Əhəd Hüseyni 1944-cü ildə Qərbi Azərbaycan ostanının Təbriz şəhərində anadan olmuşdur.

2 illik hərbi xidmətini Xəzər sahillərindəki ucqar kənddə əsgər-müəllim olaraq etmişdir. Buradakı sakit və məşğuliyyətsiz zamanı çox olduğu üçün heykəltaraşlıqla məşğul olmağa başlamışdır. Onun ilk əsərləri Albert Eynşteynin, Bertrand Rasselin, Bethovenin və doktor Albert Şveytserin heykəlləri olmuşdur. Hərbi xidmətini tamamladıqdan sonra qısa müddət Tehrandakı atelyesində çalışmışdır.

1972-ci ildə İtaliyadakı İncəsənət Akademiyasında (Accademia di Belle Arti) təhsil almışdır. Təbrizə geri döndükdən sonra mütəmadi şəkildə heykəltaraşlıqla məşğul olan Əhəd Hüseyni bu dövrdə 12 heykəldən ibarət olan və "Səfalət zəncirləri" adlanan əsərini yaratmışdır. O, bu əsərini Azərbaycan muzeyinə hədiyyə etmişdir. O, bu əsərinə daxil olan heykəlləri tuncdan və üzlərində insanın ağrı-acılarını göstərən şəkildə yaratmışdır.

Əhəd Hüseyni 1980–1982-ci illərdə Təbrizdə heykəltaraşlıqdan dərs demiş və bu müddət ərzində "İncəsənət nədir?" adlanan kitabını yazmışdır.

Bundan sonra Türkiyəyə köçmüşdür. Türkiyədə yaşadığı dövrdə İstanbul Universiteti üçün bəzi heykəllər yaratmışdır. Onun İstanbul Universiteti üçün yaratdığı "Düşünən adam" heykəli İstanbul Universitetinin Siyasi Elmlər fakültəsində saxlanılır.

1984-cü ildən 1990-cı ilə qədər Əhəd Hüseyni Fransanın Paris şəhərindəki Dekorativ İncəsənət Məktəbində (École nationale supérieure des arts décoratifs) həm işləmiş, həm də təhsil almışdır. Yaradıcılıqla burada da məşğul olan Əhəd Hüseyni, 1993-cü ildə Fransa TV üçün 60 xüsusi masqa düzəltmişdir. Mona Liza heykəlini 1995-ci ildə Parisdə olarkən düzəltmişdir.

1990-cı ildə İrana geri dönmüşdür. Hal-hazırda Təbriz 9-cu Məntəqə Bələdiyyə İdarəsinin təşəbbüsü ilə Təbrizdə divar üzərində Azərbaycanın görkəmli şairi Məhəmməd Hüseyn Şəhriyarın "Heydər babaya salam" poemasının personajlarına uyğun heykəllər hazırlayır.

Əhəd Hüseyninin əsərləri bir çox fransız incəsənət sərgilərində nümayiş edilmişdir:

• Unesko (1986)
• Morangis (1987)
• Ris Orangis (1988)
• Doaine ä Arcueil (1994)
• Cachan teatrı (1995)
• Honqrios Universiteti və Bernanos Qalareyası (1996)

• Dünyadakı iztirab: Cəhalət, Müharibə, Səfalət zəncirləri, Səfil, Aclıq, Siyasi məhbus, Kristal top, Əhali artımı, İrqçilik, Ölümün 5 monsteri, Təşviş və ömrün payızı
• Böyük həyat və onun problemləri toplusu (Azərbaycan muzeyi)
• Mona Liza heykəli ()
• Xəqani heykəli
• Qonqa heykəli

• Azərbaycan muzeyindən Təbrizin qonqasına qədər
• İncəsənət nədir?

Əhəd Hüseyninin məşhur əsərlərinin şəkilləri:

•  
  "Təşviş və ömrün payızı"
•  
  "Müharibə" heykəli
•  
  "Mona Liza" heykəli
•  
  "Düşünən adam" heykəli
•  
  "Müharibə" heykəli
•  
  "Siyasi məhbuslar" heykəli

• 2019-07-12 at the Wayback Machine