Cavanşir Məmməd oğlu Novruzov (29 avqust 1959, Ağdam) — hücumçu mövqeyində çıxış etmiş SSRİ və Azərbaycan futbolçusu. Məşqçi. SSRİ idman ustası (1991), Azərbaycan Respublikasının Əməkdar məşqçisi (2021).
| Cavanşir Novruzov | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ümumi məlumatlar | ||||||||||||||||||||||||||||||||||||||||
| Tam adı | Cavanşir Məmməd oğlu Novruzov | |||||||||||||||||||||||||||||||||||||||
| Doğum tarixi | ||||||||||||||||||||||||||||||||||||||||
| Doğum yeri | Ağdam, Azərbaycan SSR, SSRİ | |||||||||||||||||||||||||||||||||||||||
| Vətəndaşlığı |
 SSRİ → Azərbaycan
|
|||||||||||||||||||||||||||||||||||||||
| Karyerası | ||||||||||||||||||||||||||||||||||||||||
|
||||||||||||||||||||||||||||||||||||||||
| Təltif və medalları | ||||||||||||||||||||||||||||||||||||||||
 
|
||||||||||||||||||||||||||||||||||||||||
|
||||||||||||||||||||||||||||||||||||||||
Klub karyerası
29 avqust 1959-cu ildə Ağdamda anadan olmuşdur. Uşaqlıqdan futbola marağı olub. 6-cı sinifdə oxuyanda məktəbin həyətində futbol oyunu zamanı Adil Nadirov onu görmüş və öz idman məktəbinə dəvət etmişdir.
1979-cu ildə Almaniyaya hərbi xidmətə yollanıb. Orada da futbol fəaliyyətini davam etdirib. Hərbi xidmətdən qayıtdıqdan sonra 3 ay Ağdamda futbol oynayıb. Buradakı çıxışı zamanı onu Mingəçevirin "Avtomobilçi" klubunun nümayəndələri bəyənərək komandalarına dəvət ediblər. 1981-1982-ci illərdə "Avtomobilçi"nin heyətində çıxış edib.
Bakıda "Neftçi" ilə yoldaşlıq oyunu zamanı "Neftçi"nin baş məşqçisi Kazbek Tuayev Novruzovun oyununu bəyənib və beləliklə, o, 1983-cü ildən "Neftçi"nin üzvü olub. Lakin komandanın əsas heyətində forma geyinmək şansı qazana bilməyib və yalnız klubun əvəzedici heyətində oyunlar keçirib.
1984 mövsümündə Stepanakertin "Qarabağ" komandasının heyətində 13 görüş keçirib. Növbəti mövsümü Gəncə "Dinamo"sunda forma geyinib. Gəncəlilərin heyətində 10 oyunda meydana çıxıb. 1986-cı ildə dəvətilə "Araz-Naxçıvan"a keçib. Burada 26 oyuna 12 qol vuraraq komandasının ən məhsuldar oyunçusu olub. 1987 mövsümündə Qazaxın "Göyəzən" komandasının heyətidə 23 oyun keçirib, 4 qol vurub.
1988-ci ildə Ağdamın "Qarabağ" komandasının heyətində Azərbaycan SSR çempionatının qalibi olur. İki il sonra komanda eyni uğuru təkrarlamağı bacarır, həmçinin Azərbaycan SSR kubokunu da əldə edir. 1993-1994 mövsümü istisna olmaqla, 1998-ci ilədək "Qarabağ"da çıxış edib.
Məşqçilik karyerası
1997-1998-ci illərdə "Qarabağ" klubunun baş məşqçisi olub. Ağdam təmsilçisi onun rəhbərliyi altında çempionatı dördüncü yerdə bitirib, ölkə Kubokunun finalında isə "Kəpəz"ə məğlub olub.
2007-2010-cu illər aralığında "Qəbələ" klubunun baş məşqçisi Ramiz Məmmədovun yanında köməkçi məşqçi kimi fəaliyyət göstərib.
2010-cu ildən 2019-cu ilə kimi seleksioner məşqçi kimi çalışıb.
Nailiyyətləri
Futbolçu kimi
Qarabağ
- Azərbaycan SSR çempionu: 1988, 1990
- Azərbaycan SSR Kubokunun qalibi: 1990
- Azərbaycan çempionatının gümüş mükafatçısı: 1996/1997
- Azərbaycan Kuboku finalçısı: 1995/1996, 1997/1998
Məşqçi kimi
Qarabağ
- Azərbaycan Kuboku finalçısı: 1997/1998
Dövlət mükafatları
- SSRİ idman ustası: 1991
- Azərbaycan Respublikasının Əməkdar məşqçisi: 2021
İstinadlar
- ↑ . Gabalafc.az. 2009-05-09 tarixində . İstifadə tarixi: 2024-02-14.
- ↑ . Adalet.az. 2024-02-15 tarixində . İstifadə tarixi: 2024-02-15.
- ↑ . Footballfacts.ru. 2024-02-15 tarixində . İstifadə tarixi: 2024-02-15.
- Footballfacts.ru. 2024-02-15 tarixində . İstifadə tarixi: 2024-02-15.
- . Football-plus.az. 2024-02-15 tarixində . İstifadə tarixi: 2024-02-15.
- . RSSSF. 26 September 2022 tarixində . İstifadə tarixi: 2 February 2023.
- . RSSSF. 12 November 2022 tarixində . İstifadə tarixi: 12 November 2022.
- ↑ . pfl.az. 2022-12-18 tarixində . İstifadə tarixi: 2022-12-18.