1991-ci ilə kimi Türkmənistan və Gürcüstan Sovet Sosialist Respublikaları İttifaqına daxil olan müttəfiq dövlətlərdən biri olmuşdur. 9 aprel 1991-ci ildə Gürcüstan, 1991-ci ilin 27 oktyabrında isə türkmənistan müstəqilliyini elan etmişdir.

Tiflisdə Türkmənistanın, Aşqabadda isə Gürcüstanın səfirliyi vardır. 2014-cü il may ayının 20-dən Gürcüstanın Türkmənistandakı fövqəladə və səlahiyyətli səfiri Giorgi Karalaşvilidir. Türkmənistan Respublikasının Gürcüstandakı fövqəladə və səlahiyyətli səfiri Dövlətmurad Muradovdur.

Ölkələr arasındakı əlaqələr tarixində əhəmiyyətli yeri yüksək səviyyədə təşkil olunan səfərlərdir. Türkmənistan Respublikasının ilk prezidenti Saparmurat Niyazov 1996-cı ildə Gürcüstana səfər etmişdir. Gürcüstanın ikinci prezidenti Eduard Şevardnadze 1997-ci ildə Aşqabadda səfərdə olmuşdur. Gürcüstanın üçüncü prezidenti [[Mixail Saakaşvili] Xalq Məsləhətinin XIX iclasında və Türkmənistanın ikinci prezidenti Qurbanqulu Berdiməhəmmədovun inaqyrasiyasında iştirak etmək üçün 2007-ci il 14 fevral tarixində Türkmənistana səfər etmişdir. Səfər zamanı Qurbanqulu Berdiməhəmmədov və Mixail Saakaşvili arasında görüş olmuşdur. Gürcüstanın dördüncü prezidenti Georgi Marqvelaşvili Türkmənistana 2014-cü ilin dekabrında səfər emişdir. Türkmənistanın ikinci prezidenti Qurbanqulu Berdiməhəmmədov gürcü həmkarı ilə 2015-ci ilin iyul ayında Tbilisidə görüşdür. 2015-ci ilin dekabrında Gürcüstan Prezidenti Georgi Marqvelaşvili Türkmənistanın neytrallığının 20 illiyi münasibətilə təşkil olunmuş "Bitərəflik siyasəti: sülh naminə beynəlxalq əməkdaşlıq, təhlükəsizlik və inkişaf" adlı beynəlxalq konfransda iştirak etmək üçün Aşqabadda səfərdə olmuşdur.

İki ölkə arasında müqavilə-hüquq bazası 36 sənəddən ibarətdir.

1992—1995-ci illərdə Türkmənistan Gürcüstana təbii qazı borc olaraq verirdi. Gürcüstan Türkmənistana aid vaqonları təmir etmiş, həmcinin Tiflis aviazavodunda Türkmənistan HHQ aid 43 təyyarə və 8 helikopteri modernləşdirmişdi. Türkmənistan gürcülərdən iki yeni hıərbi təyyarə almışdı.

Gürcüstan tərəfi Tüerkmənistanla energetika və nəqliyyat sahəısində əməkdaşlığı inkişaf etdiormək niyyətindədir. 2014-cü ildə Gürcüstan və Türkmənistan arasında ticarət dövriyyəsi 83, 672 mln ABŞ dolları olmuşdur. Ancaq Türkmənistan kütləvi ijnformasiya vastələrinin məlumatına görə isə bu rəqəm 495 mln dollardır.

Ölkələr Əfqanıstan-Türkmənistan-Azərbaycan-Gürcüstan nəqliyyat dəhlizinin təşkilinə böyük diqqət ayırırlar.

• ^{[ölü keçid]}