Kərim bəy Məşədi Ağası bəy oğlu 1797-ci ildə Xırdapara-Dizaq mahalının Maralyan kəndində dünyaya gəlmişdi. Molla yanında oxumuşdu. Kəndlərinin kədxudası olmuşdu. Kərim bəy rus-İran müharibəsində iştirak etmişdi. “Cəbrayıl” kitabında yazılır: “1826-ci il əməliyyatında Cəbrayılda Qasım bəy, Maralyandan kəndxuda Mövlud bəy (?-Ə.Ç.), Kərim Məşədi Ağası oğlu və Xanəhməd Abbas mirzənin qərargahında vəziyyəti öyrənmək məqsədilə 1826-cı il oktyabrın 1-də qorxu bilmədən Arazı keçib Abbas mirzənin yanına getdilər və onu inandırdılar ki, maralyanlılar ruslara ərzaq verməkdən imtina etmişlər. Abbas mirzə onlara inanaraq həttta mükafat da verib yola saldı. Xanəhməd göstərir ki, Abbas mirzə onlara demişdi ki, şah məni vəliəhdlikdən (Şahlıq taxtının varisliyindən) məhrum etməklə hədələyir ya gərək öləm, yaxud da səhvimi düzəldəm. Şah hətta istəyir ki, mənim gözlərimi çıxartdırsın”. Kərim bəy 1842-ci ildə də kəndlərinə başçılıq edirdi.

Kərim bəy Pərzad xanımla ailə qurmuşdu.

Oğlanları

• Fərəc bəy 1832-????
• Cəfər bəy 1834-????
• Ağası bəy 1841-????
• Əkbər bəy 1845-????
• Şirin bəy 1847-????

• Ənvər Çingizoğlu, İmamqulu ağa Maralyanlının törəmələri, "Soy" еlmi-kütləvi dərgi, 2010, №6, səh.15-19

• Maralyan