"Angel Beats!"-də hadisələr ^[ing.] rolunda çıxış edən məktəbdə baş verir. Bu məktəbə düşən şagirdlər əvvəlki həyatlarında arzularına və məqsədlərinə çata bilməyən şagirdlərdir və burada onlara arzularına çatmağı öyrədirlər. Arzusuna çatanlar bu dünyadan yox olur və real həyatda yenidən doğulurlar. Bu dünyada kimsə yaralandıqda ağrı hiss edə bilər, lakin ölə bilməz. Hadisələrin əsas diqqət mərkəzində öldükdən sonra yaddaşını itirən Otonaşi adlı oğlandır. bu dünyaya gələr-gəlməz adlı qızla rastlaşır. Yuri onu Axirət Dünyası Cəbhəsi (死んだ世界戦線, Shinda Sekai Sensen^?, (SSS)) adlı təşkilata qoşulmağa dəvət edir. Bu təşkilatın üzvləri həyatda yaşadıqları çətinliklərin səbəbkarı kimi tanrını günahlandıranlardır və təşkilatın əsas məqsədi tanrıya qarşı döyüşməkdir. Yuri isə bu təşkilatın başçısıdır. Dörd qızdan ibarət Dead Girl Monster musiqi qrupu SSS-in əməliyyatları zamanı diqqət yayındırmaq rolunu oynayır, Gildiya isə SSS-i silahlarla təmin edir. SSS-in yeganə düşməni təşkilata qarşı döyüşmək üçün fövqəltəbii güclərdən istifadə edən . Mələk öz güclərini "Angel Player" adlı kompüter proqramının köməyi ilə yaradır. SSS-ə üzv olmayanlar, yəni məktəbin qalan şagirdləri və müəllimləri "normal" hesab olunurlar və Yuri onları "NPC-lər" (ing. Non-player character; azərb. Oynanıla bilməyən personaj‎) adlandırır.

Arzusuna çatıb yox olan ilk SSS üzvü Dead Girl Monster musiqi qrupunun vokalisti olur. Əsl adı olan Mələk məktəb şurası prezidenti statusunu itirir və onu əvəz edir. Naoy hipnoz qabiliyyətindən istifadə edərək NPC-ləri SSS-ə qarşı döyüşməyə məcbur edir, amma Otonaşi Naoyu dayandıra bilir və Naoy sonda SSS-ə qatılır. Naoyun hipnoz qabiliyyətinin köməyi ilə Otonaşi ölümündən əvvəlki yaşadıqlarını xatırlayır, amma təşkilatda qalmaq qərarına gəlir. Otonaşi Kanade ilə dostlaşır və onu SSS-in fəaliyyətində iştirak etməyə dəvət edir. O, əvvəlki həyatında yaşadıqlarını tamamilə xatırladıqdan sonra Kanade ilə əməkdaşlıq edərək digər SSS üzvlərinə arzularına çatmağa kömək etməyə başlayır. Kanade planları üzrə məktəb şurası prezidenti vəzifəsinə qayıdır. Dead Girl Monster qrupunda İvasavanın yerini dolduran arzusuna çatıb bu dünyadan gedən ikinci şəxs olur.

Sirli kölgə bədheybətləri SSS-ə hücum etməyə başlayanda bədheybətlərin biri tərəfindən "yeyilir" və NPC-yə çevrilir. Otonaşi digər SSS üzvləri ilə bu hadisə haqqında müzakirə aparır. Sonda SSS üzvləri, eləcə də, Dead Girl Monster qrupunun üzvləri və Gildiyanın lideri Çaa NPC-yə çevrilmək əvəzinə bu dünyadan yox olmaq qərarına gəlirlər. Yuri kölgə bədheybətlərin səbəbkarı olan, bu dünyada sevgi qeydə alınanda dünyanın əsl cənnətə çevrilməsinin qarşısını almaq və bu dünyanı limb vəziyyətində saxlamaq üçün aktivləşən kompüterləri tapıb məhv edir. Bu dünyanı hələ tərk etməyən son şəxslər — , , , və özləri üçün məzuniyyət tədbiri təşkil edirlər və bir-birilərinə təşəkkürlərini bildirirlər. Naoy, Yuri və Hinata da dünyanı tərk edirlər. Ən sonda Otonaşi Kanadedən öyrənir ki, o öldükdən sonra ürəyi Kanadeyə verilibmiş və Kanadenin ən böyük peşmançılığı buna görə Otonaşiyə təşəkkür edə bilməmək imiş. Kanade ona təşəkkür etdikdən və bu dünyanı tərk etdikdən sonra Otonaşinin qəlbi sınır. Epiloqda Otonaşi və Kanadeni xatırladan iki nəfərin real həyatda küçədə bir-biriləri ilə rastlaşdıqları göstərilir. Alternativ bir epiloqda isə Otonaşi axirət dünyasını tərk etməyib bura gələn insanlara bu dünyanı tərk etməyə kömək edir.

Yuzuru Otonaşi (音無 結弦, Otonashi Yuzuru^?)

Səsləndirən:

Otonaşi anime serialının baş qəhrəmanıdır. Keçmişində baş verən hadisələrə görə Otonaşi ətrafındakılara böyük dəyər verir, heç kimin acı çəkməsi istəmir. Otonaşi öldükdən sonra yaddaşını itirir, lakin axirət dünyasında yaddaşını geri qazanır. Otonaşinin Hatsune (初音^?, Səsləndirən: ) adlı bacısı var idi. Bacısı xərçəngdən ölmüşdür, lakin Otonaşi onun qayğısına çox qalırdı. Bacısı öldükdən sonra Otonaşi həkim olmağa qərar vermiş, kollecə daxil olmaq üçün imtahan verməyə gedərkən bir qatar qəzasında ölmüşdür. Başlanğıcda Otonaşi heç bir silahdan istifadə edə bilmir, lakin daha sonra yavaş-yavaş atıcılıq sənətinə yiyələnir. Əsasən Glock 17-dən istifadə edir.

Yuri Nakamura (仲村 ゆり, Nakamura Yuri^?)

