Salam İstifadəçi:Cavid Sumqayıtlı. Sizi yenidən vikipediyaçılar arasında görməkdən çox şadıq. Siz öz istifadəçi səhifənizə {{tl:Şəxs}} şablonunu əlavə etmisiniz. Eynilə bizim bir Cavid adlı digər istifadəçimiz - İstifadəçi:Cavid Süleymanlı kimi. Amma bu şablon vikipediya istifadəçiləri səhifəsinə deyil, vikipediyada haqqında məqalə olan ensiklopedik şəxslər haqqında olan məqalələrə əlavə edilə bilər. Hörmətlə:--Sortilegus (talk) 23:31, 12 aprel 2014 (UTC)

Salam. Mənim tərəfimdən edilmiş 2910818 dəyişikliyi doğru deyil. Çünki diqqətlə fikir versəniz, görərsiniz ki, etdiyim dəyişiklik vikiqaydalara və dil qaydalarına tam uyğundur. Xahiş edirəm ki, bir daha bunu təkrarlamayın. Hörmətlə, --►Cekli829 04:24, 16 aprel 2014 (UTC)

• Mən tələsdim, sadəcə birinci "«»" işarələrini sildiyinizi gördüm, o birilərə fikir vermədim, bir növü "əlim dəydi", çünki "«»"-bu işarələrdə heç bir qramatik qayda pozuntusu görmürəm. O biriləri düzəltməkdə haqlısınız. —  Cavid Sumqayıtlı  09:31, 16 aprel 2014 (UTC)

«» işarəsi Kiril qrafikalı əlifba dövrünə aiddir. Latın qrafikalı əlifbamızda “” işarəsinə üstünlük verilir. --►Cekli829 09:18, 16 aprel 2014 (UTC)

Salam həmkar. Yaratdığınız Qafan kəndləri kateqoriyası əslində Qafan rayonunun kəndləri olmalıdır. Birini mən düzəldəcəm siz də Qafan rayonunun o biri kəndlərində düzəliş edin. Və Qafan rayonunun kəndləri edəndə həmin kəndlərdən Zəngəzur kəndləri kateqoriyasını çıxarın çünki Qafan rayonunun kəndləri kateqoriyası artıq Zəngəzur kəndləri kateqoriyası içərisində olacaq. --Araz Yaquboglu (talk) 08:02, 28 aprel 2014 (UTC)

Əleykümə salam, Araz Yaquboglu. Əslində "Qafan rayonu" Ermənistan inzibati bölgüsündə yoxdur, Sovet dövründəki "rayon" bölgüsü yığışdırılıb. Həmin ərazi və Zəngəzuru təşkil edən digər keçmiş rayonlar indi Sünik vilayəti (mərzi) adı altında birləşir, yəni "rayon" yazılması doğru deyil, baxmayaraq ki, həmin ərazilər Qafan kimi tanınır (Eyni hal Meğri rayonu, Qarakilsə rayonu, Gorus rayonu üçün də keçərlidir).

Mən vikipediyadakı Qafan rayonu məqaləsinin də adının dəyişdirilməsini təklif edirəm; Qafanı (eləcə də digər "rayon"ları) rayon kimi göstərmək düzgün deyil, sadəcə Qafan kimi göstərib kəndləri "Qafan kəndləri" kimi əlavə etmək ən düzgünüdür. Həmçinin şəhərin özünü də bir ad altında birləşdirmək doğru olardı, çünki dediyim kimi belə bir inzibati bölgü yoxdur.—  Cavid Sumqayıtlı  14:07, 28 aprel 2014 (UTC)

Onda bir az məsləhətləşib sonra redaktələri etmək lazımdır. Mövzuyla bağlı İstifadəçi:Asparux Xan Bulqar daha məsləhət verici olar. --Araz Yaquboglu (talk) 09:11, 28 aprel 2014 (UTC)

Asparux Xan Bulqar buyursun fikrini bildirsin. Məsəlçün, Sisiyanla bağlı rusdilli vikipediyada belə yazılıb: "Ранее входил в состав Сисианского района Армянской ССР и являлся его административным центром." Biz də belə bir qeyd edə bilərik, amma sırf rayon kimi göstərmək düzgün deyil, çünki bizim özümüzdən yeni bir inzibati ərazi vahidliyi yaratmaq ixtiyarımız yoxdur. Kateqoriya məsələsinə gəldikdə isə mən nəsə bacara bilmədim "alt kateqoriya" yaratmağı və həmin alt kateqoriyaya yerləşdirməyi. —  Cavid Sumqayıtlı  14:21, 28 aprel 2014 (UTC)

