Mütəllim Həsənov (Həsənov Mütəllim Saleh oğlu; 25 fevral 1955. Məmmədbəyli, Zəngilan rayonu, Azərbaycan SSR, SSRİ) — Azərbaycan Jurnalistlər Birliyinin üzvü, "Həsən bəy Zərdabi" mükafatı laureatı, Ali kateqoriyalı müəllim.
| Mütəllim Həsənov | |
|---|---|
| Mütəllim Saleh оğlu Həsənоv | |
 | |
| Doğum tarixi | |
| Doğum yeri | Məmmədbəyli, Zəngilan rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan
|
| Təhsili | H. Zərdabi adına Kirovabad Dövlət Pedaqoji İnstitutu |
| Fəaliyyəti | yazıçı, jurnalist |
| Əsərlərinin dili | Azərbaycan dili |
 Vikianbarda əlaqəli mediafayllar | |
Həyatı
Mütəllim Həsənov 25 fevral 1955-ci ildə Zəngilan rayonunun Məmmədbəyli kəndində anadan olub. 1961–1972-ci illərdə N. Piriyev adına Məmmədbəyli kənd orta məktəbində oxumuşdur. 1972–1976-cı illərdə Həsən bəy Zərdabi adına Kirovabad Dövlət Pedaqoji İnstitutunun (indiki Gəncə Dövlət Universiteti) dil-ədəbiyyat fakültəsində ali təhsil almışdır. 1976–1993-cü illərdə N. Piriyev adına Məmmədbəyli kənd orta məktəbində ədəbiyyat müəllimi işləmişdir.
30 oktyabr 1993-cü ildə Zəngilan rayonu ermənilər tərəfindən işğal olunduqdan sonra Bakı şəhərində məskunlaşmışdır. 1993-cü ildən hal-hazıra qədər Zəngilan rayonu 20 saylı orta məktəbində müəllim işləyir.
Məktəb Həmkarlar Təşkilatının sədri kimi ictimai vəzifəni daşıyır. Ali kateqoriyalı müəllimdir. "İslahat" qəzetinin redaktor müavini, "Etiraf" qəzetinin redaktoru olmuşdur.
Mütəllim Həsənov Azərbaycan Jurnalistlər Birliyinin üzvü, "Həsən bəy Zərdabi" mükafatı laureatıdır.
Ailəlidir. Bir oğlu və bir qızı var.
Yaradıcılığı
İlk yazısı 1986-cı ildə "Azərbaycan dili və ədəbiyyat tədrisi" jurnalında nəşr olunmuşdur. Şeirləri və publisistik yazıları mütəmadi olaraq dövri mətbuatda çap olunur.
"Dağlar bizi bağışlayar" şeiri ilə ədəbiyyata gələn Həmçinin "Bizim Hacı Həsən" (2007) və "Son qismətim" (2008) kitablarının tərtibçilərindən biridir.
"Qərib məzarlar", "Mən səni sevdim ki…", "Ədəbi düşüncələr" kitabları isə öz nəşrini gözləyir.
20-dən artıq kitabın redaktoru, 10-dan çox kitabın ön söz müəllifidir.
Kitabları
- Kefdən gəlməmişəm bu şəhərə mən. Bakı: Nurlan, 2004, 160 səh.
- Ölümü öldürən oğul. Bakı: Nurlan, 2005, 96 səh. (Ayaz İmranoğlu ilə ortaqlı)
- Qərib məzarlar. 2022
Məqalələri
- "Sərraf Şiruyənin təcnis çələngi". Ədalət qəzeti. № 65 (3141). 18 aprel 2009-cu il.
- "Durnalar lələk salan yerdə". Bütöv Azərbaycan qəzeti. № 25 (64), 30 iyun 2010-cu il.
- "Poetik xatirə abidəsi", "Laçın yurdu" jurnalı, № 1 (12), Bakı, "Bəxtiyar-4" nəşriyyatı, 2014. səh.81–83.
- "Heydər Əliyev və Azərbaycan nitq mədəniyyəti". "Laçın yurdu". №3(14) ("Bəxtiyar-4" nəşriyyatı): səh.41–43. 25.09.2014. ()
İstinadlar
- ↑ (az.). . 2015. 2016-03-05 tarixində arxivləşdirilib. İstifadə tarixi: 2015-04-28.
- ↑ Əli bəy Azəri, "Bir nağıl de… Ümidlərim dil açsın", "Paralel" qəzeti, 24.02.2015