Səsləndirən:

Yuri və ya Yurippe (ゆりっぺ^?) əzmkar şəxsiyyətə malikdir, lakin əslində ürəyi nazik və himayedici qızdır. O, Otonaşini başçılıq etdiyi və tanrıya qarşı döyüşmək üçün nəzərdə tutulmuş SSS təşkilatına cəlb edir. Əməliyyatlar keçirərkən və qərarlar verərkən ağıllı və inandırıcı görüntü verir. Əsasən gümüş Beretta 92 daşıyır. Sadəcə isti silahlarla yaxşı davranmır, yaxın döyüşdə də ustadır. Bunu bir dəfə Mələklə döyüş bıçağı ilə döyüşərkən Mələyin "əl soniki" hücumunun qarşısını alarkən nümayiş etdirir. Real həyatda evinə soxulub qiymətli şeylər axtaran oğrular tərəfindən 3 bacı-qardaşı öldürülükdən sonra axirət dünyasında tanrıya qarşı döyüşəcəyinə and içmişdir. Yuri bacı-qardaşlarının ölümlərinin qarşısını ala bilmədiyinə görə heç vaxt özünü bağışlamır. Yuri effektiv liderdir, amma özü belə düşünmür. Hekayənin gedişatında Kanade ilə döyüşdüyünə peşman olur, çünki onunla dost ola biləcəyini düşünür. Məzuniyyətdən sonra axirət dünyasını tərk edir.

Mələk (天使, Tenshi^?) / Kanade Taçibana (立華 かなで, Tachibana Kanade^?)

Səsləndirən:

Mələk axirət dünyasında məktəb şurasının prezidentidir. SSS tez-tez Mələklə döyüşür, çünki Mələk SSS təşkilatının qanun pozuntularını və digər dizruptiv fəaliyyətlərinin qarşısını almağa çalışır. SSS onun adını bilmədiyindən onu "Mələk" deyə çağırır, lakin adının Kanade Taçibana olduğu məlum olduqdan sonra belə ona "Mələk" deyə xitab edirlər. Onun nə düşündüyünü başa düşmək çətindir, çünki qeyri-emosionaldır və açıq danışır. Kanade şəxsən bura gələn şagirdlərin arzularına çatmasına kömək etməyə çalışır. Lakin SSS-ə nə etməyə çalışdığını başa salmaq haqqında heç fikirləşmir. Ədviyyatlı xörək növü olan Mapo tofu yeməyi sevir.

Kanade xoşxasiyyət və şirin görünsə də, inanılmaz dərəcədə güclüdür, o qədər möhkəmdir ki, hətta döyüş zamanı yaralarından gülləri çıxar bilir."Angel Player" adlı kompüter proqramının köməyi ilə özü üçün "qoruma bacarıqları" adlı xüsusi güclər yaradır. Əsas qabiliyyəti "əl soniki" — 5 formada olan, bir və ya iki əlində çıxan bıçaqdır. Bundan başqa güclərə də malikdir: "əymə" — güllərin və mərmilərin qarşısını alan bariyer,"ləngitmə" — başı qarışmış rəqiblər üçün qalıq təsvir yaratma və "harmoniklər" — şüura malik klon. Kanade bu gücləri öz iradəsi ilə aktivləşdirir, amma ona xüsusi fiziki güc verən "yormaq" bacarığı həmişə aktivdir.

Hideki Hinata (日向 秀樹, Hinata Hideki^?)

Səsləndirən:

Hideki "Angel Beats! Heaven's Door" manqasının əsas personajıdır. Hideki parlaq zəkalı, sədaqətli oğlandır, Otonaşinin axirət dünyasında ən yaxın olduğu şəxsdir. Komanda yoldaşlarına həmişə kömək etməyə çalışır, komandanın sadiq üzvüdür. O və Yui hər gün bir-biriləri ilə "didişirlər", amma əslində Hideki Yuini çox sevir. Yui axirət dünyasını tərk edəndə Hideki real həyatda onunla söz verir. Hideki yaxşı beyzbol oynaya bilir, amma real həyatda ən böyük peşmançılığı komandası üçün çox əhəmiyyətli oyunda beyzbol topunu tuta bilməməsi olub. SSS qurulanda Yuriyə Yurippe ləqəbini o verib, çünki anasının adı da Yuri olduğundan Yuri adından istifadə etmək xoşuna gəlməyib. "Heaven's Door" manqasında Yuriyə qarşı sevgi hislərini nümayiş etdirir. Real həyatda ölüm səbəbi bir avtomobilin onu vurması olub. Əsasən RPK-74 və S&W 645 istifadə edir.

Ayato Naoy (直井 文人, Naoi Ayato^?)

Səsləndirən:

SSS ilk öncə Naoyun NPC olduğunu düşünürdü. Öldükdən sonra Naoy hipnoz qabiliyyətini inkişaf etdirmiş və digərlərini kontrol etmək bacarığına malik olmuşdur. Real həyatda Naoyun atası məşhur dulusçu idi. Lakin onun əkiz qardaşı dulusçuluqda daha bacarıqlı olduğundan Naoy heç kimə lazım olmamışdır. Əkiz qardaşı öldükdən sonra onun yerinə keçmiş və atası ona ciddi dulusçuluq dərsləri verməyə başlamışdır. Buna görə də Naoy həyatının saxta olduğu qənaətinə gəlmişdir. Otonaşi ilə dostlaşdıqdan sonra Otonaşi onun həyatının saxta olmadığını deyir və Naoy SSS-ə qatılır. Naoy məktəb şurasının prezidentidir, özünü tanrı adlandırır, ciddi və özünübəyənəndir. Lakin Otonaşiyə qarşı mehribandır və həmişə onun rəğbətini qazanmağa çalışır. İstifadə etdiyi sialh dual USP 45-dir.

Takamatsu (高松^?)

Səsləndirən:

Takamatsu məktəbin ədəbli fəxri şagirdidir və eynək taxır. Daha çox komandanı informasiya ilə təmin etməklə məşğuldur, aktiv döyüşlərə girməkdən çəkinir. Yurinin sözlərinə görə eynəklərinə aldanmaq olmaz, əslində o, axmaqdır. Əməliyyatların birində Takamatsunun çox məşq etdiyi və yaxşı bədən yığdığı məlum olur. Bundan sonra çox vaxt köynəksiz gəzməyə başlayır, bu isə ətrafındakıların narahatçılığına səbəb olur. Takamatsu kölgə bədheybətlərin biri tərəfindən "yeyilir" və NPC-yə çevrilir. Buna baxmayaraq daxilindəki güclü hislərə görə (Yurinin fikrincə) özünə qayıdır və komandasına qatılır. Əsas silahı Desert Eagle-dir, lakin Sig 552 də daşıyır.

Noda (野田^?)

Səsləndirən: Şun Takaqi

Noda özünə arxayın gənc oğlandır, SSS-in əməliyyatlarında aktiv iştirak edir, əlində həmişə alebarda gəzdirir. Noda Yuriyə qulaq asdığı qədər heç kimə qulaq asmır. O, Yuriyə məftundur və hər kəslə qərəzi var. Otonaşi ilə onun arasında birtərəfli rəqabət var. Noda tamamilə axmaqdır, ən zəif yeri təhsildir. Hətta bir səhnədə Takeyama ona pi ədədini əzbər deməklə onun başının ağrısına səbəb olmuşdu. Yurinin yolunda dayanan şəxsləri öldürmək və döyməkdən çəkinmir. Çox vaxt alebardadan istifadə etsə də, bəzən isti silahdan istifadə etməyə məcbur olur. Halbuki Noda isti silahlardan istifadə etməyi sevmir.

