Kitabın ideya müəllifi və məsləhətçisi Rüstəm Dastanoğlu, tərtib edəni və redaktoru Araz Yaquboğlu, toplayanı isə Əfəndi Babayevdir.

Bu kitabda tarixi Azərbaycan ərazisi olan Göyçə mahalında yerləşən Daşkənd kəndinin tarixi və coğrafiyasına aid məqalələr, Göyçə aşıqlarının, bu kəndin məşhur qələm sahiblərinin xalqımıza, Göyçə və Daşkəndə həsr olunmuş şeirləri də öz əksini tapmışdır.

Bununla yanaşı, kitabda yaşadıqları şəhər və rayonlar üzrə olmaqla Daşkənddən olan bütün ailə başçılarının əlifba sırası ilə siyahısı, ev və mobil telefon nömrələri verilmişdir.

17 oktyabr 2013-cü ildə Mədəniyyət TV-nin "Qobustan" verilişində "Daşkənd və daşkəndlilər" kitabı haqqında veriliş getmişdir. Verilişdə əlavə olaraq Göyçə mahalının Daşkənd kəndinin tarixi və coğrafiyası haqqında da məlumatlar verilmişdir. Filmin ssenari müəllifi Avdı Qoşqar, çıxışçılar isə professor İbrahim Bayramov, araşdırıcı Rüstəm Dastanoğlu və tədqiqatçı Araz Yaquboğlu olmuşdur.

Kitab haqqında "525-ci qəzet"də ""Daşkənd və daşkəndlilər" — itirilmiş Göyçədən yazılanlar" adlı məlumat xarakterli məqalə çap olunmuşdur.

• Rüstəm Dastanoğlu, "Ön söz əvəzi"
• Yavər Qocamanov, "Daşkənd kəndi haqqında coğrafi məlumat"
• , "Göyçə mahalının Daşkənd kəndi"
• Araz Yaquboğlu, "Daşkənd kəndi ilə bağlı araşdırma"
• Araz Yaquboğlu, "Bərdə rayonundakı Yeni Daşkənd kəndi"

• Aşıq Alı
• Aşıq Ələsgər
• Növrəs İman
• Zodlu Usta Abdulla
• Şair Məmmədhüseyn
• Aşıq Nəcəf
• Alqayıt
• Həsən Xəyallı
• Aşıq Hacı Göyçəli
• Aslan Məmmədsadiqoğlu
• Qəmgin Fəzi
• Sərraf Şiruyə