Lara Adra 1986-cı ildə Parisdə doğulub. Atası Cəmil Adra II Əbdülhəmidin oğlu şahzadə Mehmed Səlim Əfəndinin qızı Namiqə Sultanın qızı Fatma Fəthiyyə Xanımsultanın oğludur. Ata tərəfdən nənəsi Fatma Fəthiyyə Xanımsultan Osmanlı imperiyası mənsublarının Türkiyə hökumətinin qərarı ilə xilafətin ləğvindən sonra sürgünə göndərildiyi vaxt 12 yaşında idi. Fransa və Beyrutda yaşayan nənəsi iki dəfə evlənmiş, hər iki həyat yoldaşı da ölüncə uşaqlarına özü baxmışdır. Laranın anası rusəsillidir. O doğulan vaxt ailəsi Livanda idi, müharibə səbəbi ilə Fransaya qayıdan anası Nadya Bogayeviski doğuşun ardından Livana qayıtdı, amma ölkədəki iç qarışıqlıqlar səbəbi ilə onlar təkrar Parisə köçdülər. Livanda yaşadıqları vaxt atası Cəmil Adranın ofisi belə bombalanmışdır. Fransada iqtisad üzrə təhsil aldı və sonra ABŞ-də magistr təhsilini tamamlayaraq Parisə döndü və bankda işləməyə başladı.

İki yaşından etibarən Fransada yaşayan və fransız kimi böyüyən Lara Adra özünü "qautre quart" adlı fransız kekinə bənzədir; "dörd inqridiyent, yəni kərə yağı, süd, şəkər və yoğurt. Mən o kek kimiyəm; fransız, livanlı, rus və türkəm.". Lara evdə fransızca danışılıdığı üçün türkcə öyrənə bilməyib. İlk dəfə 12 yaşında Türkiyəyə gəlmiş və ölkədəki sarayları gəzmişdir. Onun Türkiyə vətəndaşılığı yoxdur.