PinkPantheress (əsl adı: Viktoriya Beverli Volker; 18 aprel 2001, Bat, Cənub-Qərbi İngiltərə[d]) — İngiltərə müğənnisi, musiqi prodüseri. Onun mahnıları çox vaxt qısa olur, yığcam və cəlbedici melodiyaları ilə dinləyicilərin diqqətini çəkir. O, 1990 və 2000-ci illərin musiqisindən ilham alaraq, bu dövrlərə aid olan semplləri öz bəstələrinə daxil edir.
| PinkPantheress | |
|---|---|
 | |
| Ümumi məlumatlar | |
| Doğum tarixi | 18 aprel 2001(23 yaş) |
| Doğum yeri |
|
| Vətəndaşlığı | |
| Musiqiçi məlumatları | |
| Fəaliyyəti | mahnı yazarı[d], musiqi prodüseri, müğənni, musiqiçi, müğənni-mahnı yazarı |
| Fəaliyyət illəri | 2020-ci ildən |
| Janrlar | pop musiqisi, bedrum pop[d], rəqs musiqisi[d], alternativ pop[d] |
| Albom şirkətləri | Parlophone |
 Vikianbarda əlaqəli mediafayllar | |
PinkPantheress 2021-ci ildə Londonda universitetdə təhsil alarkən öz mahnılarını məşhur sosial media platforması TikTok-a yerləşdirməyə başlamışdır. Onun mahnıları çox diqqət çəkməyə başlamış və viral olmuşdur, xüsusən də "Break It Off" adlı treki. Bu mahnının uğuru nəticəsində o, Parlophone və Elektra Records musiqi şirkətləri ilə müqavilə bağlamışdır. Onun 2021-ci ildə yayımladığı debüt miksteypi "To Hell with It"də yer alan "Just for Me" və "Pain" trekləri UK Singles Chart hit-paradında ilk 40-lığa daxil olmuş və Britaniya Fonoqrafiya Sənayesi (BPI) tərəfindən gümüş sertifakata layiq görülmüşdür. O, 2022-ci ildə BBC-nin tərtib etdiyi "2022-ci ilin səsi" sorğusunda qalib gəlmişdir. Həmin il yayımladığı "Boy's a Liar" mahnısı Böyük Britaniyada hit-paradlarda ikinci yerə yüksəlib. Növbəti il 2023-cü ildə bu mahnının amerikalı reper Ice Spice-nin iştirak etdiyi remiksi ABŞ-də məşhurluq qazanmış və Billboard Hot 100-ə daxil olaraq siyahılarda üçüncü yeri tutmuşdur. Onun ilk studiya albomu "Heaven Knows" 2023-cü ildə işıq üzü görüb.
Həyatı
Viktoriya Beverli Volker 18 aprel 2001-ci ildə İngiltərənin Bat şəhərində anadan olub. Onun kenyalı anası qulluqçu, ingilis olan atası isə statistika professorudur. Onun səs mühəndisliyi ilə məşğul olan özündən böyük qardaşı var. Onun beş yaşı olarkən ailəsi Betdan Kenterberiyə köçmüş və o, burada böyümüşdür. Onun 12 yaşı olanda atası Texas ştatının Ostin şəhərindəki universitetdə işləmək üçün ABŞ-ə getmişdir. Bu vaxt o, anası ilə birlikdə İngiltərədə qalıb.
Viktoriya kiçik yaşlarından piano dərsləri almağa başlayıb. O, 12 yaşında olarkən məktəbdə təşkil edilmiş istedad müsabiqəsində Ben E. Kinqin "Stand By Me" mahnısını ifa edib. Viktoriya 14 yaşında olarkən dostları ilə birlikdə qurduğu rok qrupunun müğənnisi olmuşdu. Onun qrupu əsasən , Paramore və Green Day kimi məşhur qrupların kover mahnılarını ifa edirdi. Onların ilk canlı ifası məktəb festivalında baş tutmuşdur. O, təxminən 13 yaşında olanda Marks & Spencer, Claire's və Co-op kimi müxtəlif yerlərdə işləməyə başlamışdır. O, 2022-ci ilə qədər London İncəsənət Universitetində film təhsili alıb, lakin təhsilini yarıda qoymaq qərarına gəlib.
Şəxsi həyatı
Onun səhnə adı olan "PinkPantheress" TikTok-dakı istifadəçi adından gəlir. Bu adı "Çəhrayı Pantera" film seriyasından götürmüşdür. Ad "dişi çəhrayı pantera" mənasına gəlir. PinkPantheress öz gerçək adını gizli saxlamaq üçün müxtəlif addımlar atmışdır. O, uşaq yaşlarından dismorfiyaya sahib olduğunu bildirir. Gənc sənətçi yüksək səslə musiqi dinləməkdən eşitmə qabiliyyətini itirib. Onun sağ qulağı 80 faiz karlaşıb.
Diskoqrafiya
Studiya albomları
- Heaven Knows (2023)
Miksteyplər
- To Hell with It (2021)
İstinadlar
- ↑ .
- Bell, Sadie. . . 29 September 2023. 12 November 2023 tarixində . İstifadə tarixi: 13 November 2023.
- Aswad, Jem. . Variety. 10 November 2023. 10 November 2023 tarixində . İstifadə tarixi: 13 November 2023.
- . BET. 30 October 2023. 13 November 2023 tarixində . İstifadə tarixi: 13 November 2023.
- pinkpantheress [pinkpantheress2]. (Tweet). Missing or empty |date= (help)
- Ochefu, Christine. . The Guardian (ingilis). 15 October 2021. 25 December 2021 tarixində . İstifadə tarixi: 17 October 2021.
- Pometsey, Olive. . (ingilis). 1 December 2021. 6 January 2022 tarixində . İstifadə tarixi: 6 January 2022.
- Issawi, Danya. . The New York Times (ingilis). 6 November 2021. 9 November 2021 tarixində . İstifadə tarixi: 10 November 2021.
- . . (ingilis). 16 February 2022. 5 March 2022 tarixində . İstifadə tarixi: 5 March 2022.
- Greenwood, Douglas. . (ingilis). 21 June 2021. 19 July 2021 tarixində . İstifadə tarixi: 19 July 2021.
- Campbell, Erica. . NME. 3 February 2023. 10 May 2023 tarixində . İstifadə tarixi: 25 April 2023.
- . . İstifadə tarixi: 12 October 2023.