Hörmətli Araz bəy və Cavid bəy hər ikinizi salamlayıram. Qafan rayonu 1995-ci ilədək mövcud olmuş inzibati-ərazi vahidi kimi Tarixi ərazilər şablonu ilə yaradılıb. Onun haqqında məqalənin indiki inizbati ərazi təşkilinə aidiyyatı yoxdur. Sadəcə rayondan bəhs edilərkən həm girişdə bu vahiddəki məntəqələrin əvvəllər hansı inzibati vahidlərə daxil olduğu və hansı dövlətlər tərkibində olduğu verilməli və genişləndirilmiş məlumatlar bu vahidin mövcud olduğu dövrə aid olmalıdır (məsələn 1929-1995). Sonda (tarix bölümündə) vahidin ləğvindən sonra ərazisinin hansı yeni vahidə daxil olduğu göstərilməlidir.--Asparux Xan Bulqar (talk) 12:53, 28 aprel 2014 (UTC)

Hörmətli Cavid bəy, siz marzlar haqqında yeni məqalə yarada bilərsiz, anacaq məntəqələrin çoxu haqqında məqalə hazırda var və ola da bilər. Materiallar əlimdə kifayət qədər olsa da vaxtım az olur. Yoxsa onları yaratmaq üçün uzağı 1 aya ehtiyyacım var. Mən qətiyyən ana məqalə adı olaraq əski toponimlərin ermənicə yeni adlarla verilməsi əlehinəyəm. Ancaq məqalədə hansı tarixdən və necə olaraq toponimin dəyişdirildiyi göstərilməlidir ki, coğrafi aydınlaşdırma pozulmasın.--Asparux Xan Bulqar (talk) 12:59, 28 aprel 2014 (UTC)

Əgər istəsəz nümunə olaraq belə bir məqalə yarada bilərəm. Ardınca isə siz davam edə bilərsiz. Hər halda bütün vəziyyətlərdə kömək etməyə hazıram. Bizim Ermənistana aid fəaliyyətimizdə yeganə məqsəd bu vətən parçasına aid tariximizin unudulmamasıdır. Çünki həmişə qaranlıq olmur, zaman uyğun olanda gün çıxacaq və buna hazır olmaq lazımdır.--Asparux Xan Bulqar (talk) 13:03, 28 aprel 2014 (UTC)

Asparux Xan Bulqarın fikri ilə tam razıyam. Bir məsələ də var ki, bizim xalq o tarixi yurdları elə rayon kimi, kənd kimi, tarixi adları ilə tanıyırlar. Qərbi Azərbaycanla bağlı yaratdıöım şablonları da çalışmışam ki, tarixi adlarla göstərim. Biz tariximizi qorumalıyıq və sübut etməliyik ki, o kəndlərdə, rayonlarda, mahallarda Azərbaycanlılar yaşayıblar. --Araz Yaquboglu (talk) 13:18, 28 aprel 2014 (UTC)

• Mən də Ermənistan ərazisində olan yer adlarının, xüsusilə də mərzlərin (mahalların) adlarının "milliləşdirilməsinin" qəti əleyhinəyəm. Hərçənd ki, bəzi istisnalar var, kənd adlarıyla bağlı. Amma mahal məsələsində razı deyiləm. Məsəlçün, heç bir ehtiyac yoxdur ki, Vayots Dzor mahalının adı "Dərələyəz mahalı" kimi qeyd olunsun. Fikrimcə, Dərələyəz mahalıyla bağlı ayrıca bir məqalə yaradılmalıdır (baxmayaraq ki, var), çünki ən azından tarixi Dərələyəz mahalıyla hal-hazırki "Dərələyəz mahalı" arasında fərq var. Ermənistan inzibati bölgüsündəki Dərələyəzlə tarixi Dərələyəzi qatışdırmaq olmaz, məzmun fərqi də var; qubernatorun (mərzpet) adı qeyd olunmalıdır, inzibati quruluşu, rəsmi saytı və s. Yəni hal-hazırki, Dərələyəzlə tarixi Dərələyəzi eyniləşdirsək, qarışıqlıq düşəcək. Razıyam ki, bəzi qeydlər edilməlidir, mən istədim yaradam gördüm bəziləri var, bəziləri də dəxlisiz mövzularla doludur (mərz qalıb bir tərəfdə tarix haqqında söhbətlər gedir).

Bilmirəm, fikrimi izah edə bildim ya yox, yəni onu demək istəyirəm ki, inzibati ərazi bölgüsüylə tarixi söhbətləri qarışdırmaq qarışıqlıq yaradır. Bilməyən adam girib Ermənistanın ərazi bölgüsü haqqında oxusa, elə biləcək hələ də rayonlar (Qafan rayonu, Gorus rayonu və s.) var, Dərələyəz var, və s. Nümunə üçün göstərə bilərəm ki, Sünik haqqında digərdilli məqalələrdə Sünik mərzi ilə Sünik tarix ərazisi haqqında ayrıca məqalə var. (Həmçinin bunu da nəzərinizə çatdırım: Azərbaycanca Sünik məqaləsi digərdilli Sünik tarixi ərazi məqaləsinə birləşdirilib, mərz məqaləsinə yox, amma Dərələyəz mahalı məqaləsi elə Vayots Dzora birləşdirilib.)

