Mingəçevir FK

Mingəçevir FK — və ya rəsmi adı ilə Mingəçevir Futbol Klubu. 2022-ci ildə yaranan, tarixən 1966-cı ildə təməli qoyulan Azərbaycanın Mingəçevir şəhərini təmsil edən klubdur. "Energetik" futbol klubunun varisidir.

Mingəçevir FK
Loqonun şəkli
Klubun tam adı Mingəçevir Futbol Klubu
Ölkə Azərbaycan Azərbaycan Respublikası
Kodu MİN
Rəng(lər)         
Yaranma tarixi 2022 (2 il əvvəl) (2022)
Stadionu Yaşar Məmmədzadə adına stadion
Tutumu 5.000.
Koordinatlar Q27R+5XV
Baş məşqçisi Ədahim Niftəliyev
Kapitanı Vüsal İsmayılov
Liqa Azərbaycan Azərbaycan Birinci Liqası
2023/2024 8.
Vikianbarın loqosu Vikianbarda əlaqəli mediafayllar

İdarə Heyəti

  • İdarə Heyəti Sədri: Ruslan Həmidov
  • İdman Direktoru: Zaur Qarayev
  • Köməkçi Məşqçi: Samir Məmmədov, Namiq İbrahimli
  • Mətbuat Katibi: Elnur Qasımov

Tarixi

 

Mingəçevirdə futbola maraq 1960-cı il və əvvəllərində artıq var idi. "Kabelçi" adlı klub, Kabel Zavodunun himayəsində fəaliyyət göstərirdi. Klubun xüsusən Şəkinin "Xansaray" klubu ilə oyunlarının prinsipiyal olduğu bilinir.

 
"Kabelçi" klubunun loqosu, "Şəki" qazetindən bir parça

1966-cı ildə "Neftçi" klubunun SSRİ birinciliyinin bürünc medal qazanması ilə futbola maraq bir az daha artdı. Həmin il ilk yaranan klub isə Mingəçevir Tekstil Zavodunun himayəsində olan "Tekstilşik" olub. Bu komanda SSRİ kubokunda 2 dəfə çıxış edib. "Tekstilşik" klubundan əlavə, 1968-ci ildə, Mingəçevir Politexnik İnstitutunun nəznində yaranan yığma komanda, Azərbaycan kubokuna sahib çıxmışdır. Bu klubun kapitanı Yusif Allahverdiyev olmuşdur. Qardaşı Yunis də onunla komanda yoldaşı olmuşdur. Ondan 2 il sonra isə, Mingəçevirin başqa bir klubu, "İzolit" klubu, Azərbaycan kubokuna sahib çıxaraq, Mingəçevir futbol tarixinə düşmüşdür.

Qısa müddət sonra "Tekstilşik" klubunun adı azərbaycanca "Toxucu" adlandırılıb. 1969-cu ildə Nadir Qasımov məşqçi olaraq klubun başına keçib. 1980-ci ildə Bakının "Avtomobilçi" ("Avtomobilist") komandasının oynadığı "Spartak" stadionu əlindən alındığı üçün Mingəçevirə köçüb və o gündən klub Mingəçevir şəhərini təmsil etməyə başlayıb. "Avtomobilçi" SSRİ çempionatının II divizionunun IX zonasında Qafqaz komandaları ilə birgə mübarizə aparıb ki, burda "Kəpəz"lə keçirilən matçlar derbi ab-havasında baş tutub. Azərbaycan futbolunun tanınmış simalarında Anatoli Banişevski bu klubda forma geyinmişdir. Həmçinin klubun kapitanı Vasif İskəndərov, baş məşqçi isə Şamil Hüseynov olmuşdur. Həmçinin "Əməkdar Məşqçi" adı qazanmış Baba Mustafayev də, bu klubda baş məşqçi olaraq çıxış etmişdir. Ondan əlavə Valentin Xlıstov, Ağasəlim Mircavadov, Şamil Heydərov, Anatoli Banişevski də, baş məqçi olaraq çıxış etmişdir. Klub tarixində uğursuz məşqçi olaraq adlandırılan, 1966-cı ildə Neftçi klubunda futbolçu olaraq bürünc medal almış Aleksandr Trofimovun idarəsi zamanı klub 1987-ci ildə sonuncu yeri tutaraq aşağı liqaya düşmüşdür. Bu dövr klubun "Böhran dövrü" olaraq adlandırılır. 1989-cu ildə bu komanda dağılır.