Eri Şiina (椎名 枝里, Shiina Eri^?)

Səsləndirən: Fuuko Sayto

Şiina kodaçi və şurikenlərdən istifadə edən qız nincadır. Təhlükəni hiss etmək qabiliyyətinə malikdir və çox yaxşı döyüşçüdür. Çox ciddi görkəmə malik olsa da, ən zəif yeri müqəvva heyvanlar kimi şirin əşyalardır. Məşqləridə ciddidir, döyüşərkən uğursuzluğa uğrayanda (xüsusilə yeni gələn Otonaşinin ondan üstün olduğunu görəndə) özünü sərt tənqid edir. Onun fikrincə diqqətinin zəif olması əsas zəifliyidir. Buna görə də süpürgə kimi əşyaları saatlarla barmağının ucunda tarazlıqda saxlayaraq məşq edir. Çox az danışır, əsas işlətdiyi sözlər "necə də dayaz düşüncəli" və "necə də axmaq"dır. Şiina bu dünyaya gələndə adı olmadığından Yuri onun "C7" ("Şi-nana") çağırış işarəsindən istifadə edərək onu Şiina adlandırıb.

Yusa (遊佐^?)

Səsləndirən:

Yusa SSS-in operatorudur, Yuriyə döyüş haqqında məlumatlar verir. Səmimi şəxsiyyətə malik olub çok sakit və ibarəlidir. Mələk kimi Yusa da qeyri-emosionaldır, Otonaşi və Hinata bunu qorxunc adlandırırlar. Qulaqcıqları olmadan gəzmir. Çox az danışır, bəzən istəmədən başqalarının hislərinə toxunur.

Fucimaki (藤巻^?)

Səsləndirən:

Fucimaka uzun şirasaya ilə döyüşən kobud oğlandır və şəxsiyyətcə Nodaya oxşayır. Fucimaki Otonaşi SSS-ə qoşulanda ilk vaxtlarda ona sataşırdı. Üzə bilmir. Əsas silahı PPŞ-41-dir.

TK

Səsləndirən: Maykl Rivas

TK gözlərinin üzərindən böyük bandanna geyən müəmmalı personajdır. Tez-tez breyk-dans oynayır. Heç kim onun keçmişini və ya əsl adını bilmir. Vəziyyətdən asılı olaraq ingilis dilində ifadələr işlədir, lakin ingilis dilini səlis bilmədiyi görünür. Bir az yaponca bilir, amma çox az bu dildə danışır. Komandanı dəfələrlə xilas edir. Əməliyyatlar zamanı daşıdığı silahlar bunlardır: Browning Hi-Power, LAR Grizzly, PP-19 Bizon.

Matsuşita (松下^?)

Səsləndirən: Eyiçiro Tokumoto

Matsuşita (bəzən Matsuşita 5-dan) böyük bədən quruluşuna malik cüdoçudur. Heç vaxt malik olduğu borcları unutmur, xüsusilə məsələ yemək (niku udon) olanda. Döyüş zamanı pulemyot kimi ağır silahlar daşıyır. Dağlarda məşq etdikdən sonra arıqlayır. H&K P7 və MG3 istifadə edir.

Oyama (大山^?)

Səsləndirən:

Oyama xüsusi bacarığı olmayan adi oğlandır. Oyama heç bir işdə bacarıqlı və ya önə çıxan deyil. Sadəlövh oğlandır, hətta yalandan sevgi etirafları etmək və ya komanda yoldaşlarının "öldüklərini" görmək onun hislərini incidə bilər. Remington 700 snayperindən və P226 tapancasından istifadə edir.

Takeyama (竹山^?)

Səsləndirən:

Takeyama SSS-in dahi üzvüdür, yaxşı hakerdir. Yurinin gələcək əməliyyatlar haqqında izah verməsi üçün "Briefing Manager" adlı proqram yazmışdır. Takeyamam daim ona "Krist" adı ilə xitab edilməsində təkid edir, lakin heç kim onu bu adla çağırmır. Əməliyyat planlarını hazırlayarkən mükəmməl olmağa çalışır. Döyüşlərdə və ya fiziki əməliyyatlarda iştirak etmir, məlumat və verilənlər işi ilə məşğul olur.

Çaa (チャー^?)

Səsləndirən:

Çaa Gildiyanın lideridir. Çox yaşlı görünməsinə baxmayaraq Otonaşi ilə eyni yaşdadır. SSS-ə qatılan dördüncü şəxsdir, o vaxt hələ bığ-saqqalı çıxmamışdı. Otonaşi ilə Çaanın ilk görüşü SSS-in silah əldə etmək məqsədi ilə Gildiyaya endiyi vaxt baş tutmuşdur.

Masami İvasava (岩沢 まさみ, Iwasawa Masami^?)

Səsləndirən: , (müğənni)

İvasava Girls Dead Monster musiqi qrupunun ilk lideridir. Həm vokalist, həm də gitaraçıdır. Bundan əlavə qrup üçün mahnı sözləri yazır və mahnılar bəstələyir. Çaldığı gitaranın modeli Sienna Sunburst/Maple Fender Stratocaster-dir. Sakit qız olsa da, fikirlərini ifadə etdiyi mahnıları ilə dinləyicilərini heyran edə bilir. Real həyatda musiqiçi olmasının səbəbi tez-tez dava edən valideynlərinin əlindən qaçmaq olmuşdur. İvasava məşhur musiqiçi olmaq istəmiş, lakin ata ilə anası arasındakı bir davada aldığı kəllə-beyin travmasından ölmüşdür. Bəstələdiyi "My Song" mahnısını ifa edərək axirət dünyasından yoxa çıxır. O qəbul edir ki, səsini digərlərini təsirləndirmək üçün istifadə edəcək.

Yui (ユイ^?)

Səsləndirən: , LiSA (müğənni)

Yui Girls Dead Monster qrupunun böyük fanatıdır və ilk başda qrupun sadəcə köməkçisi idi. Çox hiperaktiv və sürətli danışan qızdır. Hinataya görə Yui zəhlətökəndir, buna görə tez-tez bir-biriləri ilə "didişirlər". Lakin əslində Hinata və Yui bir-birilərini çox sevirlər, hətta Yui yoxa çıxmazdan qabaq Hinata onunla deyir. Yui şeytan quyruğu və biləklərinə zəncir qolbaqlar taxır, bu, ona şeytan və ya imp görünüşü verir. Həmçinin kürəyində saçlarının altında gizlənmiş qanadlar da var. İvasava axirət dünyasından getdikdən sonra Yui musiqi qrupunun yeni vokalisti, gitaraçısı, eləcə də, lideri olur.Gibson SG Special model elektrik gitara çalır. Yui daha sonra SSS-in əsas üzvü və əməliyyatların daimi iştirakçısı olur, lakin çox töhfə verə bilmir. Real həyatda onu maşın vurmuş və iflic qalmışdır. Buna görə də real həyatda ən böyük peşmançılığı bədəni ilə heç nə edə bilməməsidir. Otonaşi Yuinin sağ ikən televizorda görüb etmək arzuladığı şeyləri etməkdə kömək edir və Yui bu dünyanı tərk edir.