Bir məsələylə bağlı fikrinizi öyrənmək maraqlı olardı Araz Yaquboglu, Asparux Xan Bulqar bəylər; Mahal kimi dediyimiz bölgünü "mahal" deyə qeyd etmək lazımdır, yoxsa "mərz"? Çünki mərz sözünü (bax: mərzban) tarixdə də eşitmişik, amma hal-hazırda ümumişlək söz deyil, yəni bunu necə yazaq? Məncə, "mərz" də məqsədəmüvafiqdir; həm o tarixi mahalları fərqləndirmək üçün, həm də ki, bu rusun "область" sözü kimi bir şeydir, oblastı hər nə qədər "vilayət" kimi tərcümə etsək də, əsasən "oblast" kimi Rusiyaya xas inzibati bölgü kimi tanıyırıq. —  Cavid Sumqayıtlı  19:53, 28 aprel 2014 (UTC)

Hörmətli Cavid bəy, əgər münkündürsə mənə bir günlük (sabahadək) vaxt verin ki, mən səliqəsizlik olan Ermənistan səhifəsini bir az nizama salım. Sonra müzakirəni davam etdirək.--Asparux Xan Bulqar (talk) 15:44, 28 aprel 2014 (UTC)

Buyurun, Asparux Xan Bulqar bəy. —  Cavid Sumqayıtlı  22:30, 28 aprel 2014 (UTC)

Hörmətli həmkarlar bacardığım qədər (vaxtım azdır) kosmetik dəyişiklik etdim. İndi gəlin birlikdə pillə-pillə pilləkanları qalxaq. 1-ci məsələ inzibati-ərazi vahidləri: Mərz (Մարզ)-bu vahid haqqında kimin nə bildiyi var və bunun üçün hansı istinadları göstərə bilər lütfən bu məqaləyə daxil etsin. --Asparux Xan Bulqar (talk) 07:07, 29 aprel 2014 (UTC)

• Mən o məqaləyə ingiliscə vikipediyadan götürdüyüm xəritəni də əlavə etdim; mərzlərin yerləşmə bölgəsiylə bağlı. Amma mərzlərin adlarını necə yazacağımı bilmirəm, daha doğrusu həmin mərzlərin adı tarixi adlarla göstərilib, fikrimcə bu da haradasa qəbuledilməzdir, çünki dediyim kimi bu rəsmi olaraq belə gedirsə (istisnalar var), İcevan şəhərinə (bu ad elə Azərbaycan efirlərində də İcevan kimi səsləndirilir) Karvarvansaray, Vayots Dzora Dərələyəz mahalı yazılması düzgün deyil. Dediyim kimi bu barədə qeydlər yazmaq, hətta ayrıca məqalələr yaratmaq, yönləndirmələr və s. etmək olar, amma nə vaxtsa həmin ərazi bizim dildə adlanıb deyə o cür yazmaq düz deyil, onda gəlin Rustavini də Bostandərə, Ermənistanın adını dəyişib Qərbi Azərbaycan Respublikası edək. İstərdim, bu müzakirəni əlavələr olsa, elə həmin Ermənistan Respublikasının inzibati-ərazi bölgüsü məqaləsində aparaq, bu digərlərinin də fikrini öyrənmək baxımından yaxşı olar. —  Cavid Sumqayıtlı  13:56, 29 aprel 2014 (UTC)

Razıyam. Müzakirənin müvafiq məqalədəki bölməyə köçürülməsi məqsədə uyğundur.--Asparux Xan Bulqar (talk) 09:27, 29 aprel 2014 (UTC)

Salam. Siz gərək Qafan şəhəri haqqında yeni məqalə yaradaydız. Adını dəyişdiyiniz məqalənin tərkibi daha çox rayon haqqında idi. Burada da müzakirə etmişdik axı. İstərsiniz mən sizə kömək edim şəhər və rayon məsələsində. --Araz Yaquboglu (talk) 09:11, 30 aprel 2014 (UTC)

• Bu barədə elə indicə qeyd edirdim, yaxın zamanlarda həmin məqaləyə düzəlişlər olacaq, çünki fikrimcə iki eyni "şəhər" və "rayon" adlı məqaləyə ehtiyac yoxdur. Əvəzində məqalədə bu barədə (Qafanın rayon və şəhər tarixi) qeydlər olacaq. —  Cavid Sumqayıtlı  14:18, 30 aprel 2014 (UTC)

Qafan şəhəri haqqında ayrıca Qafan rayonu haqqında isə ayrıca məqalə olmalıdır. Necə ki, Bərdə şəhəri və Bərdə rayonu haqqında məqalələr olduğu kimi. Araz Yaquboglu (talk) 11:53, 30 aprel 2014 (UTC)