1990-cı ildə Mingəçevirdə "Kür" adlı komanda yaradılır və bu komanda 2 il sonra keçirilən Azərbaycanın ilk müstəqil çempionatında iştirak edir. Karyerasına "Avtomobilçi"də başlamış Azərbaycan Millisinin sabiq müdafiəçisi Ramiz Məmmədov, Mehman Baxışov kimi futbolçuların sayəsində "Kür" 26 klubun mübarizə apardığı çempionatda elə ilk ildə 7-ci yeri tutur, eləcə də komanda ölkə kubokunun finalına vəsiqə qazanır. Ancaq 1992-ci il avqustun 30-da Bakının "İnşaatçı" komandasına əlavə vaxtda buraxdığı qol hesabına uduzur.

 
Mingəçevirin "Kür" klubu ilə, Şəkinin "Xansaray" klubunun qarşılaşması, "Şəki" qazeti

1993/94 mövsümünün ortasında klubu Mingəçevir su-elektrik stansiyası himayəsinə götürdüyündən komandanın adında cüzi dəyişiklik edilir: "Kür-Nur".

1995/96 mövsümündə isə hazırda Qarabağ FK məşqçisi Qurban Qurbanovun da futbolçu kimi yolu "Kür-Nur"dan keçir və burda 4 qola imza atır.

1997/98 mövsümü başa çatdıqdan sonra komanda maliyyə problemləri ucbatından dağılır.

2005 ildə "Azərenerji" şirkəti məcburən Mingəçevirdə yeni klub yaratmalı olur — "Energetik". Bu komanda I dəstədən mübarizəyə qoşulur və 8 klubun iştirak etdiyi ilk mövsümdə 4-cü yeri tutur. Növbəti mövsüm isə "Energetik" 2-ci pilləni tutur və AMMK (indiki AZAL) ilə birgə elitada iştirak etmək hüququ qazanır. Təbii ki, "Azərenerji" rəhbərliyi qısa müddətdə bunu gözləmirdi.

2018-ci ildə "Energetik" klubunun büdcəsinə dəstək olan, sponsorluq edən "AzərEnerji" kluba sponsorluqdan imtina etdi. Bunun nəticəsində klubda ciddi maliyyə problemləri yarandı.

2019-cu illərdə isə kluba sponsorluq edən "Azenco" kluba göstərdiyi maliyyə dəstəyini çəkdi. Bu da öz növbəsində klubun fəaliyyətini dayandırma ehtimalını yenidən gündəmə gətirdi.

 
Energetik FK region liqasında çıxış edən zaman

2021/2022 illərində klub Region Liqasından I Diviziona yüksəlib. Maliyyə dəstəyi səbəbi ilə klub "Energetik" adlanırdı. Lakin 2018-ci ildən etibarən "AzərEnerji"-nin sponsorluqdan imtina etməsi, klubun adının dəyişdirilməsi ilə nəticələndi. 2022-ci il 19 may tarixində I Divizionda çıxışa hazırlıq məqsədilə stadionun təmirinə start verildi.

2022/2023 mövsümündə klub gözlənilən qədər yaxşı oyun nümayiş etdirmədi. Belə ki, klubun büdcə problemləri yenidən özünü büruzə verdi. Həmçinin meydanın kələ-kötür olması səbəbiylə, futbolçuların top idarəsi nə qədər yaxşı olursa olsun, bu oyun zamanı özünü mənfi tərəfdən göstərirdi. Sponsorun olmaması gəlirin azalması nəticəsində klubdan güclü oyunçular ayrıldı. Həmin ilin mart ayının 25-i baş məşqçi kimi gələn Şəhruz Mustafayev öz qərarı ilə istefa verdi. Mövsüm sonuna qədər onun yerinə köməkçi məşqçi olan Sönməz Quliyev keçdi. 2023/2024 illəri məqsədi olaraq 12, 13, 16 və 17 yaş qrupları üzrə komandaların qurulması hədəfləndiyi açıqladı. Artıq qış fasiləsindən sonra, Ruslan Həmidovun təşəbbüsü ilə U16, U17 yaş qrupları üzrə komanda yaradıldı. 26 aprel tarixində Ruslan Həmidov AFFA-ya müraciət edərək, Mingəçevir klubunun Azərbaycan Premyer Liqasına vəsiqə əldə etməsini istədi.

