulima və Kasirat Baysarovların böyük ailəsində anadan olur. Milliyyətcə çeçendir. İş adamı özü valideynlərinin zəngin olmadığını, buna görə uşaqlıqdan özü pul qazanmalı olduğunu söyləyir.

1985-ci ildə məktəbi bitirdikdən sonra Moskvaya gəlir və Moskva İnşaat Mühəndisliyi İnstitutuna daxil olur.

1986–1988-ci illərdə Strateji Raket Qüvvələrində xidmət edir, baş çavuş rütbəsi ilə tərxis edilir. Qroznı Neft İnstitutuna köçürüldükdən sonra 1996-cı ildə "mühəndis-iqtisadçı" ixtisasını bitirir.

2001-ci ildə Moskva Dövlət Universitetində sosiologiya üzrə magistr dərəcəsi alır.

2018-ci ildə Ruslan Baysarov "MISiS" Milli Araşdırma Texnologiya Universitetində texnika elmləri namizədi alimlik dərəcəsinə layiq görülmüşdür.

Tələbə ikən, rusdilli istifadəçilər üçün uyğunlaşdırılmış idxal kompüterləri sataraq ilk ciddi pulunu qazanır.

Baysarovun ilk iş layihəsi, Moskvadakı Krasnopresnenskaya sahilindəki Dünya Ticarət Mərkəzində (WTC) bir gözəllik salonu oluri. 1997-ci ildə sahibkar rejissor Fyodor Bondarçuk və aktyor Stepan Mixalkovla birlikdə "İnfant silver" şirkətini qurur. Şirkətə eyni zamanda Baysarova məxsus Rusiyadakı ilk yapon restoranlarından biri, gecə klubu, kiçik bir kazino və açıq bir dayanacaq daxil idi.

1990-cı illərin sonunda Ruslan Baysarov neft biznesinə başlayır. Moskva neft emalı zavodunda təxminən 1,5 milyon ton neft emal edən Infant adlı öz pərakəndə satış şirkətinə sahib olur. Baysarovun şirkəti Rusiyada yalnız iki minə yaxın yanacaqdoldurma məntəqəsinə deyil, müxtəlif büdcə təşkilatlarına və dövlət qurumlarına da xidmət edir. Bu dövrdə Moskva Yanacaq Birliyində vitse-prezident olur, bu korparasiya Moskva yanacaq bazarında satış həcminin 75% -ni həyata keçirən 50-dən çox təşkilatı özündə birləşdirir.

2001-ci ildən 2004-cü ilə qədər Baysarov paytaxtın yüksək keyfiyyətli neft məhsullarının sabit təchizatı sistemini inkişaf etdirmək məqsədi ilə 1999-cu ildə Moskva merinin sərəncamı ilə yaradılmış "Moskva Neft Şirkəti" ASC-nin vitse-prezidenti olur. 2004–2005-ci illərdə Moskva regionunda əsas neft məhsulları tədarükçüsü olan Moskva Neft Emalı Zavodunun (MNEZ) daxil olduğu Mərkəzi Yanacaq Şirkətinin vitse-prezidenti idi. 2005-ci ildə MNK-AVTOKARD QSC-nin idarə heyətinin sədri vəzifəsində çalışmışdır.

2005-ci ildə Ruslan Baysarov "Moskva Neft və Qaz Şirkəti" ASC-nin (MNQŞ) vitse-prezidenti, 2007-ci ildən — Moskva Neft Emalı Zavodunu, "Mosnefteproduct" ASC-ni və "Moskva Yanacaq Şirkəti" ASC-ni idarə edən şirkətin birinci vitse-prezidentidir.

2008-ci ildə Baysarov Sibir Energy neft şirkətinin aktivlərinin bir hissəsini əldə edir.. 2010-cu ildə Baysarovun payı 740 milyon dollara Qazprom Neft tərəfindən alınır.

2010–2011-ci illərdə Mərkəzi Yanacaq Şirkəti ASC-nin Birinci vitse-prezidenti vəzifəsində çalışmışdır.

2011-ci ildən "Tuva Energy Industrial Corporation" QSC-nin baş direktorudur.

Baysarovun ilk həyat yoldaşı və 1993-cü il təvəllüdlü Kamilla adlı qızının anası fotomodel Tatyana Kovtunova olur.

Mətbuatda yayılan məlumatlara görə, 1997-ci ildə Baysarov Kristina Orbakayte ilə tanış olur. Bir il sonra onların Denis adlı bir oğulları doğulur. Cütlük 2003-cü ildə ayrılır.

2009-cu ildə 11 yaşlı oğlu Denisin yaşadığı yerin təyin edilməsi ilə bağlı hekayə geniş şəkildə yayılmışdır.

Ruslan Baysarov Amerika vətəndaşı ilə evlənən keçmiş həyat yoldaşı Kristina Orbakaytenin oğlunu ABŞ-da daimi yaşamaq üçün aparacağını düşünmək üçün ciddi səbəblərin olduğunu söyləyir.

Orbakayte öz növbəsində, Denisin Çeçenistana aparılmasından qorxurduğunu deyir. Baysarov oğlunu Çeçenistana aparmaq niyyətində olmadığını, oğlunu anasından məhrum etmək istəmədiyini və özünün Çeçenistanda deyil, Moskva vilayətində daimi yaşadığını bildirir.

Nəticədə tərəflər barışıq razılığına gəlir, buna görə Denis valideynlərindən birinin rəsmi yaşayış yerini seçiməli olur.