Cavid bəy axı inzibati vahidlə yaşayış məntəqəsi ayrı anlayışdır. Araz bəyin fikri ilə razıyam. Səhv yalnız nədədir: siz düşünürsüz ki, az vaxtda 37 rayonun hamısının "problemini" həll etmək olar. Əvvəl də qeyd etdiyim kimi keçidlər dəyişməlidir (digər dillərə). Rayonların adlnadırılması dəqiqləşdirilməlidir. Bu erməni dediyimiz xalq o qədər toponim adı dəyişib ki, adam yazmadan öncə ən azı 5 kitaba baxmalı olur. Ona görə lütfən tələsməyin. Hörmətlə !--Asparux Xan Bulqar (talk) 12:12, 30 aprel 2014 (UTC)

Hörmətli Araz Yaquboglu və Asparux Xan Bulqar bəy, mən də neçə gündür onu deməyə çalışıram ki, artıq "rayon" yoxdur, yəni nə vaxtsa olub deyə bunu bugün var kimi göstərmək düzgün deyil, necə ki, digərdilli vikipediyalarla bağlantıda "Qafan rayonu"nu şəhər Qafan əvəz edir. Yoxdur da, rayon indi neynəyək. Burada bir problem var, o da bu tərəfin camaatının hələ də Ermənistanda "Qafan rayonu"nun olduğunu düşünməsidir. Bu problemlə bağlı bu işə, artıq başlayıram Qafan məqaləsini oxuyan bunu ancaq şəhər kimi oxumayacaq, məqalədə həmin məlumatlar da olacaq.

Qafanla bağlı iki məqalənin olması qarışıqlıq yaradır, çünki Qafan rayonu yoxdur. Siz niyə Azərbaycanın inzibati ərazi bölgüsüylə eyniləşdirirsiz bu məsələni, rəsmi şeydir bu. Problem ordadır ki, Ermənistanla bağlı məqalələrdə qarışıqlıq var, tarixi mahallar müasir mərzlərə qarışıb, rayonlar şəhərlərə və s. Özünüz də dediniz ki, 1995-ci ildə inzibati ərazi quruluşu dəyişilib. Yox əgər Qafan rayonu yazılmaqla hansısa tarixi ərazilər bərpa olunacaqsa, mən razı. Amma elə deyil axı. Bəli, razıyam ki, 37 rayonun problemini indi həll etmək hələlik çətindir, amma mən heç o biri rayonlara girişməmişəm (yəni, "rayonu" sözünü silməmişəm), bu problemi ilk Qafandan başladım ki, Qafanın kəndləriylə bağlı yeni yaratdığım məqalələrdə qarışıqlıq düşməsin (kənd məqalələri bu işlə paralel gedir. Ona görə bu məsələni, xüsusilə də "mərzlər" məsələsini qaldırdım). Qafanı bitirdikdən sonra nisbətən bələd olduğum Zəngəzurun digər bölgələrinə keçəcəm, yəni tələsmək lazım deyil deməklə əksinə bu iş daha da yubanır. Sizi əmin edirəm ki, dediyim şeylərdə "öz ağlımla iş görmürəm", digər dilli vikipediyalarda da bu belədir; Qafan rayonu yazılmayıb. Qafandan başlamağımın səbəbi də həmin "rayon"dan olmağımdır. —  Cavid Sumqayıtlı  18:43, 30 aprel 2014 (UTC)

Hörmətli həmkar zəhmət olmasa bura (rusca) və bura nəzər yetirin. İzahatda yazdığım kimi digər rayonlarda da bu qeydlər olmalıdır. Müzakirə əsnasında məlum oldu ki, bu haqda tam məlumat olan kitab (mənbə) təkcə məndə var: siz isə döyüşə silahsız getmək istəyirsiz. Bir də mütləq nəzərə alın ki, əgər inzibati vahidin sadəcə vahid adı dəyişirsə (yəni məsələn: Qafan rayonu adı ərazisi, tərkibinə daxil məntəqələri saxlanılmaqla Qafan ilçəsi-oymağı-vulusvalisi-şəhristanı fəsməkanı olursa onda Qafan rayonu məqaləsinin adı dəyişdirilir olur Qafan filankəsi). Bizim mövzumuz olan halda rayon artıq yoxdur: məqalə də keçmişdə olan inzibati-ərazi vahidi haqqındadır və bu məqalədə həmin vahidin təşkil və ləğv tarixi, nədən təşkil edildiyi və ləğvi ilə nəyin tərkibinə qatıldığı haqqında məlumat olmalıdır. Bizim üçün yeni olacaq məqalələr yeni vahid olan mərz və icmalar haqqında yaradılacaq. Tələsməyin deməyimin yeganə səbəbi isə odur ki, məsələnin həllinə hazırlıqsız can atırsız. Hörmətlə !--Asparux Xan Bulqar (talk) 19:25, 30 aprel 2014 (UTC)

