Aki Yaşiro (八代亜紀, Yaşiro Aki?, 29 avqust 1950, Yatsuşiro[d], Kumamoto – 30 dekabr 2023) və ya doğum adı ilə Akiyo Masuda (増田明代, Masuda Akiyo?) – Yaponiya müğənnisi və rəssamı. "Enkanın kraliçası" kimi tanınır.
| Aki Yaşiro | |
|---|---|
| yap. 八代 亜紀 | |
| Ümumi məlumatlar | |
| Doğum tarixi | 29 avqust 1950 |
| Doğum yeri | |
| Vəfat tarixi | 30 dekabr 2023 (73 yaşında) |
| Vəfat səbəbi | ağciyər iltihabı |
| Vətəndaşlığı | |
| Musiqiçi məlumatları | |
| Fəaliyyəti | müğənni, cazmen, rəssam |
| Fəaliyyət illəri | 1971-ci ildən |
| Janr | enka[d] |
| Albom şirkəti | Teichiku Records[d] |
| Üzvlüyü |
|
| Mükafatları |
|
Karyerası
Yaşironun ilk peşəsi avtobus bələdçisi olmuşdur. Daha sonra Tokioya köçmüş, Tokionun yerləşən gecə klublarının birində oxumağa başlamışdır. 1971-ci ildə "Ai wa Shindemo" mahnısı ilə debüt etmişdir. Səhnə adını doğulduğu şəhərindən götürmüşdür. Romantika mövzusundakı melanxolik mahnılarına görə tanınan Yaşironun ən böyük hitləri "Namida Koi" (1973), "Ai no Shuchakueki" (1975) "Funauta" (1979) və "Ame no Bojo" (1980) mahnıları olmuşdur. "Ame no Bojo" mahnısına görə 1980-ci ildə Yaponiya Səsyazma Mükafatını qazanmışdır.NHK kanalının "" canlı musiqi verilişinin Yeni il buraxılışlarında 1973-cü ildən etibarən 23 dəfə çıxış etmişdir.
Yaşiro enka janrı ilə yanaşı, caz və blüz janrlarında ifa etmişdir. 2012-ci ildə "Yoruno Arubamu" adlı ilk caz albomunu buraxmış, 2013-cü ildə Nyu-Yorkda yerləşən "Birdland" caz klubunda ifa etmiş,rok festivalında çıxış etmişdir. Yaşiro rəssamlıq fəaliyyəti ilə də məşğul olmuşdur. Onun yağlı boya rəsmləri 1998–2002-ci illərdə Fransada yerləşən Paris Salonunun sərgisi tərəfindən qəbul edilmişdir.
Xeyriyyəçilik
Yaşiro qadın həbsxanalarının və uşaq koloniyalarının daimi ziyarətçisi olmuşdur. 2011-ci ildə baş vermiş Tohoku zəlzələsindən sonra təxliyə mərkəzlərini ziyarət edərək onlara tatami bağışlamışdır. 2016-cı ildə baş vermiş də təxliyə mərkəzlərini ziyarət etmişdir.
Ölümü
Yaşiro səhhətindəki problemlərə görə 2023-cü ilin sentyabrında karyerasına fasilə verdiyini açıqlamışdır. Onda anti-MDA5 antitel-pozitiv dermatomiozit xəstəliyi inkişaf etmiş, 30 dekabr 2023-cü ildə ağciyər iltihabı səbəbilə ölmüşdür.
İstinadlar
- ↑ . The Asahi Shimbun (ingiliscə). 10 yanvar 2024. 2024-01-12 tarixində . İstifadə tarixi: 12 yanvar 2024.
- ↑ . The Mainichi (ingiliscə). 10 yanvar 2024. 2024-01-12 tarixində . İstifadə tarixi: 12 yanvar 2024.
- ↑ . The Japan News (ingiliscə). 10 yanvar 2024. 2024-01-11 tarixində . İstifadə tarixi: 12 yanvar 2024.
Xarici keçidlər
- — Aki Yaşironun rəsmi saytı