Arif Hüseynqulu oğlu Məmmədov (2 noyabr 1929, Şahtaxtı, Naxçıvan MSSR – 9 dekabr 1989, Bakı) — Azərbaycan dövlət xadimi, Azərbaycan SSR ət və süd sənayesi naziri (1971–1985), Azərbaycan SSR Ali Sovetinin IX, X və XI çağırış deputatı (1975–1989), Azərbaycan SSR əməkdar mühəndisi (1981).
| Arif Məmmədov | |
|---|---|
.png) | |
 .svg){kind=small} | |
| 30 dekabr 1985 – 1987 | |
| Sədr | Musa Məmmədov |
| 2 iyul 1971 – 12 dekabr 1985 | |
| Əvvəlki | Səttar Zülfüqarov |
| Sonrakı | vəzifə ləğv edilib |
.svg){kind=small} | |
| 1965 – 1968 | |
| Nazir | Səttar Zülfüqarov |
| Şəxsi məlumatlar | |
| Doğum tarixi | 2 noyabr 1929 |
| Doğum yeri | |
| Vəfat tarixi | 9 dekabr 1989 (60 yaşında) |
| Vəfat yeri | |
| Partiya |
|
| Fəaliyyəti | dövlət xadimi, baytar |
|
|
|
| Təltifləri |
  
|
Fəaliyyəti
Arif Hüseynqulu oğlu Məmmədov 2 noyabr 1929-cu ildə hazırkı Naxçıvan Muxtar Respublikasının Kəngərli rayonunun Şahtaxtı kəndində anadan olmuşdur. Əmək fəaliyyətinə 1943-cü ildə kolxozda baytar-feldşer kimi başlamışdır. 1949-cu ildə Naxçıvan Kənd Təsərrüfatı Texnikumunu, 1954-cü ildə isə Moskva Ət-Süd Sənayesi İnstitutunu bitirmişdir.
Arif Məmmədov 1961–1962-ci illərdə Naxçıvan Vilayət Ət Tədarükü İdarəsinin rəisi, 1962–1963-cü illərdə Naxçıvan vilayət ət kombinatının direktoru olmuşdur. 1963–1965-ci illərdə Ət-Süd Sənayesi İdarəsi rəisinin müavini, 1965–1968-ci illərdə Azərbaycan SSR ət və süd sənayesi nazirinin müavini, 1968–1971-ci illərdə isə Bakı ət kombinatının direktoru vəzifələrində işləmişdir. 1971-ci ildən Azərbaycan SSR ət və süd sənayesi naziri olmuş, 1985-ci ildə nazirlik Azərbaycan SSR Dövlət Aqrar-Sənaye Komitəsinə birləşdirildikdən sonra bu komitədə sədr müavini vəzifəsində çalışmışdır.
Arif Məmmədov 1957-ci ildən Sovet İttifaqı Kommunist Partiyasının üzvü olmuşdur. Azərbaycan SSR Ali Sovetinin IX, X və XI çağırış deputatı seçilmişdir. 1976–1981-ci illərdə Azərbaycan Kommunist Partiyası Təftiş Komissiyasının, 1981-ci ildən isə Azərbaycan KP Mərkəzi Komitəsinin üzvlüyünə namizəd olmuşdur.
"Qırmızı əmək bayrağı" (iki dəfə), "Xalqlar dostluğu" ordenləri və Azərbaycan SSR Ali Sovetinin fəxri fərmanı ilə təltif edilmiş, 1981-ci ildə "Azərbaycan SSR əməkdar mühəndisi" fəxri adına layiq görülmüşdür.İttifaq əhəmiyyətli fərdi təqaüdçü olmuşdur.
Arif Məmmədov 9 dekabr 1989-cu ildə avtomobil qəzası nəticəsində həlak olmuşdur.
İstinadlar
- ↑ // "Şahtaxtı" Xeyriyyə Cəmiyyəti. 2022-01-18 tarixində . İstifadə tarixi: 12 aprel 2024.
- ↑ А. Һ. Мәммәдов // Коммунист. № 284 (21052). 12 декабр 1989-ҹу ил. С. 4.
- Мәммәдов Ариф Һүсејнгулу оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 251.
- Mamedov, Arif Gusein Kuli ogly // (ingilis). München; New York; London; Paris: Saur. 1984. səh. . ISBN 3-598-10467-7.