Hazırda var.--Asparux Xan Bulqar (talk) 19:29, 30 aprel 2014 (UTC)

• Bu ayrı məsələ. Asparux Xan Bulqar bəy, yəqin siz də buradaaşağıdakı Ermənistan SSR-in inzibati ərazi bölgüsüylə bağlı şablona fikir verdiniz. Yəni, qısası əsas anlaşmazlıq Qafan rayonu məqaləsinin rusca Кафанский район məqaləsinə yox, digərdilli vikipediyaların şəhər Qafan məqaləsinə birləşdirilməsindən yaranıb. Çünki, mən düşündüm ki, siz bunu hal-hazırki Ermənistanın inzibati ərazi bölgüsü kimi göstərirsiniz, ona görə də "rayon"ların yığışdırıldığını tez-tez vurğuladım ki, belə bir bölgü yoxdursa, bunu göstərmək düzgün deyil. Rusdilli vikipediyada isə bu məsələnin daha səmərəli, asan yolu tapılıb; Ermənistan SSR-in rayonları ayrıca göstərilib. Belədə isə mən sizin fikrinizlə razılaşmaya bilmərəm. Cəlaloğlu rayonu məqaləsi digər "rayonu" məqalələri üçün nümunə rolunu oynayır, baxmayaraq ki, digər "rayonu" məqalələrində Ermənistan SSR söhbəti getmirdi, əksinə "Qərbi Azərbaycan", "indiki Ermənistan Respublikası" kimi sözlərlə dolu idi, yəni mövzuya aid olmayan sözlərlə. —  Cavid Sumqayıtlı  01:11, 1 may 2014 (UTC)

--Ayşad Əsgərli (talk) 13:53, 1 may 2014 (UTC)

→Seko Selimov 10:17, 26 may 2014 (UTC)

Salam, Sortilegus bəy. "Son dəyişikliklər"də sizin idarəçilərin müzakirə səhifəsinə yazdığı "Xeberdaliq"larını sildiyinizi gördüm və sildiyiniz sözlərin bunlar (aşağıdakı) olduğunu görəndə silmək səbəbiniz müəmmalı qaldı. Adam sözünü deyir, siz silirsiniz və üstəlik də blok edirsiniz, ya buna ciddi səbəbiniz olmalıdır, ya da siz də bəzi idarəçilər kimi sırf sizin xoşunuza gəlmir deyə, silənlərdənsiniz, yaxud da istifadəçinin ittiham etdiyi "nurchu agaliq"dansiniz. Əgər elədirsə, mən də həmin istifadəçini dəstəkləməli (ictimailəşdirməyə çalışmaq və s. kimi) olacam, çünki mənə də ləzzət eləmir "free" ensiklopediyada bu cür ağalığın qurulması. Nolsun axı siz çoxdanın yazansınız burda, başqası təzə gəlib deyə, bağdakını qova bilməz. Bu "free"liyin pozulması şübhələri çoxdandır "şübhəlik"dən çıxmaq üzrədir onsuz da, əgər elədirsə, deyin konkret bilək; Bura kimin altqurumudur?

Əgər istifadəçinin dediyi elə bir şey yoxdursa, onda xahiş edirəm, bu məsələ barəsində açıqlama verin və ona da söz haqqı verin ki, qıraqdan müşahidə edənlər bilsin məsələ nə yerdədir. Məncə, adam durduq yerə belə "Xəbərdarlıq" etməz:

Sözügedən "Xəbərdarlıq":

"İdarechilerin fealiyyetinden ve vandalliqindan eziyyet cheken bir qrup istifadechi oz huquqlarini mudafie etmek ve Azerbaycan vikipediyasinda nurchularin aqaliqina son qoyulmasi uchun birge mubarizeye bashlayir. Bu qruplashma artiq size melumdur: "Shekili tehqir destesi" adi vermisiniz buna. Biz size fikirleshmek ucun 24 saat vaxt veririk. Qarshidurmaya qerar verseniz muxtelif istifadeçi adlari ile nurchularin aqaliq etdiyi bu vikipediyanın işini esasli shekilde pozacaqiq. İmkanlarinizi gotür-qoy edin. Bize mane ola bileceksinizmi? Bizim meqsedimiz, vikipediyada qayda-qanun yaratmaqdir. Umidvariq ki qarshidurma yolunu secmeyeceksiniz, chunki bizimle qarshidura da bilmezsiniz." —  Cavid Sumqayıtlı  22:36, 9 iyun 2014 (UTC)

