Kilsənin Litva Böyük hersoqu Vytautas tərəfindən müharibə vaxtı əmisi oğlu Yoqaylodan qaçması şərəfinə inşa edildiyinə dair bir əfsanə var.

Əslində kilsə XVI əsrdə inşa edilmişdir. Kilsənin əsası 1511–1522-ci illərdə Vilnüsdə oxşar kilsəni bərpa etdirən Konstanti Ostroqski tərəfindən qoyulmuş ola bilər.

Brest Birliyindən sonra kilsə Müqəddəs Taxta tabe oldu. Polşa-Litva Birliyi bölündükdən sonra kilsə aktiv qaldı, lakin noyabr qiyamından sonra kilsə Şərqi Pravoslav kilsəsinə çevrildi.

1880–1881-ci illərdə məbəd əhəmiyyətli dərəcədə bərpa edilmişdir. 1926-cı ildə İkinci Polşa Respublikası hökuməti tərəfindən katolik kilsəsi olaraq yenidən qurulmuş, lakin 1988–1990-cı illərdə yenidən pravoslav kilsəsinə çevrilmişsir.

Kilsə Belarus qotikası memarlığının bir nümunəsidir. Daxili dörd dirək tərəfindən dəstəklənən üç meydana bölünür. Binanın planı bir kvadrata yaxındır və şərq tərəfdə üç apses var. Divarların qalınlığı 1.5 metrdir.

Kilsənin künclərində dörd müdafiə qülləsi var. Qərb qüllələrinin yuxarı hissəsi üç mərtəbəbli, səkkizbucaqlı şəklində hazırlanmışdır. İki şərq qülləsi silindrik formadadır və üst hissəsində çıxıntılar var.

Frontonu dərinliyi və ölçüsü dəyişən bir sıra nişlərə malikdir.

Kilsənin yerləşdiyi ərazi 30 yanvar 2004-cü ildə UNESCO-nun Ümumdünya İrsi Müvəqqəti siyahısının Mədəniyyət kateqoriyasına əlavə edildi.

•  
  Kilsənin yerləşdiyi ərazi
•  
  Binanın önü
•  
  Kilsənin arxadan görüntüsü
•  
  Kilsənin darvazaları
•  
  Daxili quruluşu
•  
  Köhnə kitabələr
•  
  Vasili Qriaznov tərəfindən 1890-cı ildə hazırlanan memarlıq eskizi