Asparəsti oyk, mür. Quba r-nunun Zərqava i.ə.v.-də kənd. Vəlvələçayın sahilindədir. Əslində Asparastə olmalıdır. Yerli əhalinin verdiyi məlumata görə, oykonim tat dilindəki əs (at) və parusta (düşmə) sözlərindən düzəlib, "atın dağdan üzü aşağı düşə bildiyi cığır" mənasındadır. Tədqiqatçılara görə isə aspa (türk dillərində "sürgün", "dağ aşırımı, dağ yolu"; "ağcaqovaq") və rəstə (İran dillərində "yaşayış yeri, kənd") komponentlərindən ibarət olan bu coğrafi ad "dağ aşırımında kənd, dağ yolunda kənd" deməkdir.

• 2009-cu ilin siyahıyaalınmasına əsasən kəndə 326 nəfər əhali yaşayır. Kəndin əhalisini tatlar təşkil edir.

• Quba rayonu