Ada Safari (serb. Ада Сафари) — Serbiyada göl. Göl Ada Siqanliya yarımadasında, Sava çayı ilə Çukar körfəzi arasında yerləşir. Ada Safari gölünü Belqrad şəhərindən 5 km-lik məsafə ayırır. Gölün forması S hərfinə bənzəyir. Ümumi sahəsi 6 hektardır. Orta dərinlik — təxminən 2 metrdir. Göl daha çox idman balıqçılığı üçün istifadə olunur. Göl ətrafı sıx meşəliklə örtülüdür.
| Ada Safari gölü | |
|---|---|
| serb. Ада Сафари | |
 | |
| Ümumi məlumatlar | |
| Sahəsi | 0,06 km² |
| Orta dərinliyi | 2 m |
| Yerləşməsi | |
| 44°47′33″ şm. e. 20°24′59″ ş. u. | |
| Ölkə |
 Serbiya
|
|
|
|
Tarixi
Keçən əsrin əvvəllərinə kimi gölün olduğu ərazidə təbii depresiya ərazisi mövcud idi. Yaz aylarında depresiya bataqlıq əraziyə çevrilirdi. Yerli əhali bataqlığı Savska bara adlandırırdı.
70-ci illərin sonu, 80-cı illərin əvvəllərində bataqlıq tam qurumuş və yerində əyləncə parkı salınmışdır. Sonralar park bağlanmış və yenidən ərazidə bataqlıq formalaşmışdır.
90-cı illərin əvvəlində yenidən Sava çayının yatağı təmizlənmiş və bataqlıq ərazisində göl formalaşmışdı. 1994-cü ildən təmizlənmiş göl Ada Safari adlandırılmışdır.
Turizm
Göl ətrafında piyada gəzinti üçün yollar mövcuddur. Yollardan il boyu istifadə mümkündür. Göl yaxınlığında uşaqlar üçün teatr meydançayı var. Yay aylarında daha çox turist cəlb edən göl ərazisində restoran fəaliyyət göstərir.
Faunası
Göl suyunda əsasən karp, lilbalığı və gümüşü daban balığı üstünlük təşkil edir. Göldə balıq tutmaq üçün xüsusi icazə almaq lazımdır. Populyasiyanı qorumaq üçün göldə balıq tutmağa ciddi nəzarət olunur. Balq tutulduqdan sonra suya buraxılır. Ancaq 5 kq qədər olan balıqları satın almaq mümkündür. Ada Safari Serbiyada ilk göldürki, bu qayda tətbiq olunub.
2007-ci ildən Ada Safari gölündə balıqçılar klubu fəaliyyət göstərir.
İstinadlar
- . www.beogradskajezera.com. 2012-12-28 tarixində . İstifadə tarixi: 2012-12-28.
- . www.adaciganlija.rs (serb). 2013-07-18 tarixində . İstifadə tarixi: 2013-07-18.
- . www.adasafari.co.rs (serb). 2012-10-29 tarixində . İstifadə tarixi: 2012-10-29.
- . www.beogradskiizlet.rs (serb). 2012-12-28 tarixində . İstifadə tarixi: 2012-12-28.
- . ribolovackaprica.cdsvranje.net. 2014-07-11 tarixində . İstifadə tarixi: 2014-07-11.,
- . www.nacionalnarevija.com. 2016-03-08 tarixində . İstifadə tarixi: 2020-08-24.
- . www.nacionalnarevija.com. 2016-03-08 tarixində . İstifadə tarixi: 2020-08-24.
- . Ada Safari (ingilis). 2024-05-11 tarixində . İstifadə tarixi: 2024-05-04.
- . www.adasafari.co.rs (serb). 2012-09-29 tarixində . İstifadə tarixi: 2012-09-29.