Salam. Bir qrup və ya 1 istifadəçi - fərq etmir Vikipediyada vandalizmlə məşğuldurlar. Şəki ilə bağlı bir neçə məqalədə idarəçilər onların etdiyi dəyişiklikləri geri qaytarıb, müzakirə zamanı da izah olunub hər şey onlara, amma öz bildiklərini etdiklərinə və son nəticədə idarəçiləri söyüb təhqir etdiklərinə görə bloklanıblar. Əsas kimin olduğu da məlumdur və onun şəxsiyyəti də bəllidir. Artıq fərq etməz - o mövzu ətrafında bu tip söyüş yazan, belə çağırışlar edən istifadəçilər və İP-lər xəbərdarlıqsız bloklanır. Və son vaxtlar onların sayı həddən artıq çoxdur və bu bir kampaniya halını alıb. Əslində kiber cinayət kimi dəyərləndirilə bilər bu hərəkətləri və yaxın zamanlarda yəqin ki, onlar müəyyənləşdirilib müvafiq hüquq-mühafizə orqanları tərəfindən ölçülər götürüləcək. Yuxarıda qeyd etdiyiniz "Xəbərdarlıq" da bu kampaniya çərçivəsində bura yazılıb. Bütün seçilmiş məqalələr vandalizmə məruz qalıb və məzmunları dəyişdirilib. Hələlik idarəçilər bunun qarşısını alır, amma yuxarıda qeyd etdiyim kimi problem ciddiləşdiyinə görə artıq əlavə tədbirlər də görməli olacağıq. Yuxarıdakı xəbərdarlığa siz idarəçilərin yerinə olsanız necə cavab verərdiniz ki? Açıq-aşkar təhdid edir və deyir ki, biz dediyimizi etməsəniz vikipediyanın işini pozacağıq. Açıq təhdiddir. Nurçuluğa gəlincə - bundan öncə hamını MTN-ə işləməkdə günühandırırdı bu istifadəçilər, indi hamıya nurçu deyirlər, sabah nə bilim vəhabi deyəcəklər, birisigün hansısa cinsi azlığın nümayəndəsi - indi idarəçilər durub bunları bir-bir təkzib etməlidirlər. İdarəçinin fəaliyyətində heç bir dini, siyasi, milli və s. meyllilik olmamalıdır. Onun dinindən, millətindən, siyasi kimliyindən və s. asılı olmayaraq. Əgər hansısa idarəçinin fəaliyyətində bu cür hal özünü büruzə veribsə və onun bir dinin, təriqətin, siyasi idealogiyanın, millətin tərəfini tutduğu aşkardırsa ondan şikayət oluna bilər və statusunun alınmasına qədər müvafiq ölçü götürülər. Yoxsa ki, yuxarıda yazılan tonda ucdantutma hamını ittiham etmək və təhdid etmək - bunun bundan sonra da qarşısı alınacaq və o mövzuya toxunan, o cür təhdidlər yazan istifadəçilər də, İP-lər də xəbərdarlıqsız kukla kimi bloklanacaq. Hörmətlə:--Sortilegus (talk) 13:25, 10 iyun 2014 (UTC)

Diqqətinizə görə təşəkkür edirik Cavid bəy. Onlar hamısı yalan danışırlar və onların, yəni idarəçilərin son da şahidi olun. Indi istifadəçi nə etməlidir?

• Gördüm, məqalənin silinməsini bu da, artıq Sefer azerinin qərəzliliyidir, vikipediyada belə hallara yol verilməməlidir. Məqalə ensiklopedik məqalədir, silinməsinin səbəbi heç müzakirə edilməməlidir. Bütün bunlara baxmayaraq, sizin söyməyiniz, özü də idarəçilərin hamısına aid etməyiniz, sizi haqlıykən haqsız duruma düşürür. Bu barədə biraz olar ki, Kənd Meydanında müzakirə açmışdım, istərsəniz bu məsələ barəsində şərhlərinizi sakit tərzdə orada bildirin. —  Cavid Sumqayıtlı  20:33, 10 iyun 2014 (UTC)

Bir daha təşəkkürlər. Amma təəssüf ki sirlərinin faş olmaması üçün Kənd meydanını bizim üçün bağlayıblar. Söyüş söyənlər başqa adamlarıdır. Nurçular onlara imkan vermir, burada qayda-qanun işə keçmir, çalışırlar ki onların özlərindən başqa vikipediyada bir kəs qalmasın, bir idarəçinin bir neçə istifadəçi adı var, bir idarəçinin neçə dənə idarəçi adı da ola bilər. Prezident administrasiyasının vikipediyaya baxan şəxsi nurçu idi, dini qurumlara baxan şəxs də həmçinin, onlar nurçuları bura yerləşdiriblər, indi bizə burda gün verib işıq vermirlər. Xaker hucumu ilə bağlı xəbərdarlıqdan sonra Kənd meydanını, İdarəçilərə müraciət səhifəsini və öz müzakirə səhifələrini mühafizə etdilər, amma prezidentin və ailə üzvlərinin səhifələrini açıq buraxdılar ki hakerlər ora yönəlsin. Xakerlərin müraciəti isə həmin səhifələrdə xeyli qaldı, idarəçilər onu silmədi. Amma Kənd meydanında istifadəçi sual verən kimi nə bilirsiniz onlar nurçudur, o dəqiqə Sefer peyda oldu və sualın cavablanmasına imkan vermədi. Bunlar idarəçi yox, təxribatçıdırlar.

