Rəhim xan Naxçıvanski - Haqqinda Melumat

Rəhim xan Naxçıvanski
Rəhim xan Naxçıvanski
	Rəhim xan II Kalbalı xan oğlu Naxçıvanski
Şəxsi məlumatlar
Doğum tarixi	17 fevral 1860
Doğum yeri	Naxçıvan, Rusiya İmperiyası
Vəfat yeri	Rusiya İmperiyası
Fəaliyyəti	siyasətçi
Təltifləri

Rəhim xan II Kalbalı xan oğlu Naxçıvanski (1860 — ?) – görkəmli ictimai-siyasi xadim. Ehsan Xan Kəngərlinin nəvəsi, Kəlbəli xan Naxçıvanski(II)nin oğlu, Hüseyn Xan Naxçıvanskinin qardaşı

Fəaliyyəti

Rəhim xan II Kalbalı xan oğlu Naxçıvanski 17 fevral 1860-cı ildə Naxçıvan qəzasında anadan olmuşdur. O, ilk təhsilini Tiflis real məktəbində almış,1877-ci ildə 18-ci Pereyaslav alayına hərbi xidmətə çağırılmışdır. Rusiya-Osmanlı müharibəsində iştirakına görə 1877-ci ildə unter zabit rütbəsinə yüksəldilmiş, IV dərəcəli “Müqəddəs Georgi” ordeni ilə təltif edilmiş, 1879-cu ildən 1880-ci ilədək Tiflis piyada yunker məktəbində, 1880-1881-ci illərdə Tiflisdə Qafqaz təlim rota - məktəbində hərbi kurslara qatılmış, 1882-ci ildə kornet rütbəsində xidmət etdiyi alaya qayıtmışdır. 1883-cü ildə ehtiyata buraxılan Rəhim xan 31 il sonra – 1915-ci ildə öz xahişi ilə kornet rütbəsində II Dağıstan atlı alayında qulluq etmək üçün yenidən hərbi xidmətə çağırılmışdır.1 O, sovet hakimiyyəti illərində öz dədə-baba yurdundan sürgün edilmişdir.