Sensor ekran — toxunmaya reaksiya verən ekrandan təşkil olunmuş, informasiyanın giriş təchizatı.

Sensor panel
Sensor ekranlı informasiya avtomatı

Tarix

Sensor ekran proqramlaşdırılma mərhələləri üzrə tədqiqatlar çərçivəsində ABŞ-də ixtira edilib. 1972-ci ildə istehsal edilmiş PLATO IV kompüter sistemi İK-şüa torundan və 16x16 ölçülərində blokdan ibarət sensor ekrana malik idi. Hətta ekranın bu qədər kiçik və aşağı dəqiqliyinə baxmayaraq tələb olunan yerə toxunduqda əməliyyat icra olunurdu .

1971-ci ildə ilk dəfə Samuyel Herst tərəfindən qrafik planşet, dördməftilli rezistiv prinsipi üzrə () eloqraf hazırlanmışdır.

Sensor ekranların iş prinsipləri

Sensor ekranların müxtəlif fiziki prinsiplərdə işləyən tipləri mövcuddur.

Rezistiv sensor ekranlar

Dördməftilli ekran

 
4-məftilli rezistiv sensor ekranının iş prinsipi
 
5-məftilli rezistiv sensor ekranının iş prinsipi

Rezistiv sensor ekran şüşə paneldən və elastik plastik membrandan ibarətdir. Panelə və membrana rezistiv örtüyü çəkilmişdir. Şüşə və membran arasındakı sahə mikroizolyasiya edilmişdir. Ekrana toxunduqda, panel və membran qapanır və analoq-rəqəmsal çevirici müqavimət dəyişikliyini və toxunmanın (X və Y) koordinatlarını qeydə alır. Ümumi şəkildə alqoritmi:

  1. Yuxarı elektroda +5V gərginlik verilir, alt səthlə birləşir. Sağla sol qısa birləşir və onlarda gərginlik yoxlanır. Bu gərginlik ekranın Y-koordinatına uyğundur.
  2. Sol və sağ (X) elektrodda bu proses analojidir.

Beşməftilli ekranı

Beşməftilli ekranda membran rezistiv örtüyü keçirici əvəz edilmişdir. Arxa şüşəyə küncləri üzrə paylanmış dörd elektrodlu rezistiv örtüyü çəkilmişdir.

Əvvəlcə bütün elektrod səthə birləşdirilir və membrana rezistorla +5V gərginlik "paylanır". Membrandakı gərginlik səviyyəsi analoq-rəqəmsal çevirici tərəfindən daim izlənilir.

Ekrana basan kimi, mikroprosessor membran gərginliyinin dəyişikliyini tutur və aşağıdakı qaydada toxunma koordinatlarını hesablamağa başlayır:

  1. İki sağ elektroda +5V gərginliyi verilir, sol elektrodlar səthə birləşir. Ekrandakı bu gərginlik X-koordinata uyğundur.
  2. Hər iki yuxarı elektroda +5V gərginlik verilir və alt elektrodlar "səthə" qoşulur Ekrandakı bu gərginlik Y-koordinata uyğundur.

Xüsusiyyətlər

Rezistiv sensor ekranlar ucuzdur. Rezistiv ekranlar istənilən hamar. bərk predmetlə reaksiya verir: əl (çılpaq və ya əlcəkdə), kredit kartı, mizrab. Bu tip ekranlardan demək olarki, hər yerdə: sənaye proseslərinin avtomatlaşdırması, tibbdə, müxtəlif xidmət (POS-terminallar) sahələrində, şəxsi elektronikada (Tablet-FK-lar) istifadə olunur. Ən yaxşı dəqiqlikli ekranların ölçüsü 4096×4096 piksel olur.

İstinadlar

  1. Мухин И. А. 2011-11-25 at the Wayback Machine. "BROADCASTING Телевидение и радиовещение": 1 часть — № 3(55) май 2006, с.50–52; 2 часть — № 4(56) июнь-июль 2006, с.40–41; 3 часть — № 7(59) ноябрь 2006, с.64–66.
  2. . 2011-09-06 tarixində arxivləşdirilib. İstifadə tarixi: 2014-02-12.
  3. . 2012-01-15 tarixində . İstifadə tarixi: 2014-02-12.
  4. . 2022-04-03 tarixində . İstifadə tarixi: 2020-11-26.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023