Həşimova Aynurə Abdulla qızı 29 iyul 1979-cu ildə Bakı şəhərində anadan olub. 1993–1997-ci illərdə Əzim Əzimzadə adına Rəssamlıq Texnikumunu bitirib. 1998–2002-ci illərdə Azərbaycan Dövlət Rəssamlıq Akademiyasının bakalavr pilləsini bitirib. 2002–2005-ci illərdə həmin Akademiyada magistr təhsili alıbdır. 2006-cı ildə Azərbaycan Milli Elmlər Akademiyasının Memarlıq və İncəsənət İnstitutunun dissertantı olaraq "Dizayn tərkibli təsviri incəsənət məşğələlərində uşaqların təfəkkürünün və qabiliyyətlərinin inkişafı imkanları" mövzusunda dissertasiya müdafiə edərək sənətşünaslıq üzrə fəlsəfə doktoru alimlik dərəcəsi almışdır. 2001-ci ildən Azərbaycan Rəssamlar İttifaqının üzvüdür. Fərdi sərgiləri keçirilib, dövlət tədbirlərinin yüksək səviyyədə təşkilinə görə dəfələrlə fəxri fərmanlarla , diplomlarla , təşəkkürnamələrlə təltif edilibdir. 2007-ci ilədə Bakı Şəhər Təhsil İdarəsinin fəxrə fərmanı ilə təltif edilib. 2006-cı il 10 may Azərbaycan Respublikası Bakı Şəhər İcra Hakimiyyətinin təşəkkürnaməsi ilə təltif edilib. 2012-ci ildə Türkmənistan səfirliyinin Türk xalqları birliyi naminə keçirdiyi tədbirin təşkilatçılığına görə Mədəniyyət naziri Əbülfəs Qarayev və Türkmənistan səfiri Toylu bəy tərəfindən Fəxri fərmanla təltif edilibdir. Rusiya səfirliyi tərəfindən yüksək təşkil edilən tədbirlərə görə təşəkkürnamələr və fəxri fərmanlarla müxtəlif illərdə mütəmadi olaraq diplomlar vı təşəkkürnamələrlə mükafatlandırılıb. 2003-cü ildə Rəssamlar İttifaqı tərəfindən peşəkar pedaqoq adına layiq görülərək mükafatlandırılıb. 2001–2009-cu illərdə Gənclər və İdman Nazirliyi tərəfindən dəfələrlə diplomlar və fəxri fərmanlarla təltif edilib. 2003–2004-cü illərdə Müasir Təhsil Kompleksində təsviri sənət müəllimi işləyib. 1997-ci ildən bu günə kimi pedaqoji müəllim stajı və 1999-cu ildən Təsviri Sənət Qalereyasının müdiri vəzifəsində işləyir. Qalereyada təşkil edilən rəsm dərnəyində dərslər deyir. Hazırladığı tələbələr Respublika, Bakı şəhər miqyaslı təsviri və tətbiqi sənət müsabiqələrinin dəfələrlə birinci və ikinci dərəcəli qalibləri olublar. Bununla yanaşı xarıci ölkələrdə təşkil olunan Beynəlxalq miqyaslı müsabiqələrin dəfələrlə qızıl, gümüş medallarına, diplomlarına fəxri fərmanlarına layiq görülərək mükafatlarla təltif edilib.

Abdulla Həşimovun qızıdır.

• ^{[ölü keçid]}
• 2011-12-21 at the Wayback Machine
• 2016-03-05 at the Wayback Machine