Film 1993-cü il martın 30-dan mayın 23-nə kimi Laçın rayonunun şimal hissəsi və Kəlbəcər rayonunun işğalı zamanı erməni mühasirəsində qalan 19 nəfərin başına gələn müsibətləri əks etdirir. Burada Laçın rayonunun Oğuldərə kənd sakini Əli Əliyev və onların arasında yeganə qadın olan Nübar Rzayevanın (cəmi 19 nəfər) mühasirənin dəhşətlərindən bəhs edən fikirləri yer alıb. Bir ailənin timsalında millətin yaşadığı ağlasığmaz hadisələr, torpaqların itkisi ilə bərabər insanların aldığı psixoloji zərbələr də filmdə yer alan əsas məqamlardır. Əli Əliyevin mühasirə zamanı cib kitabçasında etdiyi qeydlər, mühasirədən çıxandan sonrakı ilk günlərdə çəkilmiş fotoşəkillər, onunla birgə mühasirədə olmuş şəxslər haqqında məlumatlar, eləcə də erməni işğalı zamanı ailəsinin üzləşdikləri çətinliklərin lentə alındığı kadrlar da nümayiş olunub.

Real faktlara əsaslanan filmin çəkilməsində əsas məqsəd erməni vəhşiliklərini dünya ictimaiyyətinə çatdırmaqdır.

• Film millət vəkili Nazim Fərəcovun təşəbbüsü ilə ərsəyə gəlib.
• Əli Əliyev həmçinin "54 gün erməni mühasirəsində" adlı kitab da yazmışdır.
• Əli Əliyev 24 il sonra, 2017-ci ilin iyul ayında avto qəza nəticəsində vəfat etmişdir.

Rejissor: Mirsadıq Ağazadə
Ssenarist: Vəsilə Vahidqızı
Operator: Manaf Quliyev, İlham Cabbarov, Anar Ağazadə, Zaur Hüseynov

1. . 2016-03-04 tarixində . İstifadə tarixi: 2012-12-07.
2. “54 gün mühasirədə” filminin təqdimatı olmuşdur: [rejissor Mirsadıq Ağazadənin eyniadlı sənədli filmi] //Azərbaycan.- 2012.- 11 dekabr.- S.7.
3. Osmanova, A. Erməni mühasirəsində qalan laçınlıların dəhşətli anları ekranlaşdırılıb: [rejissor Mirsadıq Ağazadənin “54 gün mühasirədə” sənədli filmi haqqında] //Mərkəz. — 2012.- 5 dekabr.- S.14.
4. . modern.az (Azərb.). 22.02.2016. 2016-03-30 tarixində . İstifadə tarixi: 23 fevral 2016.
5. ^{[ölü keçid]}
6. ^{[ölü keçid]}
7. . 2017-07-28 tarixində . İstifadə tarixi: 2017-08-07.