Hisako (ひさ子^?)

Səsləndirən: Çie Matsuura

Hisako musiqi qrupunun ikinci əsas üzvüdür. Fender Jazzmaster model elektrik gitarası çalır və qrupun əsas gitaraçısıdır. Açıqürəkli şəxsiyyətə malikdir, madjonq oynamağı sevir və bu oyunda inanılmaz dərəcədə uğurludur. Hinataya görə Hisako atletik bədən quruluşuna malikdir və Yui onun gitara çalmağına heyrandır. Real həyatda Hisakonun üzv olduğu musiqi qrupunun əsas vokalisti intihar etmişdir, lakin İvasava ilə tanış olduqdan sonra onunla Girls Dead Monster qrupunu qurmuşdur.

Miyuki İrie (入江 みゆき, Irie Miyuki^?)

Səsləndirən:

İrie musiqi qrupunun barabançısıdır. Axirət dünyasında ölü olmasına baxmayaraq ruh və kabuslar haqqında hekayələrə qulaq asmağı sevmir, Sekine isə bundan faydalanmağı sevir. İrie Sekinenin ən yaxşı dostudur və ikisi musiqi qrupuna birlikdə qoşulublar.

Şiori Sekine (関根 しおり, Sekine Shiori^?)

Səsləndirən: Emiri Kato

Sekine G&L L-2000 model bas gitara çalır. Qurbanlarının təəccüblü sifətlərini görmək üçün ətrafında olan şeylərlə zarafat etməyi sevir. Sekine musiqi performansları zamanı qəfildən improvizasiya etməyi də xoşlayır, bu isə Hisakonun acığına səbəb olur. Sekine əslində İvasavanın qrup lideri kimi əldə etdiyi diqqəti qısqanır.

"Angel Beats!"-in orijinal yaradıcıları Cun Maeda və Key-dən Na-Ga ASCII Media Works nəşriyyatının "Dengeki G's Magazine" jurnalının 2009-cu il iyul sayı üçün müsahibə vermişdilər. Key altıncı vizual romanı ""-in ilk buraxılışını tamamladığı zamanlarda Aniplex-in əməkdaşı Hironori Toba (özü Key-in işlərinin fanatıdır) 2007-ci ilin oktyabrında yeni orijinal anime serialının istehsalında əməkdaşlıq etməsi üçün Cun Maeda ilə görüşmüşdür. Maeda Toba və Aniplex ilə aylıq görüşməyə başlamış və tədricən hekayə formalaşmışdır. Aniplex Maedanın "Key kimi həm güldürən, həm də ağladan anlara malik" ssenari yazmasını çox istəyirdi, lakin ilk başda Maeda "Little Busters!"-dən daha əyləncəli hekayə yazdı, çünki o, belə düşünürdü ki, o, "Key kimi hekayə" baxımından artıq "Little Busters!" ilə limitə çatmışdı. Lakin bir gün Maedanın ağlına hekayədəki hadisələrin axirət dünyasında baş verməsi ideyası gəldi. Bundan əlavə, bu dünyada hər kəs ölü olacaq və hər kəs ölüm qorxusu olmadan kəskin və qeyri-adi döyüşlərə qatılacaqdı. Maedaya görə anime serialının əsas mövzusu "həyat"dır. Personajların öz qismətlərinə qarşı döyüşmələrinə baxmayaraq "həyat" "Angel Beats!"-də qiymətli və möhtəşəm şey kimi təsvir olunur.

2008-ci ilin əvvəllərində Maeda personaj dizayneri kimi Na-Ga-nın namizədliyini irəli sürdü. Na-Ga narahat idi ki, kompüter qrafikalarına görə işlər yubana bilər, lakin kompüter qrafikasındakı təcrübəsindən istifadə edərək vəziyyəti ələ aldı. Maedanın Na-Ga-nı seçmə səbəbi "Little Busters!" üçün dizayn etdiyi personajlar və səmimiliyi idi. Na-Ga liderə xas xüsusiyyətlərlə dizayn etdi, lakin Yurini qara saç sarğısı ilə təsvir etmək Maedanın tələbi idi. Çünki Maedanın "Persona 4" videooyununda ən sevdiyi personaj olan Yukiko Amaqi də saç sarğısı (amma qırmızı) taxırdı. Yurinin saçının uzunluğu və yaşıl lentin əlavə olunması istehsal komitəsinin görüşlərində müəyyənləşdirildi. orijinal konsepsiyası cəsur, döyüşkən qız ideyası ilə başladı. Maeda bildirmişdi ki, Mələyin görünüşü istehsal zamanı tamamilə dəyişmişdi və ilk başlarda "" ranobe seriyasındakı Şiki Ryoqi personajına bənzəyirdi. Sonda Mələyin "səssiz və müəmmalı qız" olması qərara alındı. Na-Ga dizaynı üzərində işləməyə başlamazdan qabaq Maeda ona demişdi ki, çəkəcəyi hər şey yaxşı olacaq və əsas odur ki, bir şey çəksin. Sonda Na-GA Otonaşi və prototiplərini dizayn etdi. Bəzi personajların Maeda tərəfindən verilən başlanğıc halları qeyri-müəyyən idi. Məsələn, Maeda Na-Ga-dan Girls Dead Monster qrupu üçün bas gitaraçı () və tez-tez ingilisdilli ifadələrdən istifadə edən müəmmalı personaj () çəkməsini istəmişdi.

"Angel Beats!"-in Aniplex prodüseri Hironori Toba "Dengeki G's Magazine" jurnalının 2009-cu il noyabr sayına verdiyi müsahibədə bildirmişdi ki, hərəsi 21 dəqiqə çəkən 13 seriyadan ibarət anime serialı Maedanın göz önündə canlandırdığı bütün hekayəni nəql etmək üçün kifayət deyildi. Buna görə də zaman məhdudiyyətinə görə animedə göstərilə bilməyən bir neçə hekayə üçün şəkilli qısa hekayələrdən və manqalardan istifadə olundu. Toba istəmişdi ki, serialın fanatları bütün media növlərindən istifadə edərək əylənə bilsinlər. Maeda ssenari yazarkən biznes görüşləri üçün Tokio ilə Osaka arasında gedib gəlməyi yorucu və bütün ssenarini təkbaşına yazmağı çətin hesab etdi, çünki indiyi qədər Key-in bir üzvü kimi heç bir oyununun istehsalında belə şey etməmişdi. Ssenarini üzərində işlədikdən sonra musiqiyə keçdi. O, bundan böyük zövq almış və yorulmamışdır. Maeda Girls Dead Monster qrupu üçün 15 mahnı bəstələdi və hər mahnını bəstələmək üçün təxminən 2 gün sərf etdi. Maeda bildirmişdi ki, açılış və bağlanış mahnılarını elə bəstələmişdi ki, sanki o yox, başqası bu mahnıları bəstələyib.

