Robert Kuin ölümündən qabaq oğlu Oliver Kuinə etiraf edir ki, o da doğma şəhərləri dağıdılmasında iştirak edənlərdən biri olmuşdur. Robert oğlundan xahiş edir ki, özü tərəfindən braxılmış səhvləri düzəltsin. Oliver beş il suyun çıxardığı adada qaldıqdan sonra nəhayət ki, doğma şəhərinə qayıdır, lakin elə həmin ərəfədə Oliverin uşaqlıq dostu qaçırılır, atasının Oliverə nəsə danışdığının öyrənilməsinə çalışılmasından sonra, o, planını həyata keçirməyə başlayır. O, tərk edilmiş zavodda özü üçün qərargah yaradır.əcə əvvəl xalq arasında milyarder və pleyboy kimi tanınan Oliver gecələr maska və kostyum geyinərək cinayətkarları cəzalandırmağa və zəifləri qorumağa başlayır. Bu müddət ərzində o, pul dövriyyəsində insanları aldadan Oliver Hant, Çin Triadası ilə əlbir olub insanları talan edən Martin Sommers, muzdlu qatil , bankları qarət edən ailə dəstəsi, Ovçu qız, keçmiş yanğınsöndürən Fayerflay, zirehli bank avtomobillərini talan edən keçmiş Əfqanıstan veteranı Ted Geynor, şəhərə ağır narkotik vasitə olan Vertiqonu yayan , manyak Sayrus Venç, brilyant ovçusu Kələkbaz, özünü "Xilaskar" adlandıran cinayətkar və qarşı mübarizə aparır. Sonuncu ilə mübarizədə onu zərərsizləşdirsə də, Starlinq-sitinin Qleyds rayonunun dağıdılmasının qarşısını ala bilmir. Üstəlik Moyra Kuin dağıdılmada iştirak etdiyini etiraf edərək həbsə düşür.

Bacısı Teya ilə mürəkkəb münasibətlərə malik olan Oliver daima onu qorumağa çalışır. Adadan qayıtdıqdan qısa müddət sonra o, teyanın narkotik maddədən istifadə etdiyini öyrənir. Ad günü zamanı narkotikin təsiri altında avtomobil idarə edən Teya qəza törədir. Qan analizi zamanı polis onun narkotikdən istifadə etdiyini anlayır və həbs edir. Oliver narkotik maddə istehsalçı və satıcısı tutulmasında polisə kömək edərək bacısını xilas edir. Bundan sonra Teya dəliqanlı gənc Roy Harperlə görüşməyə başlayır.

Oliver anası Moyra ilə də mürəkkəb münasibətlərə malikdir. Adadan qayıtmasından sonra anası birgə çalışdığı cinayətkarla birlikdə Oliverin qaçırılaraq atasından nə eşitdiyinin öyrənilməsində iştirak edir. Daha sonra ikinci həyat yoldaşı Volter Stil Moyranın əməllərini araşdırmağa başlayır və qısa müddət sonra qaçırılaraq naməlum yerdə saxlanılır. Şirkət qarşısında iş görüşməsindən çıxarkən Moyra və onun həmkarına motosikletli hücum edir. Oliver Ovçunun izinə düşərək onun kimliyini müəyyənləşdirir və qarşısını alır. Daha sonra isə atalığı Volter Stili əsirlikdən azad edir. Evə qayıdan Volter boşanma ərizəsi verərək Moyraya inanmadığını bildirir.

Adadan qayıdan Oliver keçmiş sevgilisi Lorel Lens və ən yaxın dostu Tommi Merlin arasında romantik münasibətlərin olmasını öyrənir. İkili həyat yaşadığına görə Lorelin həyatını təhlükəyə atmaq istəməyən Oliver onu özündən uzaqlaşdırmağa çalışsa da buna müvəffəq ola bilmir. Tommi Oliver və Lorel arasındakı hissləri analayaraq aradan çəkilməyə qərar verir. Oliver həm də Kapüşon kostyumunda tez-tez Lorellə görüşərək işlərində ona kömək edir və onu qoruyur.