• Təklif edirəm ki, bu barədə bundan qabaq yazdığınız kimi geniş yazı yazasınız, beləcə biz də bilək nə nədir, kim kimdir. Çünki belədə mən özüm də bilmirəm hansı əsaslarla nurçu adlandırılır, yəni hansı redaktəni edəndə imkan verilməyib və s. bu kimi şeylər. Yəni mən qarşılaşmamışam deyə, deyə bilmərəm ki, haqlısınız, amma haradasa ehtimallarım sizin haqlı olduğunuzu deyir. Hər bir halda isə məlum söyüş məsələsini qınayıram, çünki yenə deyirəm haqlıykən haqsız duruma salır adamı. —  Cavid Sumqayıtlı  21:20, 10 iyun 2014 (UTC)

Dəstəyə və diqqətinizə görə sizə minnətdarlığımızı bildiririk. Bunlar hamısı yalançıdırlar, onlar bizim məsələni Kənd meydanına çıxarıblar, amma müzakirədə bizim iştirakımıza imkan vermirlər. Biz 7 nəfər başqa-başqa istifadəçilərik. Söyüş məsələsi isə bu məqalədən başladı. Məqalə yaranana qədər 3 nəfər bloklandı, məqalənin özü 7 dəfə silindi, adı dəyişdirildi, bir təhər başa çatdırmağa çalışırdıq, axırda vandal yenə onu . O əsil vandaldır. Məqalə silinməzdən əvvəl müzakirəyə çıxarılmalıdır. Onun yaradılması üçün nə boydə əziyyət çəkilmiş, rusca versiyası da hazırlanmışdır. Belə bir məqaləni yalnız vandal silə bilər. Təəssüf ki Azvikidə vandallara qarşı heç bir cəza nəzərdə tutulmur, yaxud cəza olsa da tətbiq edilmir. Sizi narahat etdiyimizə görə, üzr istəyirik, təşəkkürlər.

Vandal indi məqaləni başqa adda berpa etdi. Amma biz muzakire sehifesinde ona izah etmishdik ki, meqalenin Sheki knyazliqi adlanmasini isteyirse Azerbaycan dilinde 5 akademik menbe tedim etsin. Heç ne teqdim etmedi. Vandal ki, vandal. Biz onlara 1 hefte vaxt vermishik. Vandalliqlarindan el chekmeseler... Soyenleri axtarirsa, menem, Seymur Şekixanov. Hara istəyir şikayet etsin. Bir maqaleni yaratmaq ucun meni o qedir hirslendirdi ki, gunde 4 packa siqaredt çekirdim. Soymushem, elediyi işe göre söymushem. Yenə də eleyir, yene de soyecam. Vandalliq elemesin, soymeyim.

Cənab Şəkixanov! Siz cəmi 1 məqalə yaratmısınız, amma bütün vikipediyanın işini əsaslı şəkildə pozmusunuz. Əgər sizə qarşı vandallıq edirdilərsə bürokrata müraciət edərdiniz, söyməyə ehtiyac yox idi. Lütfən bir daha belə işlərə yol verməyin. Belə işlər bizim diqqətimizi əsas problemlərdən yayındırır. Sözsüz ki kiçik bir məsələ ətrafında kifayət qədər böyük hay-küy qaldıra bilmisiniz. Sizə qarşı haqsızlıq edənlər də yəqin ki öz səhvlərindən nəticə çıxarıblar və vicdan əzabı çəkirlər. Siz də öz növbənizdə məsələni elə buradaca bağlasanız, daha xeyirli iş görmüş olacaqsınız. Hörmətlə, vikipediyanın istifadəçilərindən biri, 17:00, 15 iyun 2014 (UTC)