P.A. Works studiyasının istehsalçı studiya kimi seçilməsinə gəldikdə isə Toba bu studiyanın daha əvvəl "Fullmetal Alchemist" (2003–4) animesindəki (ara animasiya) və "" (2007) animesindəki (istehsalda kömək) işlərini nəzərə aldı (hər iki animenin istehsalında Aniplex də kömək etmişdi). P.A. Works-un orijinal istehsalı olan "True Tears" animesinin sadəcə ilk 3 seriyasını izləyən Toba bu animenin yüksək keyfiyyətindən müsbət mənada şoka düşdü, istehsal heyəti ilə görüşmək üçün P.A. Works-un Toyama prefekturasındakı studiyasına getdi və Aniplex-in istehsalda əməkdaşlıq edəcəyini ümid etdi. Növbəti həftə Maeda animeni çəkəcək studiyanı müəyyənləşdirmək məsələsini gündəmə gətirdi, onun da "True Tears"-ı izlədiyini bildirdi və P.A. Works studiyası ilə maraqlandığını dedi. Bundan qısa müddət sonra Toba P.A. Works studiyasına rəsmi təklif etdi.

Maeda zarafatların "Angel Beats!"-in əhəmiyyətli hissəsi olmasını istəyirdi. Buna görə də Toba Seyci Kişini rejissor kimi gördü, çünki onun təcrübəsinə güvənirdi.P.A. Works studiyasının təmsilci direktoru Kenci Horikava Kişi ilə "oyun ssenaristi tərəfindən yazılmış məktəb komediyası" üzərində işləməsi barədə görüşdü. Lakin Kişi animenin sadəcə komediya deyil, gözəçarpan döyüş səhnələri, canlı musiqi performansları və dram kimi digər aspektlərdən də ibarət olduğunu da qeyd etmişdir. Kişi demişdi ki, normal halda bu aspektlərin öhdəsindən gəlmək onun üçün təzyiq yarada bilərdi, lakin Maedanın ssenari ilə bağlı uzlaşmaz münasibətinin verdiyi motivasiya ona kömək etdi. Bütün üzvlərinin qız olduğu Girls Dead Monster qrupunu əlavə etmək qərarı Maedanın seriala çox fərqli və maraqlı elementlər daxil etmək niyyəti ilə bağlı idi.

Kişi xüsusilə səs və musiqi rejissorunun Satoki İida olmasını tələb etdi. Maeda musiqi üzərində işlədiyindən İida ssenarinin korrektə edilməsində də kömək etdi. İida "Dengeki G's Magazine" jurnalının 2010-cu il aprel sayına verdiyi müsahibədə bildirmişdi ki, Maeda və Anant-Garde Eyes qrupu onun serialda istifadə olunan arxaplan musiqisinə minimalist baxış bucağından yanaşmaq fikrini qəbul etmişdilər. İida qəbul etmişdi ki, bu musiqi janrından istifadə etmək adətdən kənar idi və düzgün musiqini əldə etmək o, Maeda and Anant-Garde Eyes ilə bir çox sınaqlar keçirdilər. Maeda və Anant-Garde Eyes fərdi keyfiyyətli musiqi trekləri yaratmağa çalışırdılar, İida isə arxaplan musiqisi kimi istifadə olunacaq musiqi əldə əldə etməyə çalışırdı və bu, istehsal prosesində problemlərə səbəb olmuşdu. İida başa düşdü ki, musiqi ilə qrafiklərin birləşərək aralarında sinxronizasiya yaratması vacib idi. Toba əvvəlcə personaj dizaynerini və baş animasiyaçı kimi Katsuzo Hiratanı fikirləşdi, çünki o, işini tez, amma yerli-yerində bitirmək bacarığına malik idi. Bu, Tobanın Hiratanı baş animasiyaçı kimi "Strike Witches" (2008) üzərindəki işini gördükdən sonra olmuşdu və Toba onun "Angel Beats!" heyətinə qatılmasını istəyirdi. Maeda da Hirata üçün öz müsbət rəyini bildirdi.

  Əsas məqalə: Angel Beats! seriyalarının siyahısı

13 seriyadan ibarət "Angel Beats!" anime serialı Seyci Kişinin rejissorluğu P.A. Works və Aniplex tərəfindən istehsal olunmuşdur. Anime Yaponiyada 3 aprel 2010-cu ildən 26 iyun 2010-cu ilə kimi CBC televiziya şəbəkəsi vasitəsilə yayımlanmışdır.Mart ayının əvvəllərində təşkil olunan xüsusi lotereyada qalib gələn şəxslər 22 mart 2010-cu ildə animenin birinci seriyasına daha tez baxa bilmişdilər. Serialın yaradıcısı Cun Maeda ssenarini yazmışdır. Baş animasiyaçı Katsuzo Hirata Na-Ga-nın orijinal dizaynlarından istifadə edərək anime üçün personajları dizayn etmişdir. Səs və musiqidən Satoki İida məsul olmuşdur.

Anime serialı 7 BD/DVD cildi şəklində 23 iyundan 22 dekabr 2010-cu ilə kimi məhdud və daimi nəşrlərlə buraxılmışdır. BD/DVD cildlərinin birinci, dördüncü və altıncı məhdud nəşrlərinə Cun Maeda tərəfindən yazılmış və anime seyüları tərəfindən səsləndirilmiş 3 Drama CD daxil edilmişdir. Yeddinci BD/DVD cildi isə OVA seriyası və əlavə epiloqla birlikdə buraxılmışdır. Hər BD/DVD cildinə animenin seyüləri tərəfindən səsləndirilmiş və Maeda tərəfindən yazılmış personaj rəyləri əlavə olunmuşdur. BD boks-seti Yaponiyada 24 iyun 2015-ci ildə buraxılmışdır və boks-setə bir başqa OVA seriyası daxil edilmişdir.Sentai Filmworks distribütor Section23 Films ilə animeni lisenziyalaşdırmış və BD/DVD şəklində 26 iyul 2011-ci ildə buraxmışdır.Siren Visual animeni Avstraliya və Yeni Zelandiya üçün lisenziyalaşdırmışdır.Manga Entertainment isə animeni Böyük Britaniya üçün lisenziyalaşdırmış və BD/DVD şəklində 25 iyun 2012-ci ildə buraxmışdır. 3 noyabr 2017-ci ildə Sentai Filmworks öz buraxılışlarını anons etmiş, daha sonra anime kataloqlarından və Hidive onlayn yayım xidmətindən yığışdırılmışdır.

