"Luxor"un oyun qaydası "Puzz Loop" və "Zuma"ya bənzəyir.

Müxtəllif rəngli kürələrdən təşkil olunmuş və hər biri kiçik bir böcək tərəfindən itələnən zəncirlər xüsusi cığır ilə oyunçunun piramidasına doğru irəliləyir. Oyunçu eyni rəngli üç və ya daha çox kürənin toqquşmasına səbəb olaraq onların partlamasına yol açır. Belə edərək o, zəncirləri tam aradan qaldırmalı, onların piramidaya daxil olmasına mane olmalıdır. Hər hansı bir kürə piramidaya çatarsa, oyunçu həyatını itirir və səviyyəni yenidən başlatmağa məcbur olur. Oyunçu bu baş vermədən müəyyən sayda kürəni partlatmağı bacararsa, yeni zəncirlər gəlməyi dayandırır və qalanlarını aradan qaldırmaqla səviyyə tamamlanır.

Kürələri partlatdıqca vaxtaşırı olaraq tutduqda oyunçuya qısamüddətli müxtəlif bacarıqlar verən power-up-lar düşür. Bir atışla eyni zamanda 5 və daha çox kürədən ibarət zəncir hissəsini aradan qaldırdıqda xüsusi qızıl sikkə yaranır. Oyunçu 30 ədəd sikkə topladıqda əlavə 1 anx (həyat açarı) qazanır. Oyunun əvvəlində oyunçunun 2 həyat açarı olur, hər dəfə məğlub olduqda 1 anx azalır. Oyunçu bütün həyatlarını itirdikdə oyuna qaldığı hissənin ilk səviyyəsindən başlamalı olur.

• Zuma (videooyun)