Suriya hibiskusu - Haqqinda Melumat

Suriya hibiskusu
Suriya hibiskusu
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Dəstə: Əməköməciçiçəklilər Fəsilə: Əməköməcikimilər Yarımfəsilə: Triba: Cins: Hibiskus Növ: Suriya hibiskusu
Beynəlxalq elmi adı
	Hibiscus syriacus L., 1753;
ITIS
NCBI
EOL

Suriya hibiskusu (lat. Hibiscus syriacus) — bitkilər aləminin əməköməciçiçəklilər dəstəsinin əməköməcikimilər fəsiləsinin hibiskus cinsinə aid bitki növü.

Təbii yayılması

Vətəni Çin və Qərbi Asiyadır. Qafqazda, Orta Asiyada, Moldovada və Krımda bitir.

Botaniki təsviri

Hündürlüyü 5-6 m-ə qədər olan, yarpağı tökülən koldur. Uzunluğu 10 sm olan, yumurtaşəkilli, parlaq, yaşıl yarpaqları ilə fərqlənir. Çiçəkləri tək, xırda, ağdan-qırmızıyadək müxtəlif rəngli, bəzən ikirəngli, sadə və çoxləçəklidir. Yayın ikinci yarısından noyabr-dekabr aylarına qədər bol çiçəkləyir. Toxumlarla və yarımoduncaqlaşmış qələmlərlə çoxaldılır.

Ekologiyası

Rütubət və istisevən bitkidir. Yarımkölgəyə qismən dözür. Bu bitki torpağa tələbkar deyil və quraqlığa davamlıdır, açıq günəşli yerlərdə yaxşı inkişaf edir.

Azərbaycanda yayılması

Abşeron, Gəncə, Sumqayıt, Qəbələdə park və bağlarda mədəni şəraitdə becərilir.

İstifadəsi

Dekorativ bitki kimi geniş istifadə edilir. Bu növün Hibiscus hybrida, Hibiscus f. alpa-purpurea forması mədəni şəraitdə bağ və parklarda rast gəlinir.

İstinadlar

Linnæi C. (lat.): Exhibentes plantas rite cognitas ad genera relatas. 1753. C. 2. S. 695.

Həmçinin bax

[_e2713d00c78688b1-1] Linnæi C. (lat.): Exhibentes plantas rite cognitas ad genera relatas. 1753. C. 2. S. 695.