Ageratum (lat. Ageratum) — bitkilər aləminin astraçiçəklilər dəstəsinin mürəkkəbçiçəklilər fəsiləsinə aid bitki cinsi.

Ageratum
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Kampanulidlər Dəstə: Astraçiçəklilər Fəsilə: Mürəkkəbçiçəklilər Yarımfəsilə: Asteroideae Triba: Eupatorieae Cins: Ageratum
Beynəlxalq elmi adı
Ageratum L., 1753
Şəkil axtarışı ITIS   NCBI   EOL

"A" latınca "inkar", "geras" isə "köhnə" deməkdir. Bitkinin gülləri quruduqda rəngi dəyişmədiyinə görə ona bu ad verilmişdir. Mərkəzi Amerikada bu birillik və çoxillik bitkinin 27 yabanı növü təbii halda bitir. Yaşıllaşdırmada əsasən (Meksika) aqeratumu-A.houstonianum növü geniş yayılmışdır. Çoxsaylı, düzqalxan zoğların hündürlüyü 10-40 sm-ə çatır. Yarpaqları qarşı-qarşıya düzülmüş, uzun saplaqlı, ürəkşəkilli olub, kənarları dişlidir. Boruşəkilli çiçiəkləri mavi, çəhrayı, ağ rənglidir. Hamaş çiçəklərinin formasına, rənginə və çiçəkləmə müddətinə görə bir-birindən fərqli çoxsaylı formaları vardır. Houston ageratumundan əlavə yaşıllaşdırmada əksər hallarda hamaşçiçəkləri xırda olan konusşəkilli ageratumdan da istifadə olunur. Ageratumu toxum vasitəsilə becərirlər. Toxumlardan becərilmiş cücərtiləri apreldə sahələrə və ya dibçəklərə köçürürlər. Bitkinin qollu-budaqlı olması üçün təpə tumurcuğu qoparılır. Yaşıllaşdırma zamanı əsasən qırmızı, çəhrayı ya da sarı rəngli çiçəkləri olan bitkilərin ətrafında ageratum haşiyə formasında əkilir.