Təsdiqlənməmiş əfsanələrə görə məbəd 739 və ya 982-ci ildə tikilmişdir. Lakin XIV əsrdə aid bir əlyazmada məbədin əsas zalının 1047-ci ildə keşiş tərəfindən tikildiyi qeyd olunur və bu tarix məbədin tikilmə tarixi kimi qəbul olunur. 9 surətinə ev sahibliyi etməsi üçün əsas zal 1108-ci ildə yenidən tikilmişdir.

Məbədin adı yapon dilindən tərcümədə "təmiz lazurit məbədi" mənasını verir. Belə ki, əsas zal ilk öncə budda müqəddəsləşdirmək üçün nəzərdə tutulmuşdur və Yakuşinin torpağı lazuritlə əlaqələndirilmişdir.

Əsas zal hazırkı yerinə 1157-ci ildə köçürülmüşdür. Bu zal Heyan dövrünün məbəd memarlığının sağ qalmış yeganə nümunəsidir və "Doqquz Amida buddasının zalı" kimi tanınır. 19,8 metr uzunluğunda və 7,2 metr enindədir. Uzunsov forması Amidanın 9 təsvirinə ev sahibliyi etməyə imkan verir. Bu heykəllər mərkəzi doqquş aşırım boyunca düzülmüşdür. Əsas zalın tavanı yoxdur, daxili damın alt tərəfində yerləşən çatmalar görünür və öndən daxil olan işıq şüaları heykəllərin başları üzərinə düşür. Mərkəzi fiqur digərlərindən daha böyükdür və Coço üslubundadır.

Əsas zal Heyan dövrünün son illərinə aid olan heykəllərinə də ev sahibliyi edir.Sərv ağacından yonulmuş, rənglənmiş və qızıl folqa zolaqları ilə bəzədilmiş bu heykəllər Tan üslubundadır. Ən məşhuru 1212-ci ilə aid edilən Kiçicoten heykəli hesab olunur. Bu heykəl müxtəlif daş-qaşlarla bəzədilmişdir.

Gölməçənin sahilində yerləşən üçmərtəbəli paqoda məbədə 1178-ci ildə İçico Omiyadan köçürülmüşdür. Paqoda Yakuşinin surətinə ev sahibliyi edir və interyeri ezoterik motivlərlə rənglənmişdir.

• (ingiliscə). IV cild. Tokio: Kodansha. 1983. səh. 77. ISBN 0-87011-624-7. İstifadə tarixi: 29 iyun 2022.