Xoş gördük. Bir müddət öncə Azərbaycanın Qax rayonundan olan Solmaz Elqızı adlı şairənin səhifəsini yaratdım, amma səhifə silinib. Bildirim ki, şairə Solmaz Elqızı səhifəsində şairənin çap edilən kitabları, Azərbaycanda və bir sıra digər ölkələrdə çap edilən əsərləri, mətbuatda haqqında məqalələri, eləcə də təltif və mükafatlarını mənbələri ilə birlikdə göstərmişdim. Bildirim ki, vikipediada bir sıra elə şairlərin səhifələri var ki, yaradıcılıqları Solmaz Elqızından daha az tanınır, amma səhifələri silinməyib.Bilmək istərdim ki, Solmaz Elqızı səhifəsinin silinməsinə səbəb nədir? Öncədən sayqılarımı yetirirəm. () 11:09, 7 avqust 2023 (UTC)

Salam. Müraciətiniz üçün təşəkkür edirəm. Məqalə Silinməyə namizəd səhifələr bölməsində aparılmış müvafiq səsverməyə əsasən silinmişdir. Həmin müzakirə ilə buradan tanış ola bilərsiniz. Azərbaycanca Vikipediyada, ensiklopedikliyi şübhə doğuran onlarla məqalələr gün ərzində SNS namizədi kimi təqdim edilir və bunların əksəriyyəti silinir. Təəssüflər olsun ki, hər bir məqalə haqqında detallı araşdırma, dəyərləndirmə aparmaq hər zaman mümkün olmur. Bir inzibatçı kimi mənim vəzifələrimdən biri SNS-də məqalə sıxlığının qarşısını almaq və oradakı başlıqları müvafiq qaydada sonlandırmaqdır. Əgər hesab edirsinizsə ki, məqalə mütləq formada bərpa olunmalıdır, sizdən rica edirəm ki, Bərpa üçün namizəd səhifələr bölməsinə müraciət edəsiniz. Hörmətlə:— Baskervill (müzakirə) 11:15, 7 avqust 2023 (UTC)

Öncə cavabınız öçün sayqılarımı yetirirəm. Sadəcə mənə maraqlıdır ki, məsələn dırnaqarası şairə kimi təqdim edilən Günel Mövlud kimi birisinin səhifəsi nədən silinmir, amma Solmaz Elqızı kimi bir şairənin səhifəsi silinir. )) Bir daha sayqılarımı yetirirəm () 11:24, 7 avqust 2023 (UTC)

Xahiş edirəm, nəzakət qaydalarına diqqət yetirin və müzakirələrə elə qoşulun. Gadir (müzakirə) 11:31, 7 avqust 2023 (UTC)

Sizi başa düşürəm, . Belə cavabsız suallar çoxdur. Azərbaycanca Vikipediyadada prosesləri səsvermə hüququ olan vikipediyaçılar yönləndirir və qərarları onlar verirlər. Hesab edirəm ki, Günel Mövlud və ya başqa bir şairə, yazıçı haqqında məqalənin mövcud olmasının sizin məqalə ilə bir əlaqəsi yoxdur. — Baskervill (müzakirə) 11:38, 7 avqust 2023 (UTC)

salamlar, ensiklopedik olmadığını düşündüyünüz məqalələri siz də silinməyə namizəd göstərib müzakirəsini apara bilərsiniz. sonda icma qərar verəcək, ya saxlanılacaq, ya da silinəcək. Atakhanli (müzakirə) 11:44, 7 avqust 2023 (UTC)

Qüvvədə olan qaydaların tələblərinə görə təqdim edə bilməz, iştirak edə bilməz. Qaydalara əsasən namizədliklər və arqumentlər ləğv edilməlidir.

  Qeyd: Bu limit məsələsini ləğv etmək lazımdır. Gadir (müzakirə) 11:58, 7 avqust 2023 (UTC)