Qalina Burdina 24 mart 1919-cu ildə anadan olub. Onun atası Rusiya vətəndaş müharibəsi zamanı həlak olmuşdu. O, 14 yaşında ikən gecələr təhsilini davam etdirməklə fəhlə işləməyə başlaymışdır. 17 yaşında ikən planerdə uçmağı öyrənməyə başlayan Burdina Ulyanovskdakı mülki aviasiya pilotu məktəbində oxumağa davam etmişdir. O, daha sonra Yekaterinburqda pilot təlimatçısı kimi işləməyə başladmışdır. 1941-ci ilin sentyabrında onun məktəbi hərbi pilotlar məktəbinə çevrilmiş və Burdina hərbi pilotlar hazırlamağa davam etmişdir.

İkinci dünya müharibəsində

Müharibə zanaı o, məktəbin digər iki qadın təlimatçısı ilə birlikdə könüllü olaraq hərbi xidmətə getdi. 24 saat əvvəl xəbərdar edilərək o, Moskvaya göndərildi. Burdina Saratov vilayətinin Engels şəhərindəki bazaya göndərilib. Gələndən sonra Marina Raskova ona qırıcı pilot olmaq üçün məşq etməli olduğunu bildirdi. Burdina təlimdən sonra cəbhəyə göndərilərkən 586-cı Qırıcı Aviasiya Alayında gecə döyüşçüləri kimi yanaşı bombardmançıları dəstəkləyib və kəşfiyyatçı kimi fəaliyyət göstərib.

Müharibədən sonra o 15 il aeroflotda uçmuş və daha sonra hava nəqliyyatı dispetçeri kimi işləmişdir. Burdina Sovet İttifaqının dağılmasından sonra 2006-cı ildə vəfat edənədək vətəndaşlığı olmayan şəxs kimi Latviyanın Riqa şəhərində yaşayıb.

• "Qırmızı Bayraq" ordeni (1944)
• 2-ci dərəcəli "Vətən Müharibəsi" ordeni (1985)
• "Qırmızı Ulduz" ordeni (1943)
• kampaniya və yubiley medalları