Nyotaymori (女体盛り, hərf. qadın bədəni üzərində yemək servisi?) və ya bədən suşisi – Yaponiyada çılpaq qadın bədəni üzərində və ya suşi servis etmək praktikası. Daha az populyar olan çılpaq kişi bədəni variantı isə nantaymori (男体盛り?) adlanır. Son dövrlərdə Avropa və Amerikada populyarlaşmışdır.
Tarixi
Nyotaymorinin mənşəyi Edo dövründə Yukakuda yerinə yetirilən vakamezake (わかめ酒?) adlı yemək oyunu ilə bağlıdır. Vakamezake zamanı sake yapon seks işçisinin qasıq nahiyəsinə tökülürdü və sake oradan içilirdi. Samuraylar əldə etdikləri qələbəni qeyd etmək üçün geyşa evinə gedirdilər və nyotaymori praktikası geyşalar arasında populyar olmuşdur.
1960-cı illərdə Yaponiyanın iqtisadi inkişafının sürətlənməsindən sonra İşikava prefekturasındakı onsen sənayesi iş gəzintisi səbəbilə buraya səyahət edən kişi müştəriləri cəlb etmək məqsədilə nyotaymori praktikasının erotik təbiətindən yararlanmağa başlamışdır. 1980-ci illərdə onsenlərdə ailəvi ziyarətlər populyarlaşdığı üçün nyotaymori onsenlərdəki populyarlığını itirmiş və seks xidməti təklif edən qurumlar tərəfindən ekzotik əyləncə kimi istifadə olunan praktikaya çevrilmişdir. Yaponiyada nyotaymorini suşi servis etmə sənətinin bir növü kimi qəbul edirlər.
Praktika
Ənənəvi nyotaymoridə model bütün tədbir boyunca uzanır və qonaqlarla danışmır. Suşi modelin üzərinə təmiz yarpaqlar vasitəsilə qoyulur: yeməyin dəri ilə birbaşa təmas etməməsinə diqqət yetirilir. İştirakçılar modellə danışa, uyğunsuz jestlərdən və şərhlərdən istifadə edə bilməzlər. Modelə narahatlıq yaradan iştirakçılar tədbirdən uzaqlaşdırılır. İştirakçılar yalnızca yemək çubuqları vasitəsilə qadının bədəni üzərindəki suşiləri alıb yeyə bilərlər, lakin bəzən birbaşa ağızla yeyilməsinə icazə verilir.
Nyotaymori üçün gözəl bədənli yox, suşini üzərində saxlaya biləcək bədən quruşuluşu olan modellərə üstünlük verilir. Seçilən modellər saatlarla tərpənmədən uzanmaq və suşinin soyuqluğuna dözmək üçün xüsusi məşqlər keçirlər. Model noytaymori üçün uzanmazdan öncə yuyunur. Suşi bədənin üzərində yerləşdirilərkən düşməyəcəyi düz nahiyələrə qoyulmasına əhəmiyyət verilir.
Tənqid
Nyotaymori praktikası alçaldıcı, qadın bədənini obyektləşdirən, seksist, qəddar praktika kimi tənqid olunur. Xüsusilə, feministlər bu praktikanı pisləyirlər. Bəzi ölkələrdə nyotaymori praktikası qadağan olunmuşdur. 2005-ci ildə Çin sağlamlığa zərərli və əxlaqsız olduğunu əsas gətirərək bu praktikanı qadağan etdiyini açıqlamışdır.
İstinadlar
- ↑ . Inside Vancouver (ingiliscə). 6 sentyabr 2014. 16 dekabr 2022 tarixində . İstifadə tarixi: 24 sentyabr 2023.
- ↑ Stainsby, Mia. . Vancouver Sun. 29 avqust 2014. 2023-06-13 tarixində . İstifadə tarixi: 24 sentyabr 2023.
- . R-18. 16 may 2015. 23 December 2015 tarixində . İstifadə tarixi: 24 sentyabr 2023.
- . メンズサイゾー. 27 aprel 2012. 2015-12-23 tarixində . İstifadə tarixi: 24 sentyabr 2023.
- . Cosmopolitan (ingiliscə). 11 sentyabr 2019. 2023-05-29 tarixində . İstifadə tarixi: 24 sentyabr 2023.
- . Super Vancouver (ingiliscə). 16 avqust 2014. 4 May 2018 tarixində . İstifadə tarixi: 24 sentyabr 2023.
- Strong, Jeremy. A Short Poetics of Cruel Food // . Lincoln: University of Nebraska Press. 2011. 189. ISBN 9780803219359.
- Sen, Mayukh. . VICE. 18 oktyabr 2017. 2019-12-14 tarixində . İstifadə tarixi: 2023-09-24.
- . The Independent (ingiliscə). 11 sentyabr 2014 tarixində . İstifadə tarixi: 24 sentyabr 2023.
- . CBC (ingiliscə). 22 may 2005. İstifadə tarixi: 24 sentyabr 2023.