  Əsas məqalə: Angel Beats! musiqisi

Anime üçün musiqi Cun Maeda və Anant-Garde Eyes musiqi qrupu tərəfindən bəstələnmişdir. Anant-Garde Eyes musiqi aranjirovkası ilə də məşğul olmuşdur. Musiqi Key şirkətinin Key Sounds Label səsyazma leyblı tərəfindən buraxılmışdır. Açılış mahnısı Lia tərəfindən ifa olunan "My Soul, Your Beats!" (azərb. "Mənim ruhum, sənim ritmlərin!"‎) mahnısı, bağlanış mahnısı isə Aoy Tada tərəfindən ifa olunan "Brave Song" (azərb. "Cəsarət mahnısı"‎) mahnısıdır. Hər iki mahnıdan ibarət "My Soul, Your Beats! / Brave Song" adlı sinql 26 may 2010-cu ildə məhdud (CD+DVD) və daimi (CD) nəşrlərdə buraxılmışdır. Məhdud nəşrin DVD-sinə açılış və bağlanış videoları əlavə olunmuşdur (sözlərsiz). Hekayədəki uydurma Girls Dead Monster musiqi qrupu real həyatda Marina və LiSA-dan ibarətdir.2010-cu ildə Girls Dead Monster musiqi qrupu üçün hazırlanmış beş sinql buraxılmışdır. Birinci sinql "Crow Song" (azərb. "Qarğa mahnısı"‎) 23 apreldə buraxılmışdır və sinqla Marina tərəfindən oxunan mahnılar daxildir. LiSA tərəfindən ifa olunan mahnıların daxil edildiyi ikinci və üçüncü sinqllar — "Thousand Enemies" (azərb. "Min düşmən"‎) və "Little Braver" (azərb. "Balaca qoçaq"‎) uyğun olaraq 12 may və 9 iyunda buraxılmışdır.8 dekabrda həm Marina tərəfindən ifa olunan "Last Song" (azərb. "Son mahnı"‎) adlı dördüncü sinql, həm də LiSA tərəfindən ifa olunan "Ichiban no Takaramono (Yui final ver.)" (一番の宝物～Yui final ver.～^?) adlı beşinci sinql buraxılmışdır. "Keep The Beats!" (azərb. "Ritmi saxla!"‎) adlı Girls Dead Monster albomunun buraxılma tarixi 30 iyun 2010-cu ildir. Albomun instrumental treklərin daxil edildiyi versiyası 256 səhifəlik musiqi qrupu kitabı ilə 28 iyul 2010-cu ildə buraxılmışdır. 28 iyul 2010-cu ildə animenin orijinal saundtreki iki CD seti şəklində yayımlanmışdır."Rare Tracks" (azərb. "Nadir treklər"‎) adlı Girls Dead Monster mini-albomu 28 dekabr 2014-cü ildə buraxılmışdır.

"Angel Beats!"-i tanıtmaq üçün bir neçə canlı performans baş tutmuşdur. İlk belə konsert 24 aprel 2010-cu ildə Tokionun Şibuya rayonunda yerləşən "Tower Records"-da baş tutmuşdur: Marina və LiSA 4 mahnı ifa etmişdirlər. İlk iki mahnı "Crow Song" və "Alchemy" duet şəklində, üçüncü mahnı "My Song" Marina tərəfindən, dördüncü mahnı "My Soul, Your Beats!" LiSA tərəfindən ifa olunmuşdur.5 iyun 2010-cu ildə eyni yerdə Lia və Aoy "My Soul, Your Beats! / Brave Song" sinqlındakı mahnılarını, Tada və LiSA "Crow Song" mahnısını (duet şəklində), Lia və LiSA "My Soul, Your Beats!" mahnısı (duet şəklində) ifa etmişdirlər.1 avqust 2010-cu ildə Tokionun Koto rayonundakı "Coast" studiyasında baş tutan "Angel Beats! Fes.: Thousand Bravers" (azərb. "Mələk ritmləri! Fes.: Min qoçaq"‎) adlı konsertdə müğənnilər Lia, Tada, Marina, LiSA və Karuta, eləcə də, anime serialında personajları səsləndirən şəxslər çıxış etmişdirlər.

3 avqustdan 2 sentyabr 2010-cu ilə kimi LiSA-nın iştirakı ilə bütün Yaponiyada "Girls Dead Monster starring LiSA Tour 2010: Keep The Angel Beats!" adlı konsert turu baş tutmuşdur. Konsert turunun son performansını əks etdirən "Girls Dead Monster starring LiSA Tour 2010 Final: Keep The Angel Beats!" adlı BD/DVD video albom boks-seti 1 iyun 2011-ci ildə Key Sounds Label tərəfindən KSLV-0001–0003 kataloq nömrəsi ilə buraxılmışdır.Girls Dead Monster musiqi qrupunun son konserti 27 dekabr 2010-cu ildə baş tutmuşdur: baş tutmuş "Girls Dead Monster Last Live: Final Operation" adlı konsertdə Marina və LiSA çıxış etmişdirlər.

"Angel Beats!"-i reklam etmək məqsədilə 30 may 2009-cu ildən 31 mart 2010-cu ilə kimi 4 seriyalıq "Jun Maeda's Brutal Radio" (麻枝准の殺伐ラジオ, Maeda Jun no Satsubatsu Rajio^?, azərb. "Cun Maedanın qəddar radiosu"‎) adlı internet-radio verilişi yayımlanmışdır. Verilişin aparıcısı Cun Maeda olmuş, veriliş boyunca prodüser Hironori Tova və Na-Ga kimi qonaqlar da qatılmışdırlar. Hər daimi yayımdan bir ay sonra "Postwar Disposition" (戦後処理, Sengo Shori^?, azərb. "Müharibə sonrası sahman"‎) adlı qısa veriliş yayımlanırdı. Serialı reklam etmək üçün "Angel Beats! SSS Radio" (azərb. "Mələk ritmləri! SSS radiosu"‎) adlı başqa internet-radio verilişi də hazırlanmışdır. Bu veriliş ilk test yayımını 18 mart 2010-cu ildə həyata keçirmiş, 1 aprel 2010-cu ildən 31 mart 2011-ci ilə qədər həftəlik olaraq 51 seriyası yayımlanmışdır. Hibiki radio stansiyası tərəfindən istehsal olunmuş verilişin aparıcıları Harumi Sakuray (Yurinin səsləndiricisi), Kana Hanazava (Mələyin səsləndiricisi) və Eri Kitamura (Yuinin səsləndiricisi) olmuşdurlar.23 iyun 2010-cu ildən 29 iyul 2011-ci ilə kimi 51 seriyanın cəmləndiyi 7 CD buraxılmışdır.

