1991-ci ildə yaradılmış Aşağı Kama Milli Parkında Tatarıstanın zəngin meşə örtüyü və çay subasar əraziləri qorunur. Bu ərazilərin elmi, rekreasiya, təhsil və mədəni məqsədlər üçün istfadəsi nəzərdə tutulmuşdur.

Park Tatarıstanın şimal-şərqində, Şərq Ön Kama və Şərq Kama bölgələrində yerləşir. Kama çayı ilə yanaşı park ərazisindən onun qolları olan Toyma, Kriuşi, Tanayki və Şilninki çaylar axır. İnzibatı ərazi baxımdan park iki inzibati rayonun ərazisində yerləşir - Tukaev və Elabuj. Milli parkın ərazisi — 26460 hektardır.

Ərazi yayı isti, qışı isə soyuq keçən mülayim-kontinental iqlimə malikdir. Qışda davamlı qar örtüyü yaranır. Relyef və böyük sahəyə malik Nijnekamsk su anbarı yerli iqlim əmələ gətirən amillərdəndir. Bölgənin iqliminə qərb hava kütlələri yumşaldıcı təsir göstərir. İlin ən isti ayı iyuldur. Orta aylıq temperatur 19,6 dərəcədir. Ən soyuq ay isə yanvar olub, orta temperatur — 13,8 dərəcədir.

Park üç təbii zonanın sərhəddində yerləşir: enliyarpaqlı, enliyarpaqlı-iynəyarpaqlı və çəmən-çöl. Park ərazisində müxtəlif təbii-landşaft kompleksləri formalaşıb. Ərazidə 650 ali bitki, 150 dən çox şibyə və mamır növü qeydə alınmış. 86 bitki növü Tatarıstanın Qırmızı kitabına düşüb.

Parkın faunası Rusiyanın avropa hissəsinin şərqi üçün xarakterikdir. 44 növ məməli heyvan var. Bunlardan sığın, cüyür, çöldonuzu, vaşaq, porsuq, dələ və s. park ərazisində daha geniş yayılıb. Su hövzələrində qunduz, , susamuru üstünlük təşkil edir.

• 2018-04-16 at the Wayback Machine