Lokrum adasının sahəsi 0,694 km²-dir. Sahil xəttinin uzunluğu — 5058 metrdir. Adanın uzunluğu — 1,6 km, eni isə — 540 metrdir. Adanın dəniz səviyyəsindən ən yüksək zirvəsi 93 metrdir. Zirvədə fransızlar tərəfində inşa edilmiş Fort Royal istehkamı var. Kiçik ölçülərə baxmayaraq adada kiçik göl var — Mrtvo (Ölü) (xorv. Mrtvo).

Ada təbii qoruq kimidir və ərazidə Aralıq dənzinə xarakterik bitki aləmi saxlanılmışdır. Ərazidə zeytun, aqava, kaktus, maqnoliya və palma geniş yayılıb. Həmçinin adada nəcib dəfnəyə, palıd, şam və qara şam ağaclarına rast gəlinir.

Lokrum adı latın mənşəli acrumen (turş meyvə) sözündən meydana gəlmişdir. Əvvəllər adada portağal ağacları geniş yayılmışdır.

Ada haqqında ilk yazılı məlumat 1023-cü ilə təsadüf edir. Ərazidə ilk dəfə benedik abbatlığı və monastır yaradılmışdır.

Əfsanəyə görə Şirürəkli I Riçard 1191-ci ildə fırtınadan qorunmaq üçün adada bir müddət qalmışdır. 1667-ci ildə adadakı monastır Dubrovnik zəlzələsindən böyük zərər almışdır.

Adada olan qədim benedikt monastırı və xüsusi qurğu ilə yamacdan sahilə gətirilən su xətti turistləri cəlb edir. Adada həmçinin Meksikanın gələcək imperatoru Maksimilian Habsburq istirahət etmişdir. Onun zamanında adada botanika bağı fəaliyyət göstərmiş və bağda bir neçə tovuz quşu ailəsi yaşamışdır. Lokrumun populyar olmasının səbəblərindən biri də adada amerika serialı olan "Taxt-tac oyunları" seryalının bir neçə epizodununun çəkilməsidir.

•  
  Fransız qalası
•  
  Göl sahilində tovuz quşları

1. ↑ . 2012-07-02 tarixində . İstifadə tarixi: 2011-03-12.
2. Travirka, Antun: Dubrovnik. Eine Stadt der Kultur und der Kunst, 2006
3. Adria. Reiseführer und Atlas, Jugoslawisches lexikographisches Institut, 1965
4. Radovinovic, Radovan: Die Jugoslawische Adria. Kultur- und Naturdenkmäler, 1988
5. Marić: Erzherzog Maximilians Traum.