2023/2024 — Mingəçevir "Azərlotereya" ilə sponsorluq müqaviləsi imzaladı. Bu mövsüm üçün əlamətdar bir neçə hadisə baş verdi. İlk olaraq Ruslan Həmidov 2024/2025 futbol mövsümü üçün "Kür-Nur" klubunun bərpası ilə bağlı açıqlama verdi. Yeni plana görə "Kür-Nur" klubu bərpa ediləcək. İkincisi isə liqanın ilk turununda "Karvan" klubu ilə qarşılaşma gərginliyi ilə yadda qaldı. 65, 67-ci dəqiqələrdə Mingəçevirin iki oyunçusu Elçin Qasımov və Elvin Əlizadə qırmızı vərəqə aldılar. 27 Noyabr tarixində klubun verdiyi açıqlamaya görə, məşqçilər heyəti uğursuz nəticələrə görə dəfələrlə istefalarını deməyi ilə yanaşı, sadəcə qeyd edilən tarixdə dəyişiklik edilərək, baş məşqçi olaraq Ədahim Niftəliyev klubun sükanı arxasına keçdi. 3 dekabr tarixində isə klub qapıçılar üzrə məşqçi Elnar Kərimov ilə yollarını ayırdı.

Loqoların Anlamı

Loqolar
 
Kür Mingəçevir klubunun loqosu
 
Kür Nur klubunun loqosu
 
Energetik klubunun loqosu
 
Energetik klubunun loqosu
 
Energetik klubunun loqosu

Kür Mingəçevir

Kür Mingəçevir klubunun loqosu dairə şəkildədir. qara fon arxasında klubun adı, təmsil etdiyi şəhər yazılmışdır. Loqonun ortasında bir dəniz və bulud təsfirinə yer verilmişdir. Loqo Kür Mingəçevir klubunun fəaliyyət illəri (1990–1993) ərzində istiadə olunmuşdur.

Kür Nur

Bu loqo ənənəvi dairə formasından bir az daha fərqlidir. Düzbucaqlı şəklində olan loqonun üst tərəfində bayraq təsvir olunmuşdur. Sol tərəfdən aşağı doğru "Kür", sağ tərəfdən aşağı doğru "Nur" sözü oxunur. Narıncı fon arxasında isə, sol tərəfdə "F" hərfi, sağ tərəfdə isə "K" hərfini görmək mümündür ki, buda "futbol kl ubu" sözünün qısaltılmış formasıdır. Bu loqoda öz növbəsində klubun fəaliyyətdə olduğu dövrlərdə (1993–1998) istifadə olunmuşdur.

Energetik Mingəçevir

Energetik Mingəçevir klubunun ilk loqosu elə təmsil etdiyi şəhər olan Mingəçevirin gerbinə bənzəməsi ilə daha çox seçilir. Loqo düzbucaqlı formadadır. 2 rəngdən ibarət olan loqonun sol üst küncündə SESin şəkli yer almışdır. Sağ alt küncündə isə, balıq təsviri vardır. Mingəçevir həmçinin balıq sahəsində də inkişaf etmiş şəhərdir. Loqonun üst tərəfində "Energetik" yazısı var. Həmçinin sağ küncdə "futbol klubu" ifadəsinin qısaltdılmış forması olan "FK" sözü vardır. Sol altda isə klubun təmsil etdiyi şəhər və klubun yaranma tarixi olan 1966-cı il yazılmışdır.

5 oktyabr 2015-ci ildə rəsmi sosial şəbəkə səhifələrində azerkeşlərə təqdim etdi. Buda öz növbəsində azerkeşlər tərəfdən çox bəyənildi. Yeni loqo dairə formasında idi. Sol və sağ tərəflərində futbol topları vardı. Halqanın üstündə klubun adına yer verilmişdir. Göy qırmızı və yaşıl fon üstündə sarı rəngdə lampa şəklinə yer verilmişdir. Buda klubun adının bir növ izzahı idi. Aşağı tərəfdə isə "Energetik" klubunun yaranma tarixi qeyd olunmuşdur.