Fleşbeklərdə Oliverin adada keçirdiyi beş il ərzində başına gələn hadisələr təsvir edilir. Qəzadan sonra naməlum adada gözünü açan Oliver burada tək olmadığını başa düşür. Onu xilas edən Yao Fey adlı şəxs Oliverə sağ qalmaq və mübarizə aparmağın müxtəlif yollarını öyrədir. Onlar adadan qaçmaq istədikdə isə müxtəlif sifarişləri yerinə yetirən muzdlu hərbçi Edvard Fayers mane olur. Məlum olur ki, Fayers Feyin qızı əsir alıb və buna görə də Oliveri təslim etməyə məcbur olub. Muzdluların əlindən qaçan Oliver tanış olur və dostlaşır. Onlar birlikdə adadan çıxmaq üçün plan qurur və Fayersin mülki təyyarəni vurmaq planının qarşısını alırlar.

12 yanvar 2012-ci ildə The CW televiziyası Endryu Kreysberq, Qreq Berlanti və Mark Quqqenheym tərəfindən inkişaf etdirilən, Yaşıl Ox adlı DC Comics personajından bəhs edəcək yeni teleserial hazırladığını elan edir. Bir həftə sonra teleserialın pilot seriyasının çəkkilməsi rejissor Devid Natterə sifariş edilir. Natter həm də Klark Kentin Supermen olmağa gedən yolda həyatından bəhs edən "" teleserialının pilotunu çəkmişdi. Həmin ayın sonunda Stiven Amell adlı rolu canlandırmaq üçün seçilir. Serial üzərində çalışan yaradıcı heyət və prodüser Mark Quqqenheym bildirir ki, "öz kurs və yaradıcılıq yolunu" seçmək istəyirlər, özünün Yaşıl Ox/Oliver Kuini (Castin Hartli) olan "Smolvil" serialı ilə birbaşa əlaqənin olmasını isə istəmirlər. "Smolvil"dən fərqli olaraq serialda supergüclü qəhrəman və canilərin istifadəsi nəzərdə tutulmamışdı. Buna baxmayaraq yaradıcı heyət "Smolvil"dən ilhamlanaraq həmin serialda Klark Kent kimi Oliver Kuin də "insanlıq axtaran" təsvir edilir. Supergüclərdən imtina edilməsi icraçı prodüserlərin qərarı olmaqla, "Ox" serial ilə başladılan bu kainatda personajların daha realistik görünüşlü olmasına hesablanmışdı. Tam mövsümün çəkilməsinə 22 oktyabr 2012-ci ildə sifariş verilmişdir.

Serialda münasibət üçbucaqları yaradılmışdır: bəziləri sevgi üçbucaqları, bəziləri isə "fəlsəfi debatlar" şəklində formalaşdırılmışdır. Kraysberq belə bir nümunə gətirir: "Hər həftə Oliver pis adamlarla qarşılaşacaq, lakin onun əsas düşməni qisas almaq istəyən Detektiv Lensdir. […] Onun qızı çıxılmaz vəziyyətdə qalır, Lorel atasını sevib onun inandıqlarına inansa da, eyni zamanda qara şəhər əfsanəsinə — insanları qoruyan cəngavərə də inanır." Daha əvvəl televiziyada iş təcrübəsi olan prodüserlər serialın əsas süjet tağlarını əvvəlcədən müəyyənləşdirərək, xüsusi olaraq birinci mövsüm üçün yol xəritəsi hazırlayırlar. Kristofer Nolanın Qara Cəngavər trilogiyasından ilhamlanan yaradıcı heyət, hadisələrin bir seriyadan digərinə keçirilmədən yekunlaşdırılmasına qərar vermişdir.

Yaradıcı heyət müxtəlif DC Comics personajları və DC Kainatı aspektlərini istifadə etməyə çalışmışdır. Quqqenheym Supermen komikslərində təqdim edilmiş Big Belly Burger restoran franşizinin "Ox"un üçüncü seriyasında təqdim edilməsi və daha sonra istifadə olunmasını buna nümunə göstərir. Kreysberq deyir: "Çoxlu sayda DC Kainatı personajları vardır ki, nə televiziyada, nə də kinematoqrafiyada istifadə olunmamışdır. Biz çalışacıyıq ki, fanatların sevdiyi, lakin geniş kütləyə tanış olmayan personajları istifadə edərək tanıdaq."

