Apuole Baltika xalqlarından olan kurşeylərin əhəmiyyətli şəhərlərindən biri olmuşdur. Qədim qalanın yerində hal-hazırda kurqan yerləşir. Arxeoloqlar bizim eramızın 1-ci əsrində tikilmiş taxta qalanı hələ də tarixi abidə kimi qoruyurlar. Arxeoloji tədqiqatlara əsasən, qalanın yaxınlığında böyük qəsəbə mövcud olmuşdur. Bu tikili kəndin inkişafının erkən mərhələsinə aid təsəvvürlər yaradır.

Rimbert öz "Müqəddəs Ansqarın həyatı" kitabında kurşeylər və vikinqlər arasında baş vermiş erkən münaqişələrdən söhbət açmışdır. 854-cü ildə kurşeylər İsveçə vergi ödəməkdən imtina etdilər və üsyana qalxdılar. Üsyançılar əvvəlcə Danimarkada yerləşən qalaya hücum etdilər. Danimarka hökuməti kəndi vergi ödəməyə məcbur etmək istəyirdilər. Yerli sakinlər qənimətlə birlikdə qalanı tutdular və qələbə qazandılar. Məğlub olduqlarını öyrəndikdən sonra İsveç kralı I Ulof Yer kürəsinə yayılmış kurşeylərin üzərinə böyük yürüş təşkil etdi. Apuoleyə hücumdan əvvəl isveçlilər Qrobinyunu işğal etdilər və yandırdılar. Rimbertin məlumatlarına əsasən, Apuolenin 15 min sakini səkkiz gün ərzində mübarizə apardılar. Amma sonra təslim olmağa qərar verdilər: qalada mübarizə aparan hər bir kurşeyli vergini gümüşlə ödəməyə məcbur oldular. Gələcəkdə vergi ödəyəcəklərinə zəmanət vermək üçün 30 girov verdilər.

Apuole adı yenidən 1253-cü ildə Riqa yepiskopu ilə Livoniya Ordeni arasında imzalanan müqavilədə yenidən xatırlanır. Həmin sənəddə Apuole insan yaşamayan yer kimi təsvir olunmuşdur. Ehtimal olunur ki, qala dağıdılmış və sakinlər daha təhlükəsiz yerlərə köçürülmüşdür. Kəndin adı yenidən XVII əsrdə xatırlanır. XIX əsrin sonuna yaxın burada yerləşən kurqan tarixçilərin və arxeoloqların diqqətini cəlb etməyə başladı. Birinci qazıntılar 1928-1932-ci illər aralığında Eduard Volter və Birger Nerman tərəfindən həyata keçirilmişdir.