Hörümçək-adam: Kainatların toru (ing. Spider-Man: Across the Spider-Verse) — 2023-cü il ABŞ istehsalı kompüter animasiyası, superqəhrəman filmi. "Marvel Comics" qəhrəmanı Mayls Moralesin yer aldığı film "Columbia Pictures" və "Sony Pictures Animation" ilə "Marvel Entertainment"in birgə istehsalıdır. "Sony Pictures Releasing" şirkəti tərəfindən yayımlanan film "Hörümçək-adam: Hörümçək-kainatına doğru" animasiya filminin davamıdır. Filmin rejissoru Joaquim Dos Santos, Kemp Powers və Justin K. Thompson, ssenari müəllifləri Phil Lord, Christopher Miller və David Callaham-dır. Şamik Mur Mayls Moralesi, digər personajları Hayli Steynfald, Brayan Tayri Henri, Luna Loren Vekes, Ceyk Conson, Ceyson Şvarsman, İssa Rey, Karan Soni, Deniel Kaluya və Oskar Ayzek səsləndirib. Filmdə Mayls Morales, Hörümçək-qadın (Qven Steysi) ilə birlikdə macəra axtarışı üçün digər kainatlara səfər edir, burada o, Hörümçək-adam 2099-un (Miqel O-Hara) rəhbərlik etdiyi "Hörümçək cəmiyyəti" ilə tanış olur.
| Hörümçək-adam: Kainatların toru | |
|---|---|
| ing. Spider-Man: Across the Spider-Verse | |
 | |
| Janr | döyüş-komediya filmi[d], superqəhrəman filmi, döyüş filmi, komediya filmi, dram |
| Prodüserlər | |
| Ssenari müəllifi |
|
| İstehsalçılar | Columbia Pictures, Sony Pictures Animation[d] |
| Distribütor | Sony Pictures Motion Picture Group[d], InterCom[d] |
| İlk baxış tarixi | 2 iyun 2023, 1 iyun 2023, 3 iyun 2023 |
| Müddət | 140 dəq. |
| Büdcə | $100 milyon dollar |
| Gəlir | $390 milyon dollar |
| Ölkə | |
| Dil | ingilis dili |
| Əvvəlki film | Hörümçək-adam: Hörümçək-kainata doğru |
| Rəng | rəngli |
| IMDb | |
 Vikianbarda əlaqəli mediafayllar | |
Sony 2018-ci ildə ilk film buraxılmazdan əvvəl, rejissorlar və ssenaristlər ilə birlikdə "Kainatların toru" üzərində işləməyə başlamışdı. Onlar daha çox Mayls və Qvenin münasibətinə fokuslanmışdılar. Film ilk olaraq 2019-cu ilin noyabrında elan edildi, animasiya işləri 2020-ci ilin iyun ayında başladı. Film 140 dəqiqəlik müddəti ilə ABŞ studiyası tərəfindən istehsal edilən ən uzun animasiya filmidir.
"Hörümçək-adam: Kainatların toru"nun ilk premyerası 30 may 2023-cü ildə Los-Ancelesdə yerləşən "Regency Village Theatre"də baş tutdu, ardınca beynəlxalq olaraq 2 iyunda buraxıldı. 100 milyon dollarlıq büdcə ilə çəkilmiş film, dünya miqyasında 389 milyon dollardan çox gəlir əldə etdi və bununla 2023-un çox gəlir əldə edən filmlərindən biri oldu. Filmin davamı "Spider-Man: Beyond the Spider-Verse" 29 mart 2024-cü ildə buraxılması planlaşdırılır, bununla yanaşı hazırda başqa bir spin-off filmi "Hörümçək-qadın" (ing. Spider-Woman) üzərində işlər davam etməkdədir.