Ağa Zeynallı 20 iyun 1952-ci ildə Kürdəmir şəhərində anadan olmuşdur. Orta təhsilini keçmiş 13 saylı, indiki 6 saylı dəmiryol orta məktəbində almışdır. 1977-ci ildə Bakı Dövlət Universitetini fərqlənmə diplomu ilə bitirmişdir. İxtisasca tarixçidir.

Ağa Zeynallı 31 may 2023-cü ildə Kürdəmir şəhərində vəfat etmiş, orada da dəfn olunmuşdur.

Kürdəmir tarixinin tədqiqinə tələbəlik illərindən başlamışdır. XX əsrin 80–90-cı illərində mətbuatda bununla bağlı silsilə yazıları dərc edilmişdir. 15-ə qədər kitabın müəllifidir.

Azərbaycan Yazıçılar Birliyinin üzvüdür.

Ağa Zeynallı əslən Şamaxının Sarıtorpaq məhəlləsindən, şair Məhəmməd Hadi şəcərəsindəndir.

• Kürdəmir faciəsi və Qafqaz islam ordusunun qurtuluş savaşları (1918). Bakı: Şirvannəşr, 2010, 195 səh.
• Kürdəmir 1883–1923-cü illərdə. Bakı, 2011
• Yaşamaq yanmaqdır yanasan gərək. Bakı, 2012
• Kürdəmir və Kürdəmirlilər Soykökümüz Mənşəyimiz. Bakı, 2013
• Kürdəmir xanlıqlar dövründə və müridizm hərəkatında (1743–1883). Bakı: Elm və təhsil, 2013, 160 səh.
• Kürdəmir 1923–1963-cü illərdə. Bakı, 2014
• Kürdəmirin tarix yaradan oğlu Mustafa Mahmudov. Bakı, 2014
• Kürdəmir təhsilinin tarixi. Bakı: Elm və təhsil, 2015, 279 səh.
• Məktəb tariximiz, müəllimlərimiz, müqəddəslərimiz. Bakı: Elm və təhsil, 2016, 239 səh.
• Kürdəmir səhiyyəsinin tarixi. Bakı, 2017
• Heç nə unudulmur, heç nə yaddan çıxmır. Bakı: Elm və təhsil, 2018, 159 səh.
• Ömrün müdrik çağı İsa Hacıyev 90. Bakı, 2019
• Kürdəmir: Açılmamış səhifələrin izi ilə. Bakı, 2022
• Getmək istəyirsən bəhanəsiz get. Bakı, 2023

• "Qızıl Qələm" media mükafatı — Bakı, 2010
• "Şöhrət mükafatı" — Bakı, 2015
• "Məmməd Əmin Rəsulzadə" Müstəqil Milli mükafatı — Bakı, 2018