Loqar dərəsi (sloven. Logarska dolina) ― Sloveniyada dərə. Dərənin slovencə adı nisbətən yenidir və öz növbəsində slovencə "bataqlıq çəmən" mənasını verən log sözündən yaranmış Loqar fermasının adından qaynaqlanır. 1987-ci ildə ərazidə 24,75 kvadrat kilometri əhatə edən ladşaftı parkı yaradılmışdır.
| Loqar dərəsi landşaft parkı | |
|---|---|
| sloven. Krajinski park Logarska dolina | |
 | |
| BTMB kateqoriyası — V (Qorunan landşaft/akvatoriya) | |
| Sahəsi | 24,75 km2 ha |
| Yaradılma tarixi | 1987 |
| Yerləşməsi | |
| 46°23′01″ şm. e. 14°37′17″ ş. u. | |
| Ölkə | |
|
|
|
 Vikianbarda əlaqəli mediafayllar | |
Coğrafiya
Loqar dərəsi tipik bir U şəkilli buzlaq dərəsidir. Dərə loq adlanan aşağı hissə, Plest adlanan orta hissə (əsasən meşə sahəsindən ibarətdir) və Kot adlanan (kar) yuxarı hissə olmaqla üç hissəyə bölünür. Dərə özü tektonik mənşəli olsa da, onun son güclü "dizayner"i buzlaq olmuşdur. Ərazidə ən gənc buzlaşma dövrü olan Pleystosenin izləri var.
Dərədəki təcrid olunmuş ferma torpaqlarında cəmi 35 nəfər yaşayır.
İqlim
Loqar dərəsində kontinental iqlim hakimdir. Ərazinin orta temperaturu 4°C-dir. Dərə ən yüksək temperatur 14°C olmaqla iyul ayında, ən aşağı temparetur isə -7°C olmaqla dekabr ayında qeydə alınır. Ərazi üçün orta illik yağıntı 1 979 millimetrdir. Ən çox yağıntı 272 millimetr olmaqla noyabrda, ən az yağıntı isə 100 millimetr olmaqla martda düşür.
Loqar dərəsi dar olmasa da (ən dar yeri təxminən 500 metrdir), şimal antisiklonu nəticəsində temperatur inversiyası baş verə bilər. Yamaclarda istilik paylanmasına qışda fərqli qar və buz şəraitində müşahidə olunan günəşli və kölgəli sahələr arasındakı fərqlər güclü təsir göstərir.
Vəhşi həyat
Flora
Loqar dərəsində ən çox yayılmış ağac növü meşə fıstığıdır (Fagus sylvatica ). Ərazidə həmçinin küknar (Picea abies) da yayqındır. Dərənin şimal yamaclarında ağ şama (Abies alba) da rast gəlinmişdir. Xüsusilə orta silsilənin qayalı yamaclarında çoxlu şam ağacı mövcuddur.
Fauna
Dərədə yaşayan quşlara əsasən iri arıquşu, , kəkilli arıquşu və adi göy arıquşu kimi arıquşları fəsiləsinə aid növlər daxildir. Qara ağacdələn (Dryocopos martius) ərazidəki ağacdələnlərin ən böyüyüdür. Loqar dərəsi həmçinin qırğıkimilər dəstəsinə aid iki növün: berqut (Aquila chrysaetos) və şahinin (Falco peregrinus) yaşayış yeridir. Ərazidəki digər yırtıcı quşlara sar, tetraçalan və bildirçinçalan daxildir.
Dərənin faunasına daxil olan qarapaçalar yayda ucqar dağlarda yaşayır və qışda daha aşağıdakı günəşli ərazilərə enirlər. Dərədəki əsas məməli növü isə cüyürdür. Ərazidə son illərdə marallar da məskunlaşmağa başlamışdır. Yüksək dağlarda dağ dovşanları, dərənin dibində isə boz dovşanlar yaşayır. Loqar dərəsindəki meşələrdə vaşaq və qonur ayıya da rast gəlinir.
Qalereya
-
Loqar dərəsi payızda -
Dərənin yuxarıdan görünüşü -
360° video
_02.jpg)
İstinadlar
- ↑ (ing.).
- ↑ Mišič, Franc. 1938. "O ledinskih in hišnih imenih okoli Solčave." [Soltsava ətrafındakı buzlaq və ev adları haqqında] tarix və etnoqrafiya jurnalı 33(3/4): 191–201, s. 197.
- Hrvatin, Mauro. [Loqar vadisi] // Šmid Hribar, Mateja; Golež, Gregor; Podjed, Dan; Kladnik, Drago; Erhartič, Bojan; Pavlin, Primož; Ines, Jerele (redaktorlar ). Enciklopedija naravne in kulturne dediščine na Slovenskem – DEDI [Sloveniyadakı Təbii və Mədəni İrs Ensiklopediyası] (Slovenian). 2020-10-24 tarixində arxivləşdirilib. İstifadə tarixi: 19 fevral 2013.
- . 28 March 2013 tarixində . İstifadə tarixi: 5 may 2013.
- . World Database on Protected Areas (WDPA). 18 August 2013 tarixində arxivləşdirilib. İstifadə tarixi: 7 April 2021.
- . NASA. 2020-05-10 tarixində arxivləşdirilib. İstifadə tarixi: 30 yanvar 2016.
- . NASA/Tropical Rainfall Monitoring Mission. 2020-04-13 tarixində . İstifadə tarixi: 30 yanvar 2016.