Hörmətli Araf. Rövşən Abdullaoğlu adlı yaratmış olduğunuz məqaləni bir neçə dəfə oxudum. Təssüf ki, onu saxlamaq üçün əsas tapa bilmədim. Aşağıdakı səbəblərə görə həmin məqalə silindi :

1. Azərbaycan vikipedisaında ensiklopedik şəxsləri müəyyənləşdirən səhifədəki şərtlərə[[1]] cavab vermədi.
2. Həmin şəxsin kitab müəllifi olması təqdirəlayiq haldır. Ancaq o cəmiyyətdə heç bir fəaliyyətlə tanınmır və hələki maraq kəsb etmir. Vikipediyaya bir qayda olaraq artıq fəaliyyəti ilə cəmiyyətdə tanınan şəxslər haqqında məqalə yaradılır.

Sizə azərbaycanca vikipediyada yeni-yeni məqalələr yaratmağı və redaktələr etməyinizi arzu edirik. Suallarınızla istənilən idarəçiyə müraciət edə bilərsiniz. Hörmətlə azərbaycanca vikipediyada idarəçilərindən biri --Acategory (talk) 09:04, 26 mart 2014 (UTC)

Bir daha salam. Cavab verdiyiniz üçün minnətdaram . Ayrıca cavab verməyiniz sağlam müzakirə mühitinin olmağından xəbər verir. Həmişə də bu cür olmasını arzu edirəm.
Yazdıqlarınızı tamlıqla oxudum. Verdiyiniz istinadlar faydalı oldu. Bunun üçün də ayrıca təşəkkürlər. Şəxslərin ensiklopedik əhəmiyyəti mövzusunu da incəliklə oxudum, maraqlı idi. Məncə mənim yaratmaq istədiyim səhifə kənara çıxma deyildi, nizamnamə standartlarına uyğun bir şəxsiyyətdir. Gəlin onu da nəzərə alaq ki, yüzdə yüz uyğun kriteride uyğun gələn şəxsiyyətlər çox azdır. Əgər həmin kriteriləri tamlıqla incələsək və böyük bir həssaslıqla üzərində dursaq, onda bu ensiklopediyada yerləşdirilən bir çox şəxsiyyətlər haqqında məlumatları silmək məcburiyyətində qalmalıyıq.
Digər tərəfdən siz "Həmin şəxsin kitab müəllifi olması təqdirəlayiq haldır. Ancaq o cəmiyyətdə heç bir fəaliyyətlə tanınmır və hələki maraq kəsb etmir" formasında bir arqument gətirmisiniz. Əgər bu prizmadan baxsaq onda televiziyada görsənən insanlardan başqa heç kəsə səhifə açılmalı deyil. Çünki bir çoxları elmi fəaliyyətlə məşğul olsalar da cəmiyyətdə tanınmırlar. Biz neyleyek ki, insanların maraqları öz alimlərini, yazarlarını tanımaqdan çox şou proqramlarının aparıcılarını, onların şəxsi həyatını maraqlanmağa yönəlib. Nizamnamədə də qeyd olunub ki, bir insanın televiziyada görsənməməsi onun ensiklopedik əhəmiyyətli olmaması mənasına gəlmir. Məndə bununla tam razıyam. Çünki bir yazar oxucular arasında tanınar, yazarların o qədər maddi vəsaiti yoxdur ki, özünü televiziyada reklam etdirsin. Yəqin ki siz də bu fikirlə tam razılaşarsınız.
Əgər bir yazar ömrünün bu yaşında 20-ə yaxın kitab yazıbsa, deməli bu şəxs artıq cəmiyyətdə tanınır. İndi burada başqa bir mövzu da ortaya çıxır. Əgər cəmiyyət dedikdə kitabdan uzaq olan insanlar nəzərdə tutulursa onda sizinlə TAM razıyam, çünki onlar öz yazarını tanımayacaqlar. Yox əgər cəmiyyət dedikdə kitabsevərlər, kitabçılar, kitabla bilavasitə rabitədə olan insanlar nəzərdə tutulursa onda onlar yazarını tanıyacaqlar. Siz Bakı şəhərindəki istənilən kitab mağazasına yaxınlaşıb həmin yazarı, onun kitablarını, oxucularda nə qədər maraq doğurduğunu maraqlana bilərsiniz. Siz bu yoxlamanı "Akademiya", "Akademkitab", "Kitab evim" dən tutmuş, Əli və Ninonun istənilən kitab mağazasında, Azərbaycanda online satış ilə məşğul olan saytlarda apara bilərsiniz. Bəzi düknanlarda yazarın ayrıca vitrinlərini də görə bilərsiniz. Əgər bir yazarın kitablarına maraq yoxdursa, həmin yazar təbii ki indiyə kimi 20-ə yaxın kitab yazmazdı. Digər tərəfdən yazarın kitablarının yaxın zamanlarda Türkiyədə çapdan çıxması artıq onun fəaliyyətindən, kitablarına olan maraqdan xəbər verir.
Sizin hər səhifəsi yaradılan insan barəsində bu qədər incəliklə araşdırma aparmağınız təqdirə layiqdir. Düşünürəm ki, mən yetərli arqument gətirdim və sizlər buna hörmətlə, tərəfsiz yanaşacaq və səhifəni bərpa edəcəksiniz.
Azərbaycandakı patensiallı insanları tanıtmaq, onlara şərait yaratmaq bir Azərbaycanlı kimi sizli bizli hər kəsin borcudur. Başqaları qondarma şəxsiyətlərini (ermənilər kimi) şişirdib önə verdikləri, özlərinin olmayan dəyərləri öz adlarına çıxartdığı bir dövürdə, bizlər öz yazarlarımıza, potensiallı insanlara laqeyid qalmamalı və onları nəinki ölkəmizdə hətta dünyada belə tanıtmalıyıq. Bütün bunları nəzərə aldıqda azərbaycan oxucusuna bu qədər əsər bəxş etmiş insanı səhifədən məhrum edə bilmərik. Ona görə də xahiş edirəm ki, mövzuya yenidən baxılsın və səhifə bərpa olunsun. İrəli mərhələlərdə məm bu yazarla bağlı bütün yenilikləri daima səhifəyə yerləşdirəcəm. Siz də şahid olacaqsınız ki, bu yazarın səhifəsinin bərpası ilə bağlı vaxtında doğru qərar vermiş oldunuz. Hər şey üçün təşəkkürlər...-- () 11:08, 26 mart 2014 (UTC)