GotoP-un rəssamlığı ilə Cun Maeda tərəfindən yazılmış 7 qısa hekayədən ibarət "Angel Beats! Track Zero" adlı qısa hekayələr seriyası ASCII Media Works nəşriyyatının "Dengeki G's Magazine" jurnalında 2009-cu ilin noyabrından 2010-cu ilin mayına kimi nəşr olunmuşdur."Track Zero" anime serialı üçün prikvel rolunu oynayır. Burada baş qəhrəman və onun dilindən SSS-in necə qurulduğu başa salınır. Girls Dead Monster musiqi qrupundan bəhs edən xüsusi əlavə fəsil 29 mart 2010-cu ildə "Dengeki G's Festival! Deluxe" jurnalının altıncı cildində nəşr olunmuşdur. Qısa hekayələr bir cilddə toplanmış və 23 iyun 2010-cu ildə əlavə fəsillə birlikdə buraxılmışdır. Fəsillərin adları müxtəlif musiqiçilər tərəfindən ifa olunan mahnıların adlarından götürülmüşdür. Birinci fəsil ASCII Media Works tərəfindən illüstrasiyalarla birlikdə onlayn şəkildə yayımlanmışdır.ASCII Media Works 22 dekabr 2010-cu ildə "Angel Beats! Rəsmi soraq kitabçası" adlı əsər çap etmişdir. Soraq kitabçasına OVA seriyası da daxil olmaqla anime serialının hər seriyası üçün xülasə, səsləndirənlər haqqında məlumatlar, çəkiliş heyətindən və səsləndiricilərdən götürülmüş müsahibələr və anime serialına aid illüstrasiyalar daxil edilmişdi.

Haruka Komovatanın rəssamlığı ilə hazırlanmış "Angel Beats! The 4-koma: Bokura no Sensen Kōshinkyoku" (Angel Beats! The4コマ 僕らの戦線行進曲♪, azərb. "Mələk ritmləri! 4-koma: Bizim cəbhə marşı mahnımız"‎^?) adlı yonkoma 30 oktyabr 2009-cu ildən 30 avqust 2013-cü ilə qədər ASCII Media Works nəşriyyatının "Dengeki G's Magazine" jurnalında nəşr olunmuşdur. Komovata "Angel Beats!" layihəsinin gedişatını göstərən və "Dengeki G's Magazine" jurnalında 2009-cu ilin sentyabrından 2010-cu ilin iyuluna kimi nəşr olunmuş manqanın da rəssamı olmuşdur.18 dekabr 2010-cu ildən 27 noyabr 2013-cü ilə kimi ASCII Media Works nəşriyyatının Dengeki Comics EX imprinti altında "Angel Beats! The 4-koma" manqasının 4 tankobon cildi buraxılmışdır.Komovatanın rəssamlığı ilə çəkilmiş "Angel Beats! The 4-koma: Osora no Shinda Sekai kara" (Angel Beats! The4コマ お空の死んだ世界から^?) adlı yonkoma 30 oktyabr 2013-cü ildən30 noyabr 2015-cı ilə kimi "Dengeki G's Magazine" jurnalında nəşr olunmuşdur. 24 oktyabr 2014-cü ildən 26 aprel 2016-cı ilə kimi bu manqanın iki cildi buraxılmışdır.

Yuriko Asaminin rəssamlığı ilə çəkilən "Angel Beats! Heaven's Door" (azərb. "Mələk ritmləri! Cənnət qapısı"‎) manqasının serializasiyasına 30 mart 2010-cu ildə"Dengeki G's Magazine" jurnalında başlanılmışdır. Manqa 2014-cü ilin mayına kimi bu jurnalda nəşr olunmuş, 2014-cü ilin iyunundan 2016-cı ilin oktyabrına kimi "Dengeki G's Comic" jurnalında nəşr olunmuşdur."Heaven's Door" manqası "Angel Beats! Track Zero" qısa hekayələrinə əsaslanır."Angel Beats! Heaven's Door" manqasının ilk cildi 18 dekabr 2010-cu ildə ASCII Media Works nəşriyyatının Dengeki Comics imprinti altında nəşr olunmuşdur. 17 dekabr 2016-cı ildə sonuncu – 11-ci cildi buraxılmışdır."Heaven's Door" Kadokawa Corporation şirkətinin ComicWalker veb-saytında və tətbiqində ingilis dilində yayımlanır,Seven Seas Entertainment tərəfindən Şimali Amerika üçün lisenziyalaşdırılmışdır.18 dekabr 2010-cu ildə ASCII Media Works tərəfindən "Angel Beats! Comic Anthology" adlı antologiya buraxılmışdır.

30 avqust 2017-ci ildə "Angel Beats! The Last Operation" adlı yeni manqa adaptasiyası "Dengeki G's Comic" jurnalında nəşr olunmağa başlamışdır. Manqanın rəssamı Yuriko Asami, yazıçısı Cun Maeda, personaj dizayneri Na-Ga-dır. Manqa SSS üzvlərinin bu dünyaya gəlmə səbəblərini araşdıracaq.

Angel Beats! The 4-koma: Bokura no Sensen Kōshinkyoku

Angel Beats! The 4-koma: Osora no Shinda Sekai kara

Angel Beats! Heaven's Door

Angel Beats! The Last Operation

  Əsas məqalə:

2010-cu ildə Cun Maedanın "Angel Beats!"-in videooyun adaptasiyası üçün ssenari yazdığı məlum olmuşdur. Oyun rəsmi olaraq 2013-cü ilin sentyabrında anons edilmişdir. Oyun Key tərəfindən istehsal olunmuş, Cun Maeda istehsalçı komandanın dizayneri və ssenaristlərdən biri olmuşdur. Digər iki ssenarist daha əvvəl "Clannad" üçün ssenari yazan Kay və daha əvvəl "Tomoyo After: It's a Wonderful Life" və "Little Busters!" üçün ssenari yazan Leo Kaşida idi. Art-direktor və personaj dizayneri Na-Ga təyin olunmuşdur. Vizual roman bütün yaş qrupları üçün nəzərdə tutulmuş və altı cildə bölünmüşdür."Angel Beats! 1st Beat" (azərb. "Mələk ritmləri! 1-ci ritm"‎) adlı birinci cild 26 iyun 2015-ci ildə Microsoft Windows platforması üçün buraxılmışdır. Birinci cild anime serialının 10-cu seriyasına qədər İvasava, Matsuşita və Yuinin Otonaşi ilə yolları haqqındadır. Növbəti cildlər qalan personajların yollarını əhatə edir.