3 iyul 2020 tarixində isə klub yenidən loqo dəyişikliyi etmək qərarına gəldi. Yeni loqo mavi rəngdə idi. Üst tərəfində klubun adı, alt tərəfində isə "Mingəçevir" yazılmışdır. Sol tərəfdə "F" hərfi, sağ tərəfində isə "K" hərfinə yer verilmişdir. Ortasında göy-ağ rəngdə qalxan şəkli var idi. Qalxanın üstündə isə elektrik qülləsi təsviri var. Qüllənin altında isə "Energetik" klubunun yaranma ili yazılmışdır.

2022/2023 sezonlarında klub 1-ci Diviziona yeni ad və loqo ilə şıçıxış etməyə başladı. Loqonun mərkəzində su anbarının şəkili ilə birlikdə, Mingəçevir'də yer alan Bozdağ silsiləsi'nin şəklinədə yer verib

Uğurları

  • Azərbaycan Kuboku
  Gümüş Medal —(1992, 1994/95)

Rekord — 2022/23 sezonlarında Mingəçevir ilk oyun zamanı 3,200 izləyici ilə 5 mövsümün rekordunu yeniləyib

SSRİ (1966–1991)
Toxucu FK (1966–1970)
Mövsüm Liqa Yer O Q H M AV X SSRİ Kuboku
1966 Zona 3/ Qrup B 17 34 9 6 19 24/43 24
1967 Zona 3/Qrup B 5 38 16 3 9 35/29 45
Respublik Kuboku 4 3 0 1 2 0/2 1
1968 Zona 3/Qrup B 3 40 15 12 13 32/41 42
1969 Qrup B — Zaqafqaziya 6 38 16 10 12 53/48 42
1970 Qrup B / Zona 2 / Altqrup 2 15 34 8 9 17 29/66 25
Avtomobilçi FK (1980–1987)
1980 2-ci liqa / 9-cu zona 8 30 12 6 12 39/37 30
1981 2-ci liqa / 9-cu zona 16 30 4 5 21 29/63 13
Bölgə 6 / 9–16-lıq liqa 16 44 9 6 29 44/85 24
1982 2-ci liqa / 9-cu zona 11 32 14 5 13 32/40 33
1983 2-ci liqa / 9-cu zona 15 32 7 6 19 37/66 20
1984 2-ci liqa / 9-cu zona 14 32 10 5 17 45/63 25
1985 2-ci liqa / 9-cu zona 12 30 12 4 14 41/44 28
1986 2-ci liqa / 9-cu zona 8 30 14 3 13 58/41 31
1987 2-ci liqa / 9-cu zona 16 30 8 5 17 37/56 21
Kür FK (1990–2005)
1990 2-ci liqa / 3-cü zona / A qrup 6 22 10 3 9 25/25 23
3-cü zona 1–12-lıq liqa 10 34 13 6 15 41/42 32
1991 2-liqa / 3-cü zona 5 38 18 11 9 67/33 47
Azərbaycan (1992 — H. H)
1992 Yüksək Dəstə 7 36 19 3 14 50/39 41 2-cilik
1993 Yüksək Liqa 6 18 6 6 6 21/25 18 1/8
1993/1994 Birinci Dəstə 5 30 13 7 10 45/33 23 1/8
1994/1995 Birinci Dəstə 4 24 14 2 8 41/23 30 2-cilik
1995/1996 Birinci Dəstə 6 20 7 4 9 35/41 25 1/8
1996/1997 Yüksək Dəstə 13 30 7 4 19 30/59 25 1/8
1997/1998 Yüksək Dəstə 11 26 8 3 15 26/36 27 1/2
Energetik FK(2003–2022)
2003/2004 Birinci Dəstə 4 14 9 1 4 26/9 '28 1/8
2004/2005 Birinci Dəstəsi 2 14 10 1 3 34/13 31 1/16
2005/2006 Birinci Dəstə 10 30 10 5 15 41/52 35 1/16
2006/2007 Birinci Dəstə/B Qrupu 7 20 7 4 9 28/37 25 1/16
2007/2008 Birinci Dəstə/B Qrup 6 16 4 4 8 19/25 16 1/16
2008/2009 Birinci Divizion 4 28 14 8 6 51/29 50 İştirak Etməyib
2009/2010 Birinci Divizion 13 22 3 6 13 24/51 15 İştirak Etməyib
2010/2011 Birinci Divizion 11 26 5 5 16 17/50 20 İştirak Etməyib
2011/2012 Birinci Divizion 12 26 6 7 13 21/45 25 İştirak Etməyib
2012/2013 Birinci Divizion 10 24 5 4 15 26/52 19 İştirak Etməyib
2013/2014 Birinci Divizion 16 30 2 5 23 11/92 11 İştirak Etməyib
2014/2015 Birinci Divizion 14 30 5 3 22 24/82 18 İştirak Etməyib
2015/2016 Birinci Divizion 13 36 4 3 19 14/100 15 İştirak Etməyib
2016/2017 Birinci Divizion 11 26 5 5 16 25/86 20 İştirak Etməyib
2022/23 Birinci Liqa 14 26 5 5 18 20 1/8