Daha əvvəl CW telekanalının istehsalı olan "Vampirin gündəlikləri" və "" teleseriallarında rol almış Stiven Amell 31 yanvar 2012-ci ildə "Ox"un aktyor heyətinə seçilmiş ilk aktyor olmuşdur. Fanatlar onun bu rol üün seçilməsinə qarışıq münasibət göstərmiş, bəziləri isə "Smolvil"də Yaşıl Oxu canlandıran Castin Hartlinin yeni serialda da rolunu canlandırmasını istəyirdilər. Amell Oliver Kuin rolu üçün dinləmədən keçirilmiş ilk aktyorlardan biri olmuş, Kreysberq "lap əvvəldən onun düz nöqtəyə vurduğunu" və "digərlərinin onunla müqayisədə sönük qaldığını" hiss edir. Dinləmə zamanı istifadə edilmiş pilot ssenarisi ilin əvvəlinə kimi alınmış ssenarilərdən birincisi idi.

Prodüser Mark Quqqenheym bildirir ki, "öz kurs və yaradıcılıq yolunu" seçmək istəyirlər, özünün Yaşıl Ox/Oliver Kuini () olan "Smolvil" serialı ilə birbaşa əlaqənin olmasını isə istəmirlər. Buna görə də onlar əsas rol üçün yenidən aktyor seçimi etməyə qərar verirlər."Rent-a-Goalie" adlı yarım saatlıq Kanada teleşousunda rol alan Amell yaxşı bədən formasına malik idi və Reseda, Kaliforniya yaxınlığındkı "Tempest Freerunning Academy"də məşq edirdi. O, həm də oxatma dərsləri almış, oxatmanın əsaslarını öyrənməzdən isə yaydan buraxılan oxun televiziya və kinematoqrafda necə qeyri-dəqiq görünməsi haqqında videoya baxmışdır. Televiziyada növbəti dəfə Oliver Kuin obrazını canlandırmalı olan Amell özündən əvvəl bu personajın müxtəlif versiyalarını görümüşdü: "Kuin gündəlik pleyboy, Kuin yaralı qəhrəman, Kuin düşüncəli Hamlet, aşiq Kuin, döyüşçü Kuin və sair."

Bir ay sonra Devid Ramsi serialın orijinal personajı olan və "Green Arrow: Year One" yazarı Endi Diqlın şərəfinə adlandırılmış Con Diql adlı obrazı canlandırmaq üçün seçilmişdir. Ramsi komiks personajına uyğunlaşmalı olmadığına görə narahat olmurdu. Bu ona "Personajı götürüb qaçmağa" imkan verir. 14 fevral 2012-ci ildə Süzanna Tompson Moyra Kuin rolu üçün seçilir. Növbəti gün Keti Kassidi və Villa Hollandın müvafiq olaraq Lorel Lens və Teya Kuini canlandıracaqları elan edilir. Müvəkkil və Oliverin keçmiş sevgilisi olan Lorel Lens "zamanla Qara bülbülə çevriləcək və ya çevrilməyəcək" Dayna Lorel Lensin adı ilə adlandırılmışdır. Kassidi deyir ki, ağıllı, yaradıcı və sərt Berlanti, Nattler, Kreysberq və Quqqenheym tərəfindən dinləmədən keçirilmişdir. Hollandın canlandıracağı personaj "Oliverin qlamur həyat sürən və mümkün davranış sərhədlərini yoxlayan bacısı" kimi təsvir edilir. O, qismən komikslərdəki Miya Derden obrazına əsaslanmaqla onun orta adı Miyanı istifadə edir, üçüncü mövsümün finalında isə Spidi adı ilə mübarizəyə başlayır. Bir müddət sonra Brayan Markinson "rüşvətxorluğu ilə Lorel Lens və onun işlədiyi hüquq firmasının diqqətini cəlb edən" cinayətkar Adam Hantı canlandırır. 21 fevral 2012-ci ildə Kolin Donnel Yaşıl Oxun arxidüşməni şərəfinə adlandırılmış Tommi Merlin rolunu canlandırmaq üçün seçilmişdir. O, "Oliverin yaxın dostu və pleyboy, yaxşı günlərin qayıtması üçün dostunun qayıtmasını gözləyən, lakin onun dəyişildiyini öyrəndikdə məyus olan biri" kimi təsvir edilir. 2 mart 2012-ci ildə Pol Blektron və Ceymi Şeridanın Kventin Lens və Oliverlə Teyanın atası Robert Kuini canlandırmaq üçün seçilmiş, Blektron isə aktyor heyətinin davamlı üzvünə çevrilmişdir. Jaklin Makİnnes Vud Lorelin bacısı Sara Lens rolu üçün seçilmişdir, lakin personaj ikinci mövsümdə qayıtdıqda Vud, aktrisa Keyti Lotzla əvəz edilmişdir.