• Cenab vikipedianın istifadechilerinden biri! Vikipedinin ishini men yox bular pozurlar. Menim adımı blok edibler, ürekleri bele istedi, heç bir esas yox idi. Ona gore indi anonim yazıram. Bes siz niye anonim yazırsınız? Onlardan qorxursunuz, düz deyilmi? Qorxursiniz ki Cavid Sumqayıtlı kimi sizi de heç bir esas olmadan Beli cenab vikipedianın istifadechilerinden biri! Siz burada öz fikrinizi də ürekli deyə bilmirsiniz, qorxa-qorxa deyirsiniz. Onlar ona göre menimle danışmaq istemirler ve sizi de menimle danışmaqa qoymurlar ki, onlar vandallardır. Danışsalar vandallıq etdiklərini təkzib edə bilərlərmi? Esaslandıra bilerlermi? Yox! Ona göre de danişmirlar. Onlar burada danişmayacaqlar, gedecem Azadliq radiosuna, deyəcəm belə işler edirlər. Onda ne edecekler? Ya biri Azadliqda danişanda, telefonla zeng edib söhbete qoşulacaqam. Ne edecekler? Meseleni böyütmek budur. İndi ise hele heç ne böyümeyib hele. Yeri gelmişken, bunu yazan kimi silecekler. Guya kukla, ne bilim tehqir, vikipedianin işinin pozulması. Hani burda tehqir, hani burda kukla? Hani vikipedianin işinin pozulmasi? Amma silecekler. Ona göre silecekler ki onlara vandal deyilir ve onlar vandal olduqları barede deyilenleri tekzib ede bilmirler. Ona gore de silirler.

Özlərini İslam Dövləti elan etsələr də o demək deyil ki, məqalənin adı elə də olmalıdır. Əvvəla Azərbaycanda bu qurum hələ də İraq-Şam İslam Dövləti olaraq tanınır. İkincisi isə İslam Dövləti Məhəmməd peyğəmbərin rəhbərliyi dönəmindəki idarəçiliyə verilən addı.tr:İslam Devleti--samral ^müzakirə21:13, 7 iyul 2014 (UTC)

• Salam. Nətəri yəni "Özlərini İslam Dövləti elan etsələr də o demək deyil ki, məqalənin adı elə də olmalıdır."? Adı odursa, o olmalı deyil? Rəsmi adlarıdır. Azərbaycandakının mövqeyi çox maraqlıdır onlara? Azərbaycanda çox adla tanına bilər, necə ki də tanınır, indi o adları yazaq? Ad dəyişikliyinə istinad göstərmişəm, bu müzakirə mövzusu deyil. Deyə bilərsən ki, digərdilli versiyalarda heç elə deyil və s. Mən də bunun əvəzində digərdillilərdə, xüsusilə də ingiliscə vikipediyada məqalənin adının bir neçə müddət bundan öncə "İslamic State" olduğunu, lakin səninlə eyni düşüncəni bölüşən, hesabından İranla bağlılığı görünən, çox güman iranlı olan istifadəçi tərəfindən bu ad dəyişikliyinin geri qaytarıldığını və yenidən "Islamic State of Iraq and the Levant" edildiyini deyə bilərəm. Halbuki məqalənin adını "İslamic State" edənlər bu dəyişikliyə istinad göstərmişdi.

Uzun sözün kəsəsi, bu rəsmi addır, Azərbaycandakının fikri burada öz işini yerinə yetirə bilmir. Azərbaycandakının fikrinə uyğun axtarış nəticələri onsuz da bu məqaləyə doğru yönələcək, yəni narahatlığa heç bir əsas yoxdur. Azərbaycandakının fikriylə oturub dursaq, çox məqalələrin adı dəyişdirilməlidir. Ya da "bu adla tanınır" deyə adlandırmalar olsa, dünya vikipediyasında qarmaqarışıqlıq düşəcək. Ona qalsa, İŞİD heç İŞİD adıyla da tanınmırdı, indi bundan əvvəlki adlarını yazaq və yaxud yazsınlar? —  Cavid Sumqayıtlı  06:53, 8 iyul 2014 (UTC)

10 mart 18:30 tarixində vikipediyaçıların növbəti görüşü planlaşdırılıb. Belə ki, AMEA Mərkəzi Elmi Kitabxanasında aktiv vikipediyaçıların və mövzulu ayın qaliblərinin görüşü və mükafatlandırılması tədbiri keçiriləcək. Görüşdə vikipediya ilə bağlı olan problemlər, istifadəçilərin təklifləri və digər zəruri məsələlər müzakirə olunacaq. Görüşün təşkilində əsas məsələlərdən biri də Azərbaycan Milli Ensiklopediyasının elektron formatda vikipediyaçılara təqdim olunmasıdır. Yəni arzu edən şəxslərə həmin ensiklopediya göndəriləcəkdir. İştirak etmək istəyən şəxslər 18:00-da AMEA Mərkəzi Elmi Kitabxanasına dəvət olunur. Giriş sərbəstdir. Ünvan: Elmlər Akademiyası metrosunun BDU tərəfdən olan çıxışı.--samral ^müzakirə08:57, 9 mart 2017 (UTC)

— Toghrul R (m) 11:07, 13 avqust 2022 (UTC)

— Toghrul R (m) 18:48, 13 avqust 2022 (UTC)

— Toghrul R (m) 18:59, 13 avqust 2022 (UTC)