Salam Araf. Gətirdiyiniz əlavə dəlillərə görə Rövşən Abdullaoğlu məqaləsi bərpa edildi. Ancaq onu ensiklopedik səviyyəyə çatdırmaq üçün üzrəində işlənməsinə ehtiyac vardır. Hörmətlə --Acategory (talk) 07:00, 29 mart 2014 (UTC)
Hörmətli admin . Fikirlərimizi nəzə aldığınız, müzakirələrə həmişə açıq və bitərəf olduğunuz üçün sizə minnətdaram. Məncə bu bir insanda olabiləcək ən üstün xüsusiyyətdir. Təşəkkürlər...
-- () 08:34, 29 mart 2014 (UTC)

Hörmətli Araf. Redaktə etdiyiniz Rövşən Abdullaoğlu məqaləsində onun nəşr etdirdiyi kitabların nəşr tarixini, nəşriyyatlarin adlarını və nəşr edilən şəhərin adlarını göstərməyinizi xahiş edirəm.--Acategory (talk) 11:21, 29 mart 2014 (UTC)
Salam əziz admin . Təklifiniz üzərində işləyirəm, yaxın günlərdə tamamlayacam. Səhifənin daha mükəmməl olması üçün yeni təkliflərinizi də eşitmək istərəm. Hələlik-- () 11:34, 30 mart 2014 (UTC)
Bir daha salam hörmətli admin. Mən hər dəfə sizinlə əlaqə saxlamaq istədikdə, deyək ki, sualım olduqda, məsləhət və ya fikrini öyrənmək istədikdə bura yazmalıyam? Əlavə bir bir rabitə yolu varsa(daha şəxsi yaza biləcəyim), zəhmət olmasa məni istiqamətləndirərdiniz.

Salam hörmətli Araf. İstənilən məsələ üzrə müraciət edə bilərsiniz. Ancaq mənim müzakirə səhifəmə yazmağınızı xahiş edirəm. --Acategory (talk) 12:00, 30 mart 2014 (UTC)
Mümkünsə istinad (sılka) verərədiniz, hara yazmağımla bağlı. Orda yazacaqlarımı hamı görür, yoxsa ancaq siz? -- () 12:09, 30 mart 2014 (UTC)

Salam hörmətli . Necəsiniz? Mən bu günlərdə yazar Rövşən Abdullaoğlu səhifəsini tamamladım. İmkanınız olsa səhifəyə baxar irad və təkliflərinizi verərdiniz. Fikirləriniz müsbət olsa sonda şəkil bölməsini də axtivləşdirərdim. Öncədən təşəkkürlər. -- () 06:30, 26 iyun 2014 (UTC)