Daxili Rekordlar

Klub tarixinin bombardirlik siyahısı

Sıra Sezon Futbolçu adı Mövqeyi Oyun sayı Vurduğu Qol
1 Ramiz Məmmədov CM 126 40
2 1992 Mehman Baxışov FC 31 10
3 1992 Bəxtiyar Sadıqov FC 32 7

Stadionu

 
Yaşar Məmmədzadə adına Mingəçevir şəhər stadionu

Yaşar Məmmədzadə adına Mingəçevir şəhər stadionu. 5.000 nəfərlik tutuma malikdir

Oyunçular

Nömrə Ölkə Mövqeyi Futbolçu
31   GK Elnar Kərimov
22   GK Elçin Qasımov
13   GK Toğrul Məmmədbəyli
1   GK Eldar Tərlanov
95   DF Elvin Əlizadə
8   DF Elsevər Bəkirzadə
11   DF Əsədulla Heydərov
23   DF Vasif Cahangirov
81   DF Xəyal Muradov
33   DF Hüseyn Əliyev
18   DF Elvin Əliyev
14   DF Nicat Məmmədli
20   MF Elçin Abdullayev
99   MF Tural Məmmədov
10   MF Roman Hüseynov
77   MF Əsgər Hüseynov
60   MF Elmin Bayramov
32   MF Elvin Əsgərov
45   MF Aqil Nəsibov
15   MF Elnur Mirzəyev
88   MF Nihad Xəlilli
7   FW Tural Məmmədzadə
9   MF Vidadi Cəfərov

Həmçinin bax

İstinadlar

  1. . 2016-03-04 tarixində . İstifadə tarixi: 2019-07-18.
  2. . 2023-02-21 tarixində . İstifadə tarixi: 2023-02-21.
  3. ↑ . 2023-05-09 tarixində . İstifadə tarixi: 2023-05-08.
  4. ↑ . 2023-02-23 tarixində . İstifadə tarixi: 2023-02-26.
  5. ↑ . 2023-05-01 tarixində . İstifadə tarixi: 2023-06-08.
  6. Ulduzları Yandıran Məşqçi,1999, səh.29
  7. . 2023-04-25 tarixində . İstifadə tarixi: 2023-04-20.
  8. ↑ Ulduzları Yandıran Məşqçi, 1999, səh.28,29
  9. . 2023-02-21 tarixində . İstifadə tarixi: 2023-02-21.
  10. . 2023-04-25 tarixində . İstifadə tarixi: 2023-04-20.
  11. . 2023-04-25 tarixində . İstifadə tarixi: 2023-04-20.
  12. . 2023-04-24 tarixində . İstifadə tarixi: 2023-04-20.
  13. . 2023-04-24 tarixində . İstifadə tarixi: 2023-04-20.
  14. . 2023-04-20 tarixində . İstifadə tarixi: 2023-04-20.
  15. . 2023-07-28 tarixində . İstifadə tarixi: 2023-04-20.
  16. . 2023-03-26 tarixində . İstifadə tarixi: 2023-03-26.
  17. . 2023-04-16 tarixində . İstifadə tarixi: 2023-04-10.
  18. . 2023-04-28 tarixində . İstifadə tarixi: 2023-04-28.
  24. . 2023-03-09 tarixində . İstifadə tarixi: 2023-03-09.
  25. . 2023-03-09 tarixində . İstifadə tarixi: 2023-03-09.
  26. . 2023-03-09 tarixində . İstifadə tarixi: 2023-03-09.
  27. . 2019-10-03 tarixində . İstifadə tarixi: 2023-02-21.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023