Qulamhüseyn Surxay oğlu Əlibəyli (1958, Köhnə Alvadı, Masallı rayonu) — azərbaycanlı dövlət və siyasi xadim, Azərbaycan Milli Məclisinin III çağırış üzvü, Aydınlar Partiyasının sədri (2008–2023).

Qulamhüseyn Əlibəyli
bayraq
Aydınlar Partiyasının sədri
bayraq2
20 noyabr 2009 – 17 aprel 2023
Əvvəlki Vəzifə təsis edildi.
Sonrakı Vəzifə ləğv edildi.
bayraq
Azərbaycan Xalq Cəbhəsi Partiyası Ali Məclisinin sədri
bayraq2
1995 – 2008
Əvvəlki Vəzifə təsis edildi.
Sonrakı Həsən Kərimov
24 noyabr 1995 – 30 noyabr 2005
Seçki dairəsi 1995 — Proporsional sistem
2000 — Proporsional sistem
Əvvəlki Vəzifə təsis edildi. (1995)
Mirmahmud Mirəlioğlu (2000)
Sonrakı Asim Mollazadə (1995)
Vəzifə ləğv edildi. (2000)
Noyabr 1992 – 18 iyun 1993
Prezident Əbülfəz Elçibəy
Əvvəlki Vəzifə təsis olundu.
Sonrakı Vəzifə ləğv olundu.
bayraq
Azərbaycan Xalq Cəbhəsi Ali Məclisinin sədri
bayraq2
1992 – 1995
Əvvəlki Arif Hacılı
Sonrakı Vəzifə ləğv olundu.
Şəxsi məlumatlar
Doğum tarixi 1958
Doğum yeri
Partiya
Təhsili
Fəaliyyəti siyasətçi
Vikianbarın loqosu Vikianbarda əlaqəli mediafayllar

Həyatı

Qulamhüseyn Əlibəyli 1958-ci il sentyabrın 8-də Masallı rayonunun Köhnə Alvadı qəsəbəsində şəhərində anadan olub. S. Kirov adına Azərbaycan Dövlət Universitetində hüquq üzrə ali təhsil alıb, təhsilini fərqlənmə diplomu ilə başa vurub. 1981–1985-ci illərdə S. Kirov adına Azərbaycan Dövlət Universitetində Konstitusiya hüququ Kafedrasının aspirantı olub. İngilis və rus dillərini bilir.

Qulamhüseyn Əlibəyli ailəlidir, dörd övladı var.

Siyasi fəaliyyəti

Qulamhüseyn Əlibəyli 1992-ci ildən Azərbaycan Ali Soveti Aparatında əvvəlcə konstitusiya hüquq məsələləri bölməsinin, sonra isə dövlət quruculuğu şöbəsinin müdiri vəzifəsində çalışmışdır. 1992-ci ilin noyabr ayından 1993-cü ilin iyun ayınadək Azərbaycan Prezidentinin (Əbülfəz Elçibəy) parlamentlə əlaqələr üzrə müşaviri vəzifəsində çalışmışdır.

Parlamentdə

1995-ci il parlament seçkilərində Qulamhüseyn Əlibəyli Azərbaycan Xalq Cəbhəsi Partiyasının proporsional seçki üzrə vahid namizədlər siyahısında 3-cü sırada olmuşdur. Azərbaycan Xalq Cəbhəsi Partiyası seçkilərdə proporsional siyahı üzrə 346 192 (9.6%) səs toplayaraq siyahısından ilk 3 nəfərin deputat seçilməsinə nail olmuşdur. Beləliklə, Qulamhüseyn Əlibəyli deputat seçilmişdir.

1995-ci il noyabrın 24-dən səlahiyyətlərinin icrasına başlayan Qulamhüseyn Əlibəyli Milli Məclisin Hüquq siyasəti və dövlət quruculuğu Daimi Komissiyasının və Azərbaycan—BƏƏ parlamentlərarası əlaqələr üzrə işçi qrupunun üzvü olub.

Daha sonra 2000-ci il noyabrın 5-də baş tutan Parlament seçkilərində Azərbaycan Xalq Cəbhəsi Partiyasının siyahısı üzrə 2-ci sırada olan Qulamhüseyn Əlibəyli II çağırış Milli Məclisin deputatı seçilib. 2000-ci il noyabrın 12-dən səlahiyyətlərinin icrasına başlayan Qulamhüseyn Əlibəyli Milli Məclisin Hüquq siyasəti və dövlət quruculuğu məsələləri Daimi Komissiyasının və Azərbaycan—Yunanıstan parlamentlərarası əlaqələr üzrə işçi qrupunun üzvü olub.

Qulamhüseyn Əlibəyli 2008-ci ildə baş tutan Prezident seçkilərində mübarizə apardı. Nəticədə 81 120 səslə (2.20 %) 7 namizəd sırasında 5-ci pillədə qərarlaşdı.

Partiya fəaliyyəti

Qulamhüseyn Əlibəyli 1989-cu ildən Azərbaycan Xalq Cəbhəsinin, 1990-cı ildən isə Azərbaycan Xalq Cəbhəsi Ali Məclisinin üzvü olmuşdur.

Qulamhüseyn Əlibəyli 1992-ci ildən Azərbaycan Xalq Cəbhəsi Ali Məclisinin, 1995-ci ildən isə Azərbaycan Xalq Cəbhəsi Partiyası Ali Məclisinin sədri olmuşdur.

Qulamhüseyn Əlibəylinin 2008-ci ildə Azərbaycan Xalq Cəbhəsi Partiyasından qalmaqallı formada istefa verməsindən sonra o, 2008-ci il noyabrın 14-də Aydınlar Partiyasını qurduğunu bildirib. Keçmiş AXCP üzvləri tərəfindən qurulan Aydınlar Partiyası 2009-cu il noyabrın 20-də Ədliyyə Nazirliyində dövlət qeydiyyatına alınıb. "Siyasi partiyalar haqqında" yeni qanunun qəbulundan sonra, 17 aprel 2023-cü il tarixində Aydınlar Partiyası növbədənkənar qurultay keçirmiş, qurultayda partiyanın fəaliyyətinə xitam verilmişdir.

İstinadlar

  1. modern.az. . modern.az (az.). 2024-01-05 tarixində . İstifadə tarixi: 2024-01-05.
  2. Şahin Cəfərli. . Bakı Araşdırma Mərkəzi. 2021-07-12 tarixində . İstifadə tarixi: 2022-05-31.
  3. (PDF) (az.)). 24.11.1995. 26.08.2020 tarixində (PDF). İstifadə tarixi: 26.08.2020.
  4. (az.)). 07.03.1997. 26.08.2020 tarixində . İstifadə tarixi: 26.08.2020.
  5. (PDF) (az.)). 30.11.2000. 24.08.2020 tarixində (PDF). İstifadə tarixi: 24.08.2020.
  6. (az.)). 30.11.2000. 26.08.2020 tarixində . İstifadə tarixi: 26.08.2020.
  7. Әлијев Гуламһүсејн Сурхај оғлу // Азәрбајҹанда ким кимдир? ( Сорғу-мәлумат китабы). Тәртибчи-мүәллифләр: Тејмур Әһмәдов, Тарыјел Ҹаһанҝир. Бакы: "Азәрбајҹан Енсиклопедијасы" НПБ. 1999. ISBN 5-89600-253-x.
  8. . 2023-04-22 tarixində . İstifadə tarixi: 2023-04-22.
  9. . 2023-04-26 tarixində . İstifadə tarixi: 2023-04-26.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023