Cəmilli qətliamı və ya Cəmilli faciəsi — 15 dekabr 1991-ci ildə Azərbaycanda, Xocalı rayonunun Cəmilli kəndində erməni hərbi birləşmələri və Müstəqil Dövlətlər Birliyinin Birləşmiş Silahlı Qüvvələrinə tabe 366-cı motoatıcı alay tərəfindən törədilmiş qətliam. Hadisə zamanı 9 nəfər mülki şəxs öldürülmüşdür.
| Cəmilli qətliamı | |
|---|---|
| Əsas münaqişə: Birinci Qarabağ müharibəsi | |
 Cəmilli kəndi 2011-ci ildə. | |
| Ümumi məlumatlar | |
| 39°50′22″ şm. e. 46°43′18″ ş. u. | |
| Yeri | Cəmilli, Xocalı rayonu, Azərbaycan |
| Tarix | 15 dekabr 1991 |
| Hücum metodu | işğal, , , |
| Silah(lar) | odlu silah |
| Ölü sayı |
|
| Qatil sayı | naməlum |
| Törədən(lər) |
Erməni hərbi birləşmələri 366-cı motoatıcı alay |
Qətliam
13 dekabr 1991-ci ildə erməni hərbi birləşmələri və Müstəqil Dövlətlər Birliyinin Birləşmiş Silahlı Qüvvələrinə tabe 366-cı motoatıcı alay Azərbaycanın Xocalı rayonunun Cəmilli kəndin mühasirəyə almışdı. 14–15 dekabr tarixlərində kəndə hücum etmişdilər. İlk növbədə kənd artilleriya atəşinə tutulmuşdur. Cəmillini yerli özünümüdafiə dəstəsi və Ağcabədi rayonundan olan polis dəstəsi müdafiə edirdi. Bir neçə saat davam edən kütləvi atəşdən sonra onlar kəndə nəzarəti ələ keçirmişdir. Kəndə soxulan silahlılar əvvəlcə 14 evi yandırmış, sonra qarət etməyə başlamışdılar. Bu zaman 9 nəfər azərbaycanlı mülki şəxs öldürülmüşdür. Qətliamın şahidi Tehran İbadovun sözlərinə görə, ermənilər meyitləri qarət edir və məsxərəyə salırdılar. Qətliamın qurbanlarının siyahısı:
- Xıdır Cabbarov
- Vaqif Cavadov
- Əhməd Cavadov
- Fikrət Mehdiyev
- Vaqif Sadıqov
- Natiq Salahov
- Şakir Salahov
- Məmməd Zeynalov
- Bəhram İsmayılov
Qətliam zamanı Cəmilli kəndi tamamilə yandırılmışdır. Cəmillinin əhalisinin qalan hissəsi məcburi köçkün olmuşdur. "" hüquq-müdafiə təşkilatı Birinci Qarabağ müharibəsi zamanı Cəmillinin azərbaycanlı sakinlərinin, eləcə də ərazidəki bir neçə kəndin əhalisinin məcburi köçürülməsi barədə məlumat yaymışdır.Xocalı soyqırımının şahidlərindən olan Qənahət Hacıyev bildirmişdir ki, Cəmilli sakinləri kənddən "çıxmaq istəmirdi" çünki onlar ermənilərin "bu qədər insanı öldürə biləcəyi"nə inanmırdılar, hökumət qüvvələrinin kömək edəcəyinə inanırdılar.
Azərbaycan jurnalisti Qulu Məhərrəmli Cəmilli faciəsini digər qətliamlar ilə birlikdə Azərbaycanın "iyirminci əsr tarixinin faciəli bir səhifəsi" adlandırmışdır.
İstinadlar
- ↑ . Teleqraf.com. 26 fev 2022. 2023-07-31 tarixində . İstifadə tarixi: 2023-07-31. (); (); ()
- ↑ Tapdıqoğlu, Nazim. Azərbaycan faciələrinin təqvimi: hər bir azərbaycanlı üçün yaddaş kitabı. MBM (az.). 2010. səh. 293. ISBN 978-9952-29-033-2.
- ↑ . Day.Az. 20 dek 2011. 2023-07-31 tarixində . İstifadə tarixi: 2023-07-31. (); (); ()
- . Xocalının səsi (az.). 24 fevral 2021. 26 iyul 2021 tarixində arxivləşdirilib. İstifadə tarixi: 2023-07-31. (); (); ()
- . 2023-07-31 tarixində . İstifadə tarixi: 2023-07-31. (); (); ()
- . www.anl.az. 2023-07-31 tarixində . İstifadə tarixi: 2023-07-31. (); (); ()
- . memo.ru (rus). . 2010-07-31 tarixində . (); ()
- . moderator.az. 2023-07-31 tarixində . İstifadə tarixi: 2023-07-31. (); (); ()
Xarici keçidlər
- . 2013-12-24 tarixində . İstifadə tarixi: 2023-07-31.