1511-ci ilin aprelində Məmlüklərlə Səfəvilər arasında sərhəd toqquşması baş vermişdi. Sədan Həbəşi kəşfiyyat məqsədli sərhədi pozub Diyarbəkir bəylərbəyi ərazisinə daxil oldu. Bu zaman çəmənlikdə ov etməklə məşğul olan Dəli Duraq ləqəbli qızılbaş sərkərdəsi Murad bəy Ustaclu bundan xəbər tutub, Sədan Həbəşinin ordusuna hücum etdi. Hələ döyüşün əvvəlində Sədan Həbəşi Murad bəy Ustaclu tərəfindən öldürüldü və döyüşün sonlarında 180 Məmlük əsgəri öldürülmüş, 20 nəfər isə əsir alınmış, qalanları isə qaçmışdır. Əsirlərin çoxu Səfəvi tərəfinə keçmişdişdi. Lakin, ölkəsinə qayıtmaq istəyən 3 həbəşli var idi. Bunlar Şah İsmayıl Xətai Həzrtələrinin əmri ilə əsirlikdən azad edildi.