Nadir Şahlar oğlu Mahmudov 21 yanvar 1989-cu ildə Naxçıvan Muxtar Respublikasının Şərur rayonunun Püsyan kəndində anadan olub. O, 1996–2007-ci illərdə Bakı şəhərindəki Yeni Günəşli qəsəbəsində yerləşən 275 nömrəli orta məktəbdə təhsil almışdır. 2008–2014-cü illərdə Kazan Dövlət Universitetində ali təhsil alaraq "Logistika" üzrə məzun olsa da, sənət və kino sahəsinə olan marağı onu səs rejissoru və səs dizayneri kimi peşəkar karyera qurmağa yönəltmişdir.

Peşəkar karyerasına 2014-cü ildən Azərbaycan serial və filmlərinin səs post-prodakşn sahəsində çalışır. O, səs rejissoru, səs redaktoru və səs dizayneri kimi bir çox yerli serial və filmdə fəaliyyət göstərib (AZTV, ITV, ATV, ARB, XƏZƏR TV). İşlədiyi şirkətlər arasında "Oscar Production", "Oksi Media Production", "SFN Production" və "Azərbaycanfilm" kimi tanınmış prodakşnları var. Sahəsində səs rejissoru kimi çalışaraq müxtəlif filmlərdə və seriallarda səsin keyfiyyətini və texniki mükəmməlliyini artırmaqla əhəmiyyətli töhfələr verib.

2019-cu ildə Xocalı faciəsinin 27-ci ildönümünə çəkilən "Ana harayı" videoçarxının quruluşçu rejissoru və post-production rəhbəri olub.

2023-cü ildə səs rejissoru olduğu "Baharın oğurlanması", "ANİMAFİLM" Beynəlxalq Animasiya Festivalında ali mükafata layiq görülüb

Nadir Mahmudov Azərbaycan kinematoqrafiyasında səs post-prodakşn sahəsində 10 illik peşəkar təcrübəyə malikdir. Onun bacarıqları arasında foley, səs dizaynı, dialoq redaktəsi və səs mastering işləri xüsusi yer tutur.