Qabes Tunisin Qabes vilayətinin mərkəz şəhəridir.Qabes 152.921 əhali ilə Tunisin ən böyük 6-cı şəhəridir.Qabes paytaxt Tunisə 327 km,Sfaksa isə 113 km uzaqlıqda Qabes körfəzinin sahilində yerləşir.
| Qabes | |||
|---|---|---|---|
 | |||
|
|||
| 33°52′53″ şm. e. 10°05′54″ ş. u. | |||
| Ölkə | Tunis | ||
| Tarixi və coğrafiyası | |||
| Mərkəzin hündürlüyü | 1 m | ||
| Əhalisi | |||
| Əhalisi | 152.921 nəfər | ||
| Rəqəmsal identifikatorlar | |||
| Poçt indeksi | 6000 | ||
| Digər | |||
|
| |||
 Vikianbarda əlaqəli mediafayllar | |||
.svg)
Tarix
Şəhər Roma dönəmindən mövcud olmuşdur.Şəhər haqqında Strabon və kimi tarixçilər məlumat vermişdir.Bir müddət sonra öz əhəmiyyətini itirən şəhər yepiskoplar üçün bir məntəqəyə çevrilmişdir.
- 7-ci əsrdə Ərəb xilafəti bölgəni fəth etmişdir.
- 1574-cü ildə şəhər Osmanlıların Tunisi işğal etməsindən sonra Osmanlının Tunis əyalətinin bir parçası olmuşdur.
- 1881-ci ildə Qabes Fransızların əlinə keçdi
- 1940-cı ildə Almanların Fransanı məğlub etməsindən sonra şəhər Almanların nəzarətinə keçdi.
- 1943-cü ildə İngilislərin köməyi ilə şəhər yenidən Fransız nəzarətinə keçdi.Bu zaman şəhər infrastrukturuna ciddi ziyan dəydi.
- 1945-ci ildə şəhər yenidən inşa olunmağa başlandı.
- 1956-cı ildə Tunisin Fransadan müstəqilliyini qazanması ilə şəhər Tunisin bir parçası oldu.
Təhsil
Şəhərdə Qabes üniversiteti yerləşir.
Sənaye
Qabes Tunisin ən böyük sənaye şəhərlərindən biridir.Sənaye sahələrinin əsası kimya sənayesinə aitdir,buna görə də şəhərdə yerləşən Qabes Üniversiteti Tunisdəki ən yaxşı kimya dərəcələrini təklif edir.Əsas sənaye məhsulları:
- Sement
- Kimya məhsulları
- Kərpic
- Emal olunmuş yağ
Sürətlə artan fabrika sayı bölgənin və Qabes körfəzinin ciddi şəkildə ekoloji çirklənməsinə səbəb olur.Hökumət son illərdə çirklilik miqdarını azaltmaq üçün layihələr və qanunlar üzərində işləyir.
Nəqliyyat
Şəhərə Matmata Beynəlxalq Hava Limanı xidmət edir. Şəhərdə ola biləcək ən dar dəmiryolu xətləri (1000 mm-lik) mövcuddur.Şəhərdən keçən dəmiryolu xətti Liviya sərhəddindəki Ras Əjdər qəsəbəsinə qədər uzanır.Qabes Tunisin ən böyük limanlarından da birinə sahibdir.Əsasən Qafsa şəhərindən mədən məhsulları tədarükü üçün istifadə olunur.
İqlim
Qabes subtropik iqlimin Aralıq dənizi tipinin səciyyəvi olduğu bir ərazidə yerləşir.Burada qışlar nisbətən yağıntılı və mülayim ,yay isə isti və quru keçir.
Turizm
Qabes bazarları,plajları və qeyri adı dəniz kənarı vahəsi ilə tanınır.Ən yaxşı plajı şəhərin cənubundakı Lemaya plajıdır.Hökumət burada turizm bölgəsi inşa etməyi planlayır.Qabesin dünyada bənzəri olmayan bir özəlliyi var.Burada dağ,dəniz,vahə və çöl tapa bilərsiniz.Şəhər Ramazan ayında canlanır.Burada ən çox ziyarət edilən yer Matmata qəsəbəsidir.
İstinadlar
- 2019-08-10 at the Wayback Machine Qabes
- Qabes,Oksford yayımları
- Qabes iqlimi/