Albaniyada kənd təsərrüfatı — Albaniya iqtisadiyyatının aparıcı sahələrindən biri.
Mövcud vəziyyəti
Albaniyanın kənd təsərrüfatı ölkənin daxili tələbatını ödəmir. Xüsusilə də 2000-ci illərin əvvəlində sovxoz və kolxozlar ləğv olunduqdan, torpaq və avadanlıq özəlləşdiriləndən sonra torpaq sahələrinin xırda sahələrə bölünməsi və avadanlıq çatışmazlığı kənd təsərrüfatındakı səmərəni daha da azaltmışdır.
Torpaqları
Ölkə ərazisinin 21%-ini suvarılan torpaqlar, 15%-ini otlaqlar tutur.
Əkinçilik
Əsas kənd təsərrüfatı bitkiləri buğda və qarğıdalıdır. Suvarılan torpaqların yarısında taxıl əkilir.
, şəkər çuğunduru, günəbaxan, kartof, tərəvəz, meyvə, üzüm, zeytun da becərilir.
Bu sahədə əsas problemlərdən biri quraqlıqdır ki, o da əkinçiliyə ciddi ziyan vurur. Əkilən sahələrin yalnız yarıya qədəri suvarılır.
Heyvandarlıq
Heyvandarlıqda başlıca ənənəvi sahə qoyunçuluqdur. 2002-ci ildə bu ölkədə 1,4 milyon başdan çox qoyun qeydə alınmışdır.
Yük heyvanları – at, uzunqulaq saxlanılır.
Ölkənin cənubunda ətlik-südlük, şimal və şərqində isə dağ-otlaq heyvandarlığı üstünlük təşkil edir.
Quşçuluq
2002-ci ildə bu ölkədə 4,1 milyon baş ev quşları qeydə alınmışdır.
Balıqçılıq
Adriatik dənizinin sahil sularında balıqçılıq inkişaf etdirilir.
Meşə təsərrüfatı
Albaniyada torpaqlar kötük hazırlanması üçün uyğun bir iqlimə sahibdir. Lakin Albaniyanın tarixi meşələrinin bir çoxu 1990-cı illərdə səmərəsiz taxta sənayesi və kənd təsərrüfatı sahələrinin genişləndirilməsi nəticəsində dağıdıldı. Hazırda Albaniyanın torpaq sahələrinin təxminən 1/3-i meşə sahələri ilə örtülüdür. İtaliya və Dünya Bankı ilə imzalanmış bir anlaşmaya görə meşələrin bərpasına böyük məbləğdə vəsait ayrılmışdır.
ÜDM-də payı
2003-cü ildə Albaniyada kənd təsərrüfatının Ümumi Daxili Məhsuldakı payı 47,6% olmuşdur.
Beynəlxalq reytinqlər
2014-cü ilin yekunlarına əsasən Albaniyanın bir sıra kənd təsərrüfatı məhsullarının istehsalında dünya üzrə mövqeyi aşağıdakı cədvəldə göstərilmişdir:
İstinadlar
- ↑ Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 297. ISBN 978-9952-441-02-4.
- (English). 2014-07-06 tarixində . İstifadə tarixi: 2017-05-06.
- (English). 2013-02-16 tarixində . İstifadə tarixi: 2017-05-06.
- (English). 2013-02-15 tarixində . İstifadə tarixi: 2017-05-06.
- . factfish.com (English). 2013-09-05 tarixində arxivləşdirilib. İstifadə tarixi: 2017-05-06.
- . factfish.com (English). 2014-07-08 tarixində . İstifadə tarixi: 2017-05-06.
- . factfish.com (English). 2013-02-16 tarixində . İstifadə tarixi: 2017-05-06.
- . factfish.com (English). 2017-04-17 tarixində . İstifadə tarixi: 2017-05-06.
- . factfish.com (English). 2019-05-24 tarixində arxivləşdirilib. İstifadə tarixi: 2017-05-06.
Xarici keçidlər
- 2020-01-23 at the Wayback Machine
- 2017-03-02 at the Wayback Machine
- 2016-01-11 at the Wayback Machine
- 2020-03-26 at the Wayback Machine
- 2015-04-15 at the Wayback Machine