Hörmətli Acategory. Biz bir dəfə sizinlə yazıçı Rövşən Abdullaoğlunun səhifəsinə görə danışmışdıq. Təkrar sizə məktub yazmaq xoşdur. Ancaq bu mövzuda yazmaq istəməzdim. Müzakirələrdən sonra siz yazıçının səhifəsinin saxlanılması qərarına gəldiniz. Ondan sonra mən də sizə söz verdiyim kimi yazını daha da genişləndirdim. Yazıçının indiyə kimi çıxmış olan bütün kitablarına internet səhifələrindən istinadlar gətirdim. Müxtəlif illərdə çıxmış bütün təkrar nəşrlər haqqında məlumat daxil etdim. Xarici istinadlar, Türkiyədə başqa saytlarda yazıçının çıxmış yazılarını da istinad şəklində yazıya əlavə etdim. Diqqətiniz ona da çəkim ki, sizinlə olan ilk müzakirəmizdən bu günə bu silsilə davam edir: yeni kitablar çıxır, yazıçının hazırda kitablarının rus və türk dillərinə tərcüməsi aktiv bir şəkildə davam etdirilir, onların Rusiyada və Tükiyədə çapları planlaşdırılır, yazarın Türkiyədə tanınması ilə bağlı işlər, danışıqlar gedir. Biz mərhələ-mərhələ bütün yenilikləri yazıya əlavə edəcəyik. Ancaq bizim bütün bu işlərimizin çoxluğu içində birdə bizi narahat edən, bizim düşüncələrimizi qarışdıran, bizə yer edən başqa bir məqamda vardır. İstədim bu narahatçılığı sizinlə bölüşüm. Bu narahatçılıq bizim yazıya olunan xəbərsiz (səbəb göstərmədən) düzəlişlər və ən əsası yazının üzərinə yazılmış “ bu şəxsin ensiklopedik olmasına dair şübhələr var... məqalə silinə bilər” cümləsidir. Biz sizinlə bu barədə bir dəfə müzakirə aparmışdıq. Siz razılıq verdiniz indi bir digəri şübhə altına aldı. Məni maraqlandıran məqam bu müzakirələrin nə zamana qədər davam edəcəyidir? Mənə yazının üzərində istinad göstərilmişdi. Mən o istinadda bizim məqalə ilə ziddiyyət təşkil edən bir məqamla rastlaşmadım. Görəsən nəyə görə biz öz yazıçılarımıza qarşı bu qədər laqeyidik? Biz bu günlərdə vikipediyanın türk adminləri ilə danışıqlar aparırıq. İlkin mərhələdə bir məktub sonrasında onlardan müsbət cavab almışıq. Öz məmləkətimizdə isə yazıçının ensiklopedik olmasına dair şübhə olunur. 4 il ərzində müxtəlif səpkilərdə 20 elmi kitabı çıxan, əksər kitabları 2, 3, 4- cü təkrar çapa girən, bu müddət ərzində 35 000 üzəri kitab satışı etmiş bir Azərbaycanlı yazıçı öz yurdunda kim tərəfindən ensiklopedik olmasına dair şübhə oluna bilər? Bəlkə də Türkiyə kimi bir ölkə üçün bu rəqəm xırda görsənə bilər. Ancaq Azərbaycan üçün çox böyük bir rəqəmdir. Mən özüm nəşriyyat evinin əməkdaşıyam. Bütün günü kitabların, yazarların içindəyəm, hansı yazarın neçə kitabının işıq üzü gördüyünü, nə qədər satış etdiyini, nə qədər sevildiyini yaxşı bilirəm. Yəni bu heç sirr də deyildir. Azərbaycanlı yazarlar özləri bunu etiraf edirlər. Əgər Rövşən müəllim haqqındakı yazı şübhə altına düşürsə, onda vikipediyadakı bütün Azərbaycanlı yazıçı səhifələri silinməlidir. Müasir dövrun yazarları tamlıqla 1 uzaqı 2 nəfər istisna olmaqla silinməlidir. Köhnə yazarların isə hazırda elə də fəaliyyətləri yoxdur. Çıxın çölə görün gənc nəsil onlardan kimi tanıyır??? Bu heç də yazıçların günahı deyil. Bir türk oxucusu Azərbaycanlı yazarının vikipediyada səhifəsi tapmazsa və ya şübhəyə alınmasını görərsə bizim millət haqqında nə düşünər? Düşünməzmi ki, bunlar öz yazarlarına qarşı niyə laqeyiddirlər. Bizlər papaqaltında yatanları önə çıxartmalıyıq nəinki önə çıxanları əzməliyik. Bizlər gələk ilk olaraq xaricdə tanınaq ki, ondan sonra ölkəmizdə də hamı bizlərə əl çalsın, “əhsən” desin? Rövşən müəllim bu fəaliyyətini başqa bir ölkədə etmiş olsaydı, az qala