Zeynalova (Mahmudova) Vəsilə Vahid qızı (Vəsilə Vahidqızı; 19 avqust 1967, Laçın rayonu) — Azərbaycan jurnalisti, teleaparıcı, Diasporla İş üzrə Dövlət Komitəsinin şöbə müdiri, mətbuat xidmətinin rəhbəri.
| Vəsilə Vahidqızı | |
|---|---|
| Vəsilə Vahid qızı Zeynalova | |
| Digər adı | Vəsilə Mahmudova |
| Doğum tarixi | |
| Doğum yeri | Çorman, Laçın rayonu, Azərbaycan SSR |
| Vətəndaşlığı |
 SSRİ→ Azərbaycan
|
| Həyat yoldaşı | Hikmət Sabiroğlu |
| Milliyyəti | azərbaycanlı |
| Təhsili | BDU-nun Jurnalistika fakültəsi |
| Fəaliyyəti | jurnalist |
| Mükafatları |
|
Həyatı
Vəsilə Vahidqızı 19 avqust 1967-ci ildə Laçın rayonunda anadan olub.
BDU-nun jurnalistika fakültəsini fərqlənmə diplomu ilə bitirib.
1992–2002-ci illərdə AzTV-də, 2002–2003-cü illərdə , 2004-cü ildə "Space" TV-də çalışıb.
2005-ci ildən İctimai Televizya fəaliyyətə başladığı ilk gündən bu telekanalda işləyib. BBC-də və Yaponiyanın ictimai kanalı olan NHK-də təcrübə kursu keçib.
İctimai Televiziyada şöbə müdiri, eyni zamanda "Ortaq məxrəc", "Müzakirə vaxtı", "Xalq seçir", "Qarabağ: real tarix" verilişlərinin aparıcısı olub. Hazırda Diasporla İş üzrə Dövlət Komitəsinin mətbuat xidmətinin rəhbəri, komitənin İctimai Televiziya ilə birgə layihəsi olan "Vətən uzaqda deyil" verilişinin müəllifi və aparıcısıdır.
2010-cu ildə aparıcısı olduğu "Ortaq məxrəc" tok-şousu Ailə, Qadın və Uşaq Problemləri üzrə Dövlət Komitəsi, Heydər Əliyev Fondu və BMT-nin Əhali Fondunun birgə keçirdiyi "Azərbaycan ailəsi – 2010" kino festivalı müsabiqəsinin "Ən yaxşı televiziya proqramı" nominasiyasında qalib olub.
Xarici ölkələrdən, o cümlədən Yaponiya, Meksika, Kuba, İran, Türkiyə və s. hazırladığı verilişlər və bir sıra sənədli filmlər İTV-nin qızıl fondundadır. Qarabağ müharibəsindən bəhs edən neçə-neçə sənədli filmin, o cümlədən "54 gün mühasirədə", "İgidliyin zirvəsi", "Məhv edilmiş gələcək — Aygün", "Şamaxı soyqırımı" və başqa sənədli filmlərin ssenari müəllifidir.
2011-ci ildə İctimai Televiziyadakı fəaliyyətinə görə Azərbaycan Jurnalistlər Birliyinin Həsən bəy Zərdabi mükafatını alıb. Azad, məsuliyyətli və peşəkar jurnalist fəaliyyətinə görə dövlət və qeyri-hökumət təşkilatlarının, jurnalist birliklərinin onlarla diplom və mükafatına layiq görülüb.
2015-ci ildə Azərbaycan Respublikasının Prezidenti İlham Əliyevin sərəncamı ilə ölkədə kütləvi informasiya vasitələrinin inkişafındakı xidmətlərinə görə "Tərəqqi" medalı ilə təltif edilib.
2021-ci ildən Diasporla İş üzrə Dövlət Komitəsinin şöbə müdiri, mətbuat xidmətinin rəhbəridir.
Ailəsi
Jurnalist Hikmət Sabiroğlunun həyat yoldaşıdır. Bir oğlu var.
Filmoqrafiya
- 54 gün mühasirədə (film, 2012)
- (qısametrajlı sənədli film) (ssenari müəllifi)
Xarici keçidlər
İstinadlar
- . 2010-12-28 tarixində arxivləşdirilib. İstifadə tarixi: 2011-04-05.
- "Məhv edilmiş gələcək — Aygün" sənədli filminin təqdimatı: [rejissor Mirsadıq Ağazadənin quruluşunda er-məni terrorunun qurbanı olan 11 yaşlı Aygün Şahmalıyevanın faciəsindən bəhs edilən, hazırlanan eyniadlı film haqqında] //Mədəniyyət.- 2012.- 20 iyul.- S. 6; Kaspi.-2012.- 19 iyul.- S. 15.
- . Musavat.com. 2024-05-20 tarixində . İstifadə tarixi: 2024-05-20.
- . Qafqazinfo.az. 2024-05-20 tarixində . İstifadə tarixi: 2024-05-20.
- . 2024-05-20 tarixində . İstifadə tarixi: 2024-05-20.
- . 2023-06-27 tarixində . İstifadə tarixi: 2024-05-20.