Zodlu Abdulla (Usta Abdulla yaxud Zodlu Usta Abdulla; 1865, Zod, Yeni Bəyazid qəzası – 1943, Kirovabad) — Ustad el şairi.
| Usta Abdulla | |
|---|---|
| Namazov Abdulla Rəhim oğlu | |
 | |
| Təxəllüsü | Usta |
| Doğum tarixi | 1865 |
| Doğum yeri | |
| Vəfat tarixi | 1943 |
| Vəfat yeri | |
| Dəfn yeri | |
| Atası | Xarrat Rəhim |
| Fəaliyyəti | şair, xarrat[d] |
 Usta Abdulla Vikimənbədə
| |
Həyatı
Namazov Abdulla Rəhim oğlu 1865-ci ildə Göyçə mahalının Zod kəndində anadan olub. Məhz bu səbəbdən də Usta Abdulla xalq arasında, ədəbiyyatımızda anadan olduğu kəndin adı ilə Zodlu Abdulla kimi də tanınmışdır. Folklor toplayıcıları, ayrı-ayrı ədəbiyyat həvəskarları nəşr etdirdiyi toplularda bu sənətkarın şeirlərini həmin iki adla da təqdim edirlər. Bu səbəbdən də bəzən onu bu ad müxtəlifliyinə görə ayrı-ayrı şəxslər kimi təqdim etmişlər. Bu adlardan biri kimi anadan olduğu kəndi, Zod kəndini özündə ehtiva edirsə, digəri sənətkarın sənəti, peşəsi ilə bağlıdır. Usta Abdulla düşüncəsində usta sözü bir termin kimi peşəsindən gəlir. Xalq arasında o, sənəti ilə bağlanan bu adın daşıyıcısına çevrilmiş, şöhrətlənmişdir. Atası Rəhim də xarratlıqla məşğul olmuş, ailəni buradan qazandığı pulla dolandırmışdır.
Usta Abdulla mədrəsə təhsili almışdır. Bu təhsil onun yaradıcılığına, şeirlərində dini motivlərin güclənməsinə lazımi qədər təsir etmişdir.
Usta Abdullanın həyatı o qədər də rahat keçməmişdir. 1918-ci il hadisələrindən sonra o, da əziyyətlərlə dolu ömür yaşamaq məcburiyyətində qalmışdır. Azərbaycanın ayrı-ayrı ərazilərində yaşamışdır. 1939-cu ildə Gəncəyə köçmək məcburiyyətində qalmışdır.
Usta Abdulla 1918-ci il hadisəsindən sonra təkrar qeyd edək ki, Gəncəyə köçmüş, ömrünün axırına qədər də orada yaşamışdır.
1943-cü ildə Gəncədə vəfat etmişdir.
Qəbri də "İmamzadə" qəbiristanlığındadır. Öz vəsiyyətinə görə orada dəfn olunmuşdur.
Kitabları
- Usta Abdulla. Bakı, Gənclik, 1976.
İstinadlar
- Vahid, T. Sözün ustadı — Usta Abdulla: [aşıq ədəbiyyatında öz yeri olan Abdulla Zodlu haqqında] //Mədəniyyət. — 2012.- 21 sentyabr.- S. 15.
- (PDF) (az.). Elm və təhsil. 2018. 2018-06-01 tarixində (PDF). İstifadə tarixi: 2018-06-01.
- Azərbaycan Aşıqlar Birliyi. (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.
Mənbə
- Rəşid Mehdiyev. "Usta Abdulla". 1976.
- Azərbaycan aşıq ədəbiyyatı
- Tərlan Göyçəli. "Göyçə aşıq məktəbi". Bakı-1998. səh.66–69.
- Azərbaycan aşıq şeirindən seçmələr. II cilddə. II cild. Bakı, "Şərq-Qərb", 2005. səh.89–108.
Xarici keçidlər
- 2015-02-16 at the Wayback Machine