"Angel Beats!" ümumilikdə müsbət rəylər almışdır. Anime News Network saytının tənqidçisi Teron Martin fərdi elementlərin — Girls Dead Monster qrupunun musiqili performans səhnələrinin, gülməli səhnələrin və döyüş səhnələrinin birlikdə verilməsinə görə anime serialını tərifləmişdir. Martinə görə fövqəltəbii animedə əsas mövzu keçmiş həyatları ilə əlaqələrini itirmiş ruhlardır, lakin o, "Angel Beats!"-i "tamamilə qeyri-adi" adlandırmışdır, çünki bütün personajlar ruhdurlar və hamısı bir yerdə — axirət dünyasında toplaşıblar. Anime serialında "davam edən ayırdedici xüsusiyyət fərdi şəkildə sağ qalmağın mənasıdır" və Martin bunu "Yaponiya məktəbləri tərəfindən şagirdlərə təlqin edilmiş ciddi konformizmin hiyləgər hökmü" adlandırmışdır. Ümumilikdə, əylənmək üçün animelərlə böyük tanışlığın əhəmiyyətli olmamasına görə "Angel Beats!" təriflənmişdir.

DVD Talk veb-saytının tənqidçisi Con Sinnott ssenarini gedişatına və gözlənilməz yollarla dəyişməsinə bəyənmişdir: "Süjet xətti tez inkişaf edir və anime serialının sonunda başlanğıcdan tamamilə fərqli hal alır". Həm Martin, həm Sinnotun fikrincə anime serialı çox qısadır, buna görə də bir çox personajlar haqqında ətraflı məlumat ilə tanış olmaq olmur.THEM Anime Reviews-dan Stiq Höqset animeni qismən sərt tənqid etmişdir, çünki onun fikrincə "mümkün qədər çox insanı razı salmaq üçün hekayəyə həddən artıq çox element daxil edilib". Höqsetə görə anime serialında "maraq oyadan personajlar" yoxdur və istifadə olunmuş yumor zəhlətökəndir. Lakin Höqset Martin kimi P.A. Works studiyasını döyüş səhnələrinin animasiyasına görə tərifləmişdir. Martin əlavə etmişdi ki, istifadə olunmuş silahların və instrumentlərin ətraflı təsvir olunması üçün böyük iş görülmüşdür.

"Angel Beats!"-in Osakanın MBS kanalı tərəfindən 8 may 2010-cu ildə yayımlanan 6-cı seriyası 4,9 %-lik reytinq əldə etmişdir və bu göstərici MBS kanalının keçən 3 ildə "Anime Shower" taymslotunda əldə etdiyi ən yüksək reytinq olmuşdur."Angel Beats!" 2010-cu ildə baş tutmuş 14-cü Yaponiya Media Sənəti Festivalında jürilər tərəfindən "məsləhət görülən iş" seçilmişdir.

"Angel Beats!"-in BD cildlərinin hər biri Oricon-un həftəlik BD satışları çartında top üçlükdə qərarlaşmışdı. Birinci və dördüncü cildlər 1-ci yeri, ikinci və beşinci cildlər 2-ci yeri, üçüncü, altıncı və yeddinci cildlər 3-cü yeri tutmuşdur. Lakin DVD cildləri BD cildlərinə nisbətən Oricon çartlarında daha aşağı yerlərdə qərarlaşmışdı. Birinci cild 5-ci yeri, ikinci cild 10-cu yeri, üçüncü cild 13-cü yeri, dördüncü cild 11-ci yeri, beşinci cild 8-ci yeri, altıncı cild 12-ci yeri və yeddinci cild 15-ci yeri tutmuşdur.

Açılış və bağlanış mahnılarından ibarət "My Soul, Your Beats! / Brave Song" adlı sinql Oricon-un həftəlik sinqllar çartında 3-cü yerdə debüt etmiş və buraxıldığı ilk həftədə təxminən 80.000 nüsxə satmışdır. Satılan nüsxələrinin sayı 100.000-ni keçdiyindən 2010-cu ilin mayında Yaponiya Səsyazma Sənayesi Birliyi tərəfindən sinqla Qızıl disk verilmişdir.Girls Dead Monster musiqi qrupunun "Crow Song" sinqlı Oricon-un sinqllar çartında 7-ci yerdə debüt etmiş və dörd günə təxminən 16.400 nüsxə satmışdır. Buraxılışdan 3 həftə sonra isə satılan nüsxələrinin sayı 25.000-ni keçmişdir. Satılan nüsxələrinin sayı 100.000-ni keçdiyindən 2011-ci ilin noyabrında Yaponiya Səsyazma Sənayesi Birliyi tərəfindən sinqla Qızıl disk verilmişdir.Girls Dead Monster musiqi qrupunun "Thousand Enemies" sinqlı Oricon-un sinqllar çartında 4-cü yerdə debüt etmiş və ilk həftədə sinqlın təxminən 28.000 nüsxəsi satılmışdır. Növbəti iki həftədə isə bu sinql daha 18.000 nüsxə satmışdır.

Girls Dead Monster qrupunun üçüncü sinqlı "Little Braver" Oricon-un sinqllar çartında 2-ci yerdə debüt etmiş və buraxıldığı ilk həftədə sinqlın təxminən 38.000 nüsxəsi satılmışdır.Girls Dead Monster qrupunun dördüncü və beşinci sinqlları "Last Song" və "Ichiban no Takaramono (Yui final ver.)" Oricon-un çartında 2-ci və 3-cü yerləri tutmuş və hər iki sinql ilk həftədə təxminən 35.000 nüsxə satmışdır.Girls Dead Monster-in "Keep The Beats!" albomu Oricon-un albomlar çartında 6-cı yerdə qərarlaşmış və buraxıldığı ilk həftədə təxminən 51.000 nüsxəsi satılmışdır."Keep The Beats!" 100.000 nüsxə satdıqdan sonra 2010-cu ilin sentyabrında Yaponiya Səsyazma Sənayesi Birliyi tərəfindən Qızıl disk almışdır. Albomun instrumental treklərin və musiqi qrupu kitabının daxil edildiyi versiyası Oricon-un albomlar çartında 14-cü yeri tutmuş və buraxıldığı ilk həftədə 9.000 nüsxə satmışdır."Angel Beats!"-in orijinal saundtreki isə Oricon-un albomlar çartında 9-cu yeri tutmuş və buraxıldığı ilk həftədə təxminən 13.300 nüsxəsi satılmışdır.

Ümumi

Spesifik

•  (yap.)
• saytında  (yap.)
• — Internet Movie Database saytında

• (anime) Anime News Network Ensiklopediyasında