ona heykəl də qoyardılar ki sizin belə dinamik fəaliyyətiniz var, bu qədər kitab nəşr etmisiniz və sair. Bizdə isə bunların olunmaması bir yana hələ bir şübhə altına alanlar da var. Və bu şübhə vikipediyanın Azərbaycan nümayəndəliyindəndir, yəni özümüzdən. Necə deyərlər sapı özümüzdən olan baltalar. Günüzmdə bir çox şou adamlarının, bir iki bayağı mahnıdan başqa heç bir fəaliyyəti olmayan, ölkəyə heç bir xeyri olmayan, lakin gündəmdə olan, müəyyən vasitələrdən istifadə edib televiziyalardan düşməyən müğənnilərinin səhifəsi olduğu halda, insanların maariflənməsini öz çiyinlərinə götürmüş, cəmiyyətə faydası dəyən elm adamlarının, yazıçılarının səhifələrinin olmaması nə qədər doğru bir qərardır? Deyə bilərsiniz ki biz qadağan etmirik. Düzdür ancaq sizin kriterilere uyğun gələn elm adamı yoxdur ki. Hamısının üzərinə “şübhə”, fəaliyyətiniz yetərli deyil, küçədə gedən gənc sizi niyə tanımır, siz niyə gündəmdə deyilsiniz yazıb kənara atacaqsınız. Bu iradım birbaşa sizə deyil əlbət. Sadəcə yaza biləcəyim adam sizsiniz və sözünüzün təsirli olduğunu bildiyim üçün bu problemləri sizə yazıram. Bizlər öz yazıçılarımızın tanınması üçün bütün güclərimizi səfərbər etməliyik. Əgər belə olmazsa yeni nəsil, övladlarımız alim, yazışı, elm adamı olmaq yerinə müğənni, şou biznes əhli olmaq istəyəcəklər çünki onlar daha çox tanınır, televiziyalardan, gündəmdən də düşmür, respublikanın ensiklopediyası da onlara şübhə etmir, daha nə lazımdır ki... Bu millət öz alimindən, yazıçısından çox müğənnisini tanıyır. Çünki televiziya onları deyil də, müğənniləri göstərir, reklam edir. Səsi olan və olmayan, istedadlı və istedadsız, qabiliyyətli və müəyyən əyri yollarla gündəmə gələn, hamı bir-birinə qarışıb. Ancaq əlbət ki onların fəaliyyətləri də ötəri və tez unudulandır. Ötəri həvəs kimi gəliblər, bu gün varlar, sabah isə yoxdurlar. Hər şey bir yana. Bizim üçün mühüm olan sizin kimi ziyalıların bu vəziyyətdə hansı mövqeni tutmasıdır. Ya öz yazarını şübhə altına alacaq, ya da onların tanınması üçün şərait yaradacaqsınız. Biz bir nəşriyyat evi kimi sizinlə hər çür əməkdaşlığa və müzakirələrə hazırıq. Ancaq bizcə özü üzərində mütəmadi olaraq işləyən, millətinə xidmət edən, qısa vaxt ərzində 20 ədər dəyərli elmi kitab ərsəyə gətirən bir yazıçının, elm adamının öz yurdunda fəaliyyəti şübhə altına alına bilməz. Bu bir mənalıdır. Əgər siz də səhifəni şübhə altına alan admin kimi fikirləşirsinizsə onda sizdən xahişim səhifəni bir dəfəlik silmənizdir. Biz bu müzakirələrdə yoxuq. Hər dəfəsində bu müzakirələrə vaxt qoymaq istəmirik. Nə öz vaxtımızı almayaq nə də ki sizin dəyərli vaxtınızı. Siz həmişə tərəfsiz olmusunuz. İnanıram ki siz bu müzakirələrə bir dəfəlik son qoyacaqsınız. Vaxtınızı aldığım üçün üzr istəyirəm.-- () 09:47, 18 aprel 2015 (UTC)

Hörmətli Araf. Vikipediya azad ensiklopediyadır və bu səbəbdən istənilən istifadəçi istənilən məqaləni redaktə edə və fikir bildirə bilər. Məqaləyə baxdım, hesab edirəm ki, onu saxlamaq olar. Təki Azərbaycanın dəyərli ziyallıları olsun. Hörmətlə --Acategory (müzakirə) 16:58, 18 aprel 2015 (UTC)

Hörmətli Acategory. Məsələyə münasibət bildirdiyiniz üçün təşəkkürlər. Cəmiyyətimizdə sağlam düşüncəli, müzakirələrə açıq insanların varlığı bizi sevindirir. Biz Sizi Rövşən müəllimin kitabları ilə tanış etmək istərdik. Mümkünsə əlaqə qurmağımız üçün əlavə bir istinad qoyardınız, Sizə kitab hədiyyəmiz olacaq bir nəşriyyat evi olaraq. -- () 15:09, 20 aprel 2015 (UTC)