Nişka-Banya şəhəri Niş şəhərindən, Niş-Sofiya avtomaqistraldan 9 km cənubda yerləşir. Şəhər Suva Planina dağlarının ətəyindədir. Şəhərə ən yaxın hava limanı — Niş Hava Limanıdır. Ölkə paytaxtı Belqraddan şəhəri 250 km-lik məsafə ayırır. Şəhərin dəniz səviyəsindən orta hündürlüyü 248 metrdir.

İlk dəfə şəhər haqqında 448-ci ildə məlumat verilmiş. 1920-ci illərdə Nişka-Banya şəhəri sürrətlə inkişaf etməyə başlamış. Sahil zonası və parklar, komfortlu mehmanxanalar inşa edilmişdir. 1929-cu ildən Niş şəhərindən Nişka-Banyaya tramvay marşrutu fəaliyyətə başlamışdır. Müasir dövrdə artıq tramvay fəaliyyət göstərmir, ancaq avtobus və taksilərlə şəhərə gəlmək mümkündür.

Nişka-Banya kurortu Serbiyanın tanınmış müalicəvi mərkəzlərindən biridir. Sokobaniya və Vrnyaçko Bani kurortlarından sonra reytinq baxımdan üçüncü şəhərdir. Şəhər özünün müalicəvi termal bulaqları ilə məşhurdur. Termal bulaqlar radon tərkiblidir. Suyun temperaturu 36-38 °C arasında dəyişir. Termal bulaqların əsas beş mənbəyi var: „Əsas bulaq“, „Quru hamam“, „Məktəbli bulağı“, „Banisa“, „Pasyaça“. Yay aylarında şəhərdə müxtəlif mədəniyyət festivalları keçirilir. Şəhərdə yerləşən əsas mehmanxanalar: Partizan, Radon, Serbiya, Ozeren və Terme. Nişka-Banya Avropanın tarixi ənənəsi olan baleneoloji mərkəzidir. Ərazinin müalicəvi özəlliklərə məxsus olmasının səbəblərindən biri də bölgənin yumşaq, mülayim-kontinental iqlimə məxsus olmasıdır. Orta illik temperatur 11,74 °C-dir. İllik düşən yağıntının orta göstəricisi 589 mm-dir.

Qardaşlaşmış şəhər — Yunanıstanın Sofades şəhəridir.

1. Издаје и штампа — Републички завод за статистику Србије (ISSN 1450-9075, январь 2009) — Раздел «Общие данные», страницы № 15-19
2. . www.awaytravel.ru. 2020-01-30 tarixində . İstifadə tarixi: 2020-04-09.