Petsi Matsu Takemoto Mink (ing. Patsy Matsu Takemoto Mink; 6 dekabr 1927, Paia[d] – 28 sentyabr 2002, Honolulu) – ABŞ-nin Havay ştatını təmsil etmiş yaponəsilli siyasətçi. O, ABŞ Nümayəndələr Palatasına seçilmiş (1964) və ABŞ prezidentliyinə namizəd olmuş (1972) ilk asiyalı amerikalı qadın olmuşdur.
Petsi Mink | |
---|---|
ing. Patsy Mink | |
22 sentyabr 1990 – 28 sentyabr 2002 | |
Əvvəlki | |
Sonrakı | |
3 yanvar 1965 – 3 yanvar 1977 | |
Əvvəlki | |
Sonrakı | |
Şəxsi məlumatlar | |
Doğum tarixi | 6 dekabr 1927 |
Doğum yeri |
|
Vəfat tarixi | 28 sentyabr 2002(74 yaşında) |
Vəfat yeri | |
Vəfat səbəbi | ağciyər iltihabı |
Partiya | |
Təhsili | Nebraska-Linkoln Universiteti |
Fəaliyyəti | siyasətçi, vəkil, mühazirəçi[d] |
Vikianbarda əlaqəli mediafayllar |
Mink Demokrat Partiyanın nümayəndəsi kimi 1965–76, daha sonra isə 1991–2002-ci illərdə vəzifədə olmuşdur. O, Cimmi Karter administrasiyasında ABŞ dövlət katibinin köməkçisi və qrupunun prezidenti vəzifələrini yerinə yetirmişdir.
İlk illəri
Petsi Mink 6 dekabr 1927-ci ildə Havay adalarının Maui adasında yerləşən yaşayış məntəqəsində doğulmuşdur. O, ikinci nəsildən olan yaponəsilli amerikalı ailəyə mənsub idi. 1944-cü ildə Maui liseyindən valediktor kimi məzun olmuş, daha sonra Havay adaları və kontinental ABŞ-də yerləşən kolleclərdə təhsil almışdır.Nebraska Universitetində təhsil alarkən universitetin seqreqasiyaçı yataqxana siyasətinə qarşı kampaniya başlatmışdır. Daha sonra Havay Universitetinə transfer olmuş, 1948-ci ildə zoologiya və kimya sahələri üzrə bakalavr dərəcəsi əldə etmişdir.
Mink qadın olduğu üçün tibb məktəbinə daxil ola bilməmiş, buna görə də Çikaqo Universitetində hüquq üzrə təhsil almağa başlayaraq 1951-ci ildə dərəcə əldə etmişdir. 1953-cü ildə Havaya qayıtmış və burada hüquq sahəsində işləməyə başlayan ilk asiyalı amerikalı qadın olmuşdur. O, həmçinin Havay Universitetində biznes hüququ dərsləri verməyə və Demokrat Partiyanın siyasətinə daxil olmağa başlamışdır. 1954-cü ildə Oahu Gənc Demokratlar təşkilatını yaratmışdır.
Siyasi karyerası
Mink 1956-cı ildə seçkili siyasətə daxil olmuş və Havay Ərazi Palatasında yer tutmuşdur. 1957-ci ildə Havay Ştatı Senatına seçilmiş, əvvəlcə 1959-cu ilə kimi, daha sonra isə 1962–64-cü illərdə senatda fəaliyyət göstərmişdir. O, 1964-cü ildə Havay ştatının nümayəndəsi kimi ABŞ Nümayəndələr Palatasına seçilmişdir.
Mink Konqresdəki fəaliyyəti zamanı vətəndaş hüquqları, sağlamlıq, təhsil və qadın hüquqları üçün çalışmışdır. O, ən çox 1972-ci ildə qəbul edilmiş qanununun həmmüəllifi olmasına görə tanınır. Bu qanuna əsasən dövlət tərəfindən maliyyələşdirilən ali təhsil müəssisələri büdcələrini oğlan və qız tələbələr üçün bərabər xərcləməlidir.
Mink 1976-cı ildə ABŞ Senatına seçilmək üçün Konqresdəki yerindən imtina etmiş, lakin uğursuz olaraq Vaşinqtonda qalmışdır. O, 1976–78-ci illərdə Karter administrasiyasında okeanlar, beynəlxalq mühit və elmi münasibətlər üzrə dövlət katibinin köməkçisi, 1978–81-ci illərdə isə təşkilatının prezidenti olmuşdur.
Min 1980-ci illərin əvvəlində Havay ştatına qayıtmış, Havay Universitetində dərs demiş və Honolulu siyasətinə daxil olmuşdur. 1983-cü ildə Honolulu Şəhər Şurasına seçilmişdir. 1986-cı ildə Havay qubernatoru, 1988-ci ildə isə Honolulu meri üçün namizədlik versə də, uğursuz olmuşdur. 1990-cı ildə yenidən ABŞ Nümayəndələr Palatasına seçilmişdir.
Ölümü və xatirəsi
Mink 28 sentyabr 2002-ci ildə ağciyər iltihabı nəticəsində ölmüşdür. 2003-cü ildə onun şərəfinə Azbüdcəli Qadın və Uşaqlar üçün Petsi Takemoto Mink Fondu yaradılmışdır.
İstinadlar
- ↑ Patsy Mink // (ing.). 2010.
- ↑ Patsy Matsu Mink // (ing.). 1996.
- ↑
Ədəbiyyat
- Ling, Huping; Austin, Allan. (ingiliscə). Routledge. 2010. səh. 442–443. ISBN 978-0-7656-8077-8. İstifadə tarixi: 1 noyabr 2022.