Pelin Yılık 1980-ci ildə Ankarada anadan olub. Qazi Universiteti Beynəlxalq əlaqələr Bölməsindən məzun olub. Atılım Universitetində magistr, Qazi Universiteti Sosial Elmlər İnstitutunda isə PhD dərəcələri alıb.

Bir sıra universitetlərdə sağlamlıq idarəçiliyi və sağlamlıq turizmi mövzularında mühazirəçi olub. Səhiyyənin idarə edilməsi sahələrində məqalələri dərc olunub. Özəl Göz Xəstəxanaları Dərnəyinin sədr müavini və TOBB Sağlamlıq Məclisində nümayəndə vəzifələrində çalışıb. Özəl xəstəxanada insan resursları meneceri və rəhbər vəzifələrdə təmsil olunub. Bir sıra özəl xəstəxanaların yaradılmasında yer alıb. 2014-2023-cü illərdə özəl xəstəxanaların rəhbəri olub.

MHP üzvüdür. 2021-ci ildən MHP İdarə Heyətinin üzvüdür. MHP sədrinin ailə, qadın və əlillərlə iş üzrə müavinidir.

2023-cü ildə MHP namizədi olaraq Çanqırı ilindən Türkiyə Böyük Millət Məclisinin 28-ci çağırışının deputatı seçilib. 28-ci çağırışda TBMM Kişi və Qadınlar üçün Bərabər cəmiyyət Komissiyasının sözçüsü, TBMM Səhiyyə, Ailə, Çalışma və Sosial Məsələlər Komissiyasının Katibi, Avropa Şurası Parlament Assambleyasının üzvü vəzifəsində təmsil olunub.

İngiliscə, italyanca və almanca bilir.