Priştinada nəqliyyat
Priştina Kosovoda avtomobil, dəmir yolu və hava şəbəkələrinin əsas qovşağıdır. Avtobuslar, qatarlar və təyyarələr Priştina ilə digər bölgələr arasında yüksək səviyyədə nəqliyyat əlaqələrini təmin edir. Nəqliyyat polisinin məlumatına görə, Kosovo Respublikasında qeydiyyatdan keçmiş 240 min nəqliyyat vasitəsi vardır ki, bununda təxminən 100 mini (41%) Priştinanın payına düşür[1].
Kosovo müharibəsindən sonra Priştinada yollar çox pis vəziyyətdə idi. Vəziyyətin düzəldilməsi üçün dövlət investisiyaları tələb olunurdu. Hazırda Priştinada infrastruktur yaxşı vəziyyətdədir[2]. Priştinanı digər şəhərlərlə birləşdirən yollar Kosovo nəqliyyat şəbəkəsinin əsasını təşkil edir. M2 yolu şimaldan, Mərkəzi Serbiyadan başlayır və Priştinadan keçməklə Makedoniya sərhəddinə qədər uzanır. M9 yolu Mərkəzi Serbiyadan başlayır və Reç şəhərindən keçməklə Monteneqro sərhədinə qədər uzanır[3].
- Priştinada yol qəzaları.
Aşağıdakı cədvəldə 2008-2011-ci illərdə Priştina yollarında ölümcül qəzaların sayı göstərilir[4].
| 2008 | 2009 | 2010 | 2011 | |
|---|---|---|---|---|
| Ölümcül olanlar | 1383 | 1628 | 1463 | 1545 |
Beynəlxalq hava limanı Kosovonun paytaxtı Priştinadan 15 km cənub-qərbdə yerləşir[5]. Uçuş eniş zolağının uzunluğu 2500 metrdir. Bir çox yollara, texniki, təmir, yaşayış binalarına və anqarlara sahibdir. Hava limanı istənilən müasir növ təyyarəni qəbul etmək imkanına sahibdir.
Priştina Beynəlxalq Hava Limanı bölgədəki ən yüklənmiş hava limanıdır. Buradan hər il təxminən 17 min uçuş həyata keçirilir və hava limanı 1,2 milyon sərnişinə xidmət edir. 2008-ci il nəticələrinə əsasən aeroportun gəlirləri 25 milyon avro təşkil edir. Hava limanı dünyanın 35 avia şirkəti ilə əməkdaşlıq edir[6].
Priştina Avtovağzalı bütün Kosovo və bir sıra beynəlxalq istiqamətlərə xidmət göstərir. Əsas avtovağzal Bill Klinton Bulvarı ərazisində, şəhərin 2 km cənub-qərbində yerləşir.
Priştina şəhər administrasiyasına yalnız 4 və 3A avtobus xəttləri aiddir. Digərləri isə özəl operatorlara aiddir[7].
Pristinada bir çox taksi operatorları vardır. Birinci kilometr 1,5 avroya başa gəlir, daha sonra isə hər km 0,6 avro təşkil edir. Bir qayda olaraq pik saatlarda Priştinanın bir ucundan digərinə gediş haqqı 10 avrodan artıq olmur[8].
Priştinada eyni adlı dəmiryolu vağzalı vardır[9]. Buradan Skopyeyə gündəlik gediş vardır[10].
2002-ci ildə Kosovonun hər 1000 sakininə təxminən 113 avtomobil düşür. Müqayisə üçün Vyanada hər 1000 sakinə 393, Ştutqartda isə 549 avtomobil düşür.[mənbə göstərin] Şəhərdə motosikletlərin sayı isə 2300-dan artıqdır.[mənbə göstərin]
- ↑ Arber Sylejmani, arber@kreatoda.com. "Portali Indeksonline - 240 mijë vetura në “rks”, 100 mijë vetëm në Prishtinë". indeksonline.net. 2022-02-06 tarixində arxivləşdirilib. İstifadə tarixi: 2014-03-02.
- ↑ "https://www.osce.org/kosovo/13127". osce.org. 2022-02-27 tarixində arxivləşdirilib. İstifadə tarixi: 2014-03-02.
- ↑ http://wbc-inco.net/object/document/9842/attach/0_1NationalBackgroundReportonTransportforKosovo-UNMIK.pdf Arxivləşdirilib 2014-03-05 at the Wayback Machine Page. 14
- ↑ "Arxivlənmiş surət" (PDF). 2013-08-10 tarixində orijinalından (PDF) arxivləşdirilib. İstifadə tarixi: 2018-04-19.
- ↑ "Transportation in Kosovo - Be in Kosovo - Visit Kosovo - Business in Kosovo - Invest in Kosovo - Tourism in Kosovo - Rent a Car in Prishtina - Guides in Kosovo - Study in Kosovo". beinkosovo.com. 2017-03-03 tarixində arxivləşdirilib. İstifadə tarixi: 2014-03-02.
- ↑ http://www.bogalaw.com/pdf/Investment_Kosovo_January12.pdf Arxivləşdirilib 2022-01-26 at the Wayback Machine Page .16
- ↑ "Koha NET - Arkivi". koha.net. 2014-03-02 tarixində arxivləşdirilib. İstifadə tarixi: 2014-03-02.
- ↑ http://www.inyourpocket.com/data/download/pristina.pdf Arxivləşdirilib 2016-07-23 at the Wayback Machine Pg. 36
- ↑ "Trains - Arrival & Transport in Pristina - In Your Pocket city guide - essential travel guides to cities in Kosovo". inyourpocket.com. 2014-03-02 tarixində arxivləşdirilib. İstifadə tarixi: 2014-03-02.
- ↑ "Hekurudhat". kosovorailway.com. 2014-02-28 tarixində orijinalından arxivləşdirilib. İstifadə tarixi: 2014-03-02.