Mövsümün istehsalına 2012-ci ilin martında Kanadanın Britaniya Kolumbiyası əyalətindəki Vankuver şəhərində başlanılmışdır. Serialda hadisələr iki müxtəlif davamlıqda baş verdiyinə görə, çəkilişlər xüsusi cədvələ uyğun həyata keçirilmişdir. Adada baş verən hadisələrin çəkilişləri Vankuverdəki Vaytekliff parkı ərazisindəki sahil evləri yaxınlığında aparılmışdır. İstehsalçı heyətə isə tikililərin kamera çərçivələrindən kənarda saxlanılması tapşırılmışdı. Bundan əlavə, prodüser Mark Quqqenheym çəkiliş prosesini mürəkkəb adlandırır: "Stiven [Amell] parik geyinməli və baxışını xeyli dəyişməli idi. Əslində hər həftə hər seriya üçün bu xatirə səhnələrinin çəkilməsi çox iddialı iş idi. Çünki, Endryunun [Kreysberq] da dediyi kimi, həmin səhnələr sanki, ayrıca serialdır." Royal-Roads Universitetinin Kuin ailəsi malikanəsinin eksteryer çəkilişləri üçün istifadə edilmişdir. "Smolvil" teleserialında Hetli qəsri Lütorun ailə evi kimi istifadə edilmişdi. Vankuverdə yerləşən "Terminal City Ironworks Kompleksi" Queen Industrial, Inc şirkət binasının eksteryer çəkilişləri üçün istifadə edilmişdir. Bina həm də Pilot seriyasında Oliver və Tomminin qaçırılaraq gizlədildiyi anbar səhnələrinin, o cümlədən Vendetta seriyasında Çin Triadasının qərargahı səhnələrinin çəkilməsi üçün istifadə olunmuşdur. Mövsümün qalan hissələrinin çəkilişlərinə 18 iyul 2012-ci ildə başlanılmış və 18 aprel 2013-cü ildə tamamlanmışdır.

Serialın realistik məzmunu istifadə edilən kostyumlar, o cümlədən Oliverin Kollin Atvud tərəfindən hazırlanan kostyumuna da təsir etmişdir. Amellin sözlərinə görə, kostyumun funksional olması vacib idi və onun bildiyi ən yaxşı variant kostyumu özü geyinə bilməsi idi: "Əgər mən onu özüm geyinə bilsəm, düşünürəm ki, insanlar onu alarlar. Bizim ideyamız bundan ibarət idi. Bu bizim dünyamızdır. Mənim çəkmələrim əsl Nike Freelərdir. O, dəridən hazırlanıb, kifayət qədər qalın və ağır olsa da, mən onlarda hərəkət edə bilirəm. İnsanlar onu bəyənəcəklər." Pilot seriyasının rejissoru Devid Nattler deyir ki, "Biz Oliver Kuinin inanılmaz işlər görəcəyi real dünya yaradırırq. Kollin Atvudun möhtəşəm Ox kostyumu bunu əks etdirir."

