Şirkət 1935-ci ildə Panzer I tankını istehsal etməyə başlamışdır. İkinci dünya müharibəsinin 1939–1940-cı illər mərhələsində şirkət çox sayda Panzer III tankı istehsal etmişdir. 1942–1945-ci illər arasında şirkət Tiger I tanklarını istehsal etmişdir. Henschel Tiger tanklarının əsas istehsalçısı olmuşdur. 1945-ci ildə şirkətin səkkiz min işçisi var idi və onlar 12 saatlıq iş rejimində çalışırdılar. Şirkət istehsal etmiş olduğu hərbi təyinatlı texnikalarına görə müttəfiq qüvvələrinin daima hücum hədəflərindən biri idi. Müharibə dövründə şirkətin demək olar ki, bütün zavodları bombardmanlara məruz qalmışdır.

1948-ci ildə şirkət yenidən fəaliyyətinə başladı. 1964-cü ildə şirkət Rheinische Stahlwerke şirkətini aldı və Rheinstahl Henschel AG (Hanomag) adını götürdü, 1976-cı ildə Thyssen-Henschel və daha sonra 1990-cı ildə ABB Henschel AG adını aldı. 1996-cı ildə şirkət ABB Daimler Benz Nəqliyyat Adtranz adını aldı. Şirkət 2002-ci ildə Bombardier şirkəti (Kanada) tərəfindən satın alınmışdır. Kassel təsisi hələ də mövcuddur və dünyanın ən böyük lokomotiv istehsalçılarından biridir.

• ZBW-nin XX əsrin mətbuat arxivində