Salam. Bu məqalədə Kateqoriyalar-dan Əruz vəzni, Seyid Əzim Şirvani və Nəcəf bəy Vəzirov-u çıxarmısız. Məncə, bu səhifələrin, ələlxüsus da ƏRUZ VƏZNİ mövzularının yox səviyyəsində olması ilə "barışmaga" tələsməyək. Hal-hazırda, Bəxtiyar Məmmədzadənin əruz vəzni, bədihə və meyxana haqda olan məqalələrinin (əlyazmasının) elektron versiyasını hazırlayıram. Oxumaqdan zövq aldıgınız dahi Füzulidən də orada bir çox sitat və nümunələr var. Həmçinin, Seyid Əzim Şirvani yaradıcılıgında müzakirə oluna biləcək ədəbi-bədii, üslub, vəzn təhlili (bəhrlərlə nümunələr göstərilməklə) və sr. bu kimi mövzulara ətraflı toxunan yazının da elektron versiyasını hazırlayırıq. Kateqoriyalarda O göndərişləri bərpa edin ki, hazır məqalələri yerləşdirmək mümkün olsun. Hörmətlə, A.B.Məmmədzadə — Bu imzasız yazı ( • t) adlı istifadəçi tərəfindən əlavə edilib;

Salam. Bir daha sizi Azərbaycan dilində olan vikipediyada salamlayıram. Ədəbiyyat mənim maraq dairəmə daxil olan sahələrdən biridir. Ona görə vikipediyada bu sahəyə dair məqalələr üzərində işləyən hər yeni istifadəçi görəndə çox sevinirəm. Amma vikipediyanın öz qayda-qanunları, prinsipləri var. Həmin qaydalara görə bura şəxsi tədqiqat əsərləri yerləşdirilə bilməz. Məlumatlar sırf ensiklopedik olmalı və informativ xarakter daşımalıdırlar. Lakin məqalələrdə dəqiq istinadlar göstərilməklə müəyyən müəlliflərin əsərlərindən - məqalələrindən, kitablarından sitat gətirmək olar. Mən çox istərdim ki, siz əvvəlcə Vikipediya:Vikipediya nə deyil prinsipi ilə tanış olasınız. Əgər nə isə sualınız və ya sizə aydın olmayan məsələlər olsa çəkinmədən mənə və bizim digər fəal istifadəçilərimizə müraciət edə bilərsiniz. Hörmətlə:--Sortilegus 22:27, 13 fevral 2012 (UTC)