"Ox" teleserialı üçün musiqinin yazılması üçün prodüser Qreq Berlanti daha əvvəl "" teleserialı üzərində birgə çalışdıqları dəvət etmiş, o isə elektron və orkestr musiqilərini birləşdirərək film musiqisi yazmışdır. Berlanti Niliyə deyir ki, serial qara olacaq və musiqi də buna uyğun olmalıdır. Pilot seriyasının ssenarisini oxuduqdan sonra Nili evinə çəilərək musiqini yazmağa başlayır. Nili qeyd edir ki, "Əlbəttə ki, Oliverin əsas musiqi mövzusu var, lakin budan əlavə onun personajıın müxtəlif qatları üçün də mövzular yazılmışdır. O və Lorelin sevgi mövzusu var. Mənfi personajların da hər birinin öz musiqi mövzusu var və onlardan hansısa öləndə bu məni kədərləndirir. Buna görə də, mənfi personajların mövzusuna bağlanmamağa çalışıram. Hətta adanın da ayrıca mövzusu var." Film musiqisi albomu 17 sentyabr 2013-cü ildə satışa çıxarılmışdır.

Birinci mövsüm tənqidçilər tərəfindən əsasən müsbət qarşılanmışdı. Metacritic 25 təqidçinin rəyi əsasında filmi 73/100 balla qiymərləndirmişdir ki, bu da "" serialının beş il ərazində həmin rəy aqqreqatorunda ən yüksək bal almış The CW şousu olmasına səbəb olmuşdur. Rəy aqqreqatoru Rotten Tomatoes 35 tənqidçinin rəui əsasında I mövsümü 86% təravətli qiymətləndirmişdir. Tənqidçilərin konsesusunda deyilir ki, "The CW-nin Oxu komiks kitablarından ilhamlanmaqla kinematoqrafik döyüş səhnələri, güclü dialoqları və maraqlı personajları ilə diqqət çəkir."

"Los Angeles Times"dan Meri MakNamara serialı keyfiyyətli görünüşü olan maraqlı səhnələşdirmə adlandıraraq, Amelli "Kitness Everdin mühiti üçün afişa oğlanı (sözsüz ki, hərfi mənada)" adlandırır."Variety" jurnalından Brayan Louri serialı "Gözəl, lakin sərt ifası ilə qalib gələ biləcək Betmen surroqatı" adlandırır."The A. V. Club"dann Alasdeyr Vilkins birinci mövsümün final seriyasını qiymətləndirərkən ümumilikdə mövsümü B+ dərəcəsi ilə dəyərləndirərək deyir ki, "hər şeyi tam başa düşməsəm də, mövsümdə həqiqətən də əlamətdar seriyalar var idi."

"Ox"un premyerası 4.14 milyon tərəfindən izlənmişdir ki, bu da serialı "The CW"-nin üç il ərzində ən çox izlənən şousu, eyni zamanda, 2009-cu ildə "Vampirin gündəlikləri" teleserialının çıxarılmasından sonra telekanalın ən baxımlı serialına çevirmişdir. "Ox" 2012–2013-cü illər telemövsümündə premyerasından keçən ikinci həftədə həm 18–34, həm də 18–49 yaş kateqoriyalarında reytinqini saxlayan yeganə serial olmuşdur. Birinci mövsüm ortalama 3.68 milyon izləyici sayı ilə 130-cu yerdə tamamlanmışdır.Avstraliyada serialın premyerası 1.32 milyon izləyici toplaya bilmidşir ki, bu da onu həmin gecə şəbəkə telekanallarında yayımlanmış şoular arasında üçüncü yerdə qərarlaşdırmışdır.Birləşmiş Krallıqda Sky 1 telekanalı tərəfindən yayımlanan serial 1.85 milyon izləyici ilə həftənin ən çox izlənən serialı olmuşdur.Kanadada 1.32 milyon izləyici toplayan birinci seriya yayımlandığı gecənin dördüncü, həftənin isə iyirmi üçüncü ən çox izlənən serialı olmuşdur.

"Ox: I Mövsüm" 5 diskli DVD dəsti və 9 diskli Blu-ray/DVD dəsti şəklində 17 sentyabr 2013-cü ildə ABŞ-də, 23 sentyabr 2013-cü ildə isə Birləşmiş Krallıqda satışa çıxarılmışdır. Blu-ray/DVD dəstinə əlavə materialla, kəsilmiş səhnələr, pərdə arxası çəkilişləri və Paley Fest 2012-dən olan